حادثة للسيراتو البقاء لله

[ehab62]

وانا فى طريقى لمرسى علم حصلت حادثة جامدة مابين عربيه سيراتو وكورولا وحدثت كالتالى الكرولا كانت لازقة فى ظهر السيراتو وماشيين بسرعة عاليه والاتنين ليموزين وفوجىء قائد السيراتو بوجود حصى اثناء تخطيه ملف على الطريق فقامت الكرولا بخبطه من الخلف بسبب انه لازق فيه بمعنى الكلمه اقل من نصف متر ودى عادة زباله لسائقين البحر الاحمر وبتحصلى كتير انى بلاقى عربية لازقة فيا وانا على سرعة عاليه وبيكون دائما تصرفى انى بعطيه اشارة انتظار واخليه يعدينى يا اما بزود وبابعد عنه ولو سمحتم اقرأو الفاتحة على المتوفى (قائد السيراتو) ومن الواضح ان السيارة اقل فئة وبدون اير باج مرفق اتنين فيديو. ارجو المساعدة من المنتدى مش عارف ارفع الفيديو وعددهم اتنين لتكمله الموضوع مع انى قمت بتحويلهم الى ملفات مضغوطة بصيغة rar ارجو شرح لكيفية رفع الفيديو

[hazem_khidr]

شكرا علي الموضوع
هو بصراحه اي عربيه بخلاف السيراتو لازم تفقد توازنها في الحاله دي
و البقاء لله و ربنا يصبر اهل المتوفي

[AbOnOrA]

البقاء لله وربنا يتغمدة برحمته ويلهم اهله الصبر والسلوان

طبعاً ملف وبسرعه عاليه والطريق فيه حصى او رمل كمان ويتخبط وهو بيلف ديه حادثه مؤكده وغالباً الايرباج مش هتعمل حاجة لان الموجودة دايماً بتكون ايرباج امامية فهتفيد لو الاصطدام امامى فقط لكن حادثة زى كده فيها احتمالات تتقلب او يحصل تصادم جانبى او خلفى ودول الايرباج متفيدش فى حاجة ده غير ما اذا كان رابط الحزام ولا لاء من الاصل
هو قدره بلاشك وربنا يرحمه ويسترها مع الناس كلها يارب ونخاف على بعض ونبطل رعونه ممكن تبقى نتيجتها كارثيه علينا وعلى غيرنا بدون اى ذنب

وبخصوص رفع الفيديو فهو مش بيتم فى المنتدى حضرتك ترفع الفيديو على اليوتيوب وتحط الرابط فى المنتدى وان شاء الله هنعمل موقع خاص للفيديو وبرضو هيبقى الرفع عليه وتاخد رابط تحطه فى المنتدى لان مفيش منتدى ينفع يترفع عليه الفيديو مباشره

فحضرتك لازم تسجل فى اليوتيوب او موقع شبيه وترفع عليه الفيديو وتاخد الرابط تحطه فى المشاركة علشان يظهر الفيديو

[bmkbmk]

البقاء لله .. ربنا يرحم جميع موتى المسلمين
و ربنا يهدى كل الناس اللى فاكرة الشوارع و الطرق حلبات للسباق

[ehab62]

[SIZE=5][COLOR=Blue]وانا فى طريقى لمرسى علم حصلت حادثة جامدة مابين عربيه سيراتو وكورولا وحدثت كالتالى الكرولا كانت لازقة فى ظهر السيراتو وماشيين بسرعة عاليه والاتنين ليموزين وفوجىء قائد السيراتو بوجود حصى اثناء تخطيه ملف على الطريق فقامت الكرولا بخبطه من الخلف بسبب انه لازق فيه بمعنى الكلمه اقل من نصف متر ودى عادة زباله لسائقين البحر الاحمر وبتحصلى كتير انى بلاقى عربية لازقة فيا وانا على سرعة عاليه وبيكون دائما تصرفى انى بعطيه اشارة انتظار واخليه يعدينى يا اما بزود وبابعد عنه ولو سمحتم اقرأو الفاتحة على المتوفى (قائد السيراتو) ومن الواضح ان السيارة اقل فئة وبدون اير باج مرفق اتنين فيديو.