استهلاك البنزين عالي

[lolly136]

ماهي أسباب الإستهلاك العالي للبنزين؟؟؟

بعيدا عن الظروف الخارجية مثل : الزحمة المرورية أو اسلوب القيادة أو حالة العربية...... أكيد في أسباب فنية ممكن تؤثر على استهلاك البنزين

أول حاجة حنكشف عليها
البنزين:
* لازم نشوف لو في أي تسريب من التانك أو الترومبة
* لازم نشوف نوعية البنزين نفسها.... طبعا احنا في بلد مش بعيد يبيعوا المية بسعر ال 92




* طب لو حصل واستخدمنا بنزين مخلوط حيحصل ايه؟؟؟
حتحس إن العربية سحبها ضعيف وبتنتيش
العربية مش بدور بسهولة خصوصا في الشتاء
في حاجات حتخرب زي الترومبة والتانك وأغلب حاجات نظام الحقن
* حاجة كمان لو البنزين سيء ممكن يؤثر على فلتر البنزين ويتسد و ده برده يسبب استهلاك علي للبنزين

* حاجة تانية ممكن تؤثر على استهلاك البنزين زيت الموتور نكشف على منسوب الزيت لازم يكون بين ال F و L و يكون لونه مقبول وفي حالة الزيت ناقص نزوده ولو لونه غامق قوي ممكن نغيره خالص

* حاجة كمان تخلي استهلاك البنزين عالي قياس الإطارات ..... تصدقوا لو الكاوتش ناقص ممكن يؤثر على استهلاك البنزين .. يبقى لازم نظبط الهوا أول بأول

* آخر حاجة عايز اقولها عشان يبقى عملنا اللي علينا نكشف على فلتر الهوا ممكن يكون في حاجة سدته يبقى ننضفه أو يتغير

الموضوع اجتهاد شخصي لو حد عيز ينقله يذكر المصدر الكاتب
ولو حد عيز يتناقش أنا مستعد ولو في أسباب تانية يا ريت نضيفها للافادة

[sharooo]

السلام عليكم
كلامك مزبوط يا باشا لو بنتكلم على عربيه كربريتر بس لو تسمحلى بالاضافه لو العربيه حقن الكتروني الوضع هيختلف وتكشف على حساسات المكنه زي حساس الشكمان والهوا و TPS
وشكرا على الموضوع