توكيل كيا ( حسبى الله فيهم )

[seamans4]

من 3 أيام رحت توكيل كيا محمد زكى فى القطامية بدون حجز كالعادة لأنى من أول ما أشتريت العربية بعمل الصيانة عندة على طول فى أى وقت و الناس محترمة لكن فوجئت بيقلولى دلوقتى لازم تحجز ميعاد بالأتصال ب 19452
قلتلة التكييف بايظ و الجو حر جداً و لازم أصلحة قالى أحنا أسفين لازم تحجز ميعاد

المهم بقالى 3 أيام بأتصل بالتوكيل للحجز ومحدش بيرد عليا لحد الحمد للة ردوا عليا حالاً بعد عناء و تكلفة فلوس علشان يردوا

ردت عليا بنت خدت بياناتى و قالتلى أن شاء اللة ميعادك يوم 15/9/2010
يعنى بعد 10 أيام !!!!!!!!!

حاولت أقرب الميعاد لكن مفيش فايدة
بالله عليكم دة أسموا كلام ؟؟؟

يعنى التكييف ضرب لوحدة و باظ و ويبعتونى لحد يوم 15
طيب لو الواحد عربيتوا وقفت منة يستنى 10 أيام علشان يصلحهالوا ؟ ويروح مشاويرة مشى علشان سيادتهم منظمين قوى ؟

أن شاء الله لازم أحاول أبيع العربية الزبالة دى فى أقرب فرصة و حرمت أشترى من التوكيل القذر دة أى حاجة و حنصح كل أصدقائى و معارفى عن الأبتعاد عن كيا

بس الصراحة عجبونى جداً لما خلونى أخبط دماغى فى الحيطة بس الواحد توبة يجيب كيا تانى

فعلاً على رأى المثل أشترى التوكيل قبل العربية

[aymanay32]

دى حاجة فى التوكيلات كلها غالبا و نتيجة لها بيسترزق الميكانيكية و الصنايعية
لان العربيات اكثر من قدرة استحمال التوكيل و العاملين به و مفيش زيادة فى العاملين عشان التوفير و التوكيل بيشتغل بكامل طاقته 100 % و بيدخل اعلى المكاسب و الارباح
فمش هتفرق عندهم عميل مشى او راح فى داهية ما غيرة موجود و منتظر عشر ايام

[abo-salama]

حرام عليهم كده يستنى لبعد العيد كثير قوى

[odaoda]

سيراتو؟؟؟؟؟

[hazem_khidr]

هو فعلا لازم تحجز بس بالتجربه اي توكيل تروح له بدري جدا الساعه تمانيه او تسعه صباحا حياخد عربيتك و يدخلها
انا جربت كده في توكيل ميتسوبيشي و تويوتا و شيفروليه و الموضوع بيتم عادي جدا