انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني

[meshooeng]

السلام عليكم
انا المهندس / محمد فوده
انا بلتمس العذر للدكتور لانى بعانى من مشاكل مع الصنى اللى لسه شاريها ومشاكلى تتلخص فى زيادة استهلاك البنزين بشكل فظيع تصورو ان العربية بتعمل من 150 الى 160 كم فى الصفيحة بدون تكييف ومحدش يقول اشارات وتوقف لان معظم السير بيتم على الدائرى يعنى طرق سريعة .
ده غير صوت العربية الفظيع فوق سرعة 100 كم علما بانى لم اتعدى بالسيارة سرعة 120 كم بسبب الصوت الفظيع
اما مركز الصيانة فحدث ولا حرج
روحت ليهم كلهم ( كل مراكز الصيانة بلف عليها من اول اسبوع من الشراء) . والنتيجة لا شىء
مرة يقولو ان ده معدل استهلاك السيارة ومرة يقولو انهم هايظبطوها عند صيانة ال 1000 كم ومرة يقولو انهم ظبطوها على الشعرة .
ام الصوت فقالو ان العربية تقفيل مصرى وسعرها على قدة وان عزلها قعلا مش بيمنع الصوت 100%
وحتى الان انا دايخ مع مراكز الصيانة ولا حل لدرجة انى فكرت اى ابيعها وعليه العوض زمه العوض .

[momadine]

بخصوص استهلاك البنزين المفروض أول ما تجيب فوق ال 80 فى الساعة تفتحت ال أوفر درايف

فيه زرار فى عصاية الفتيس اضغط عليه بعد ال 80 و هتلاقى ان النور فى العدادات اللى اسمه "Over drive turned of" تقريبا اختفى

أنا معايا نيسان صنى موديل 2007 و بفولها بنزين 92 ب 70 جنيه و بتعمل معايا على الطرق السريعة 520 كيلو و على طرق الزحمة 400 الى 420 كيلو و أنا كمان سواقتى عنيفة شوية

الأوفر درايف هو اللى بيخلى عربيتك صوتها يعلى عند المية و هو موجود عشان تقليل استهلاك البنزين

[viper_x52]

هي العربية موديل كام يا باشا عشان انا المفروض كنت هحجز واحدة 2010 ؟؟؟ ex saloon
يا ريت ترد عليا في اسرع وقت علشان الحق نفسي و هي اوتوماتيك ولا مانيوال؟؟ انا بفكر في نيو اكسنت

[خالدخليفة]

المشاركة الأصلية كتبت بواسطة viper_x52 هي العربية موديل كام يا باشا عشان انا المفروض كنت هحجز واحدة 2010 ؟؟؟ ex saloon يا ريت ترد عليا في اسرع وقت علشان الحق نفسي و هي اوتوماتيك ولا مانيوال؟؟ انا بفكر في نيو اكسنت

ههههههههههههههههه ياراجل حرام عليك من الصنى للنيو اكسنت لاحجم ولاقوة موتور ولااتساع الصنى ولاتقارن بالاكسنت خالص الاكسنت عربية صغيرة ثم كل اللى اشتكى من الصنى ماهو الامبتدىء سواقة ومش عارف يتعامل مع العربية وزى م قال احد اخواننا وانا عارف دى ان موتورها صوته اعلى فعلاعن غيره بس لانه اقوى موتور 1600 فى السوق لانه بيطلع 118 حصان ولانه على جنزير مش على سير فعمره اطول وهل تعلم ان سعر موتور النيسان لوحده 25 الف جنيه هيا النيو اكسنت تعمل كام الا لو مشاويرك بسيطة والعائلة صغيرة فمفيش داعى للنيسان توفيرا للفلوس لان الفرق بينها وبين الاكسنت فى السعر حوالى 25 الف ان مكنتش غلطان واماموضوع الصفيحة دى حسبة قديمة وبطلت خلاص دلوقت اسمها كذا كيلو لكل 10 لتر او كذا كيلو لكل واحد لتر والنيسان بتعمل 125 كيلو لكل 10 لتر على سرعة 100 و 100 كيلو لكل 10 لتر على سرعة 140 و80 كيلو لكل 10 لتر على سرعة 170 وهذه تجاربى الشخصية
للعلم كل اللى بيشتكى منها معملش بيها الف كيلو

[elkomi15]

المشاركة الأصلية كتبت بواسطة pro mada دكتور محمد كلمني يعيد عليا يوم الوقفه فسألته عن العربيه فقالي السنتر باظ فقولتله يمكن من المطر فقالي انها ممطرطش اصلا في 6 اكتوبر يعني السنتر بقي فيه عيب رسميا ده غير عوامه البنزين اللي بيقري بمزاجها عنده بجد انا ناوي افجر التوكيل ده عشان انا محروق دمي من اللي حصله بجد يعني ايه تدفع 100000 جنيه وتتلاقي عربيه فيها العيوب دي ؟؟؟؟؟؟؟؟؟

على فكرة الراجل دة اخد عربية فرز تانى : نصيبة كدة انا بقرأ التعليقات وحاسس انى بسمع لعربية 128 مش نيسان
انا معايا العربية من شهر اغسطس وعامل بيها 18 الف كيلو تقريبا ------------------ومعايا النترا 2008 -----------

النيسان عربية ممتازة وثابتة على الطريق وبتفكرنى بسيارات الزمن الجميل
النترا سيارة الرفاهية والنعومة والرقة

انما لو قارنت بينهم اخد ايلى تتحملنى 5 سنين اكيد هاتكون النيسان --------------------------
يدكتور محمد انت لبست عربية بايظة ولازم ترجعهاااا انما النيسان عربيات مش وحشة اوى كدة امال ال افيو بئة وبلاويهااا وفراملها ايلى بتزيق ولا السيراتو الواطية ايلى مع مطب متوسط وانت محمل ورة بيحك فى العربية
ولا اسبرانزااا ايلى التنابير بتاعتها بتتغير وهى لسة معملتش 5000ك
بصراحة بصو ايلى عاوز عربية بلا عيوب او عيوب قليلة يركب المانى ويريح دماغة