اية رايك فى الغاز الطبيعى للسيارات؟؟؟؟

[بيرو]

كنت عايز اعرف راى الاعضاء فى موضوع الغاز الطبيعى للسيارات وكنت عايز اطرح مجموعة اسئلة:ـ

لماذا لا يستعمل كل الناس الغاز رغم فرق السعر الكبير بينة وبين البنزين ؟

هل الغاز فى السيارات الجديدة افضل ام الموديلات القديمة ؟

ما هى الاثار الجانبية السيئة نتيجة استعمال الغاز (ان وجدت) ؟

ماهى تكلفة التحويل الى الغاز ؟

هل توجد صعوبة فى التموين بالغاز (عدد محطات الغاز واماكنها) ؟

ارجو المشاركة للاستفادة وشكرا

[فادى]

لا ينصح باستخدام الغاز عموما فى السيارة, فالغاز الطبيعى يحتوى على عنصر الكبريتيك, و الذى يتسبب بتأكل المحرك بشكل سريع,
و فى النهاية هتلاقى نفسك بتعمل عمرة كل 50 الف كيلو مثلا, و اللى هتوفره فى تمن البنزين هتدفعه فى عمرة المحرك.
ده غير انو اداء الغاز أسوأ من البنزين, و لازم تسخن العربية قبل ما تطلع بيه, و التانك بياخد مساحة لا بأس بها من الشنطة.
و عشان كده مفيش عربية ملاكى بتتحول غاز, بصراحة مينفعش.و سائقى التاكسى اللى بيحولوا غاز مع احترامى ليهم, أغبياء, الغاز لا يصلح.

[بيرو]

طيب لما هو فاشل خالص كدة الفكرة جت منين (ان السيارات تتحول)

وكمان انا اسمع ان فى عربيات جديدة بتيجى من بلادها فيها غاز

[فادى]

المشاركة الأصلية كتبت بواسطة بيرو طيب لما هو فاشل خالص كدة الفكرة جت منين (ان السيارات تتحول) وكمان انا اسمع ان فى عربيات جديدة بتيجى من بلادها فيها غاز

الفكره جت لأن الغاز بيحافظ على البيئة اكتر من البنزين, و طبعا انت عارف انو "خبل" الحفاظ على البيئة و اللون الأخضر الى اخر هذا الهراء منتشر بكثرة هذه الأيام!
و ممكن نقول انه ده ميزته الوحيدة, لو كنت تعتبر انو ده ميزة يعنى.
و ممكن تعمل دراسة عن جدوى اقتصادية, لو دفعت تمن الغاز لمدة سنتين مثلا, و بعديهم عمرة أرخص و لا ادفع تمن البنزين لمدة سنتين من غير عمرة؟!
ده طبعا من غير احتساب قرف و زهق عمرة المحرك و اللف على الميكانيكية و محلات قطع الغيار و القعدة اسبوع و لا اتنين من غير عربية!
فى النهاية اللى شايف انو الحفاظ على البيئة يساوى هذا الجهد و التكلفة و يساوى تخريب محرك سيارته, فيمكنه أن يستخدم الغاز الطبيعى!
بس انا بصراحة لست مستعدا لتخريب سيارتى كى احافظ على البيئة, خليها تتلوث احسن.

[POP EL GAMED]

المشاركة الأصلية كتبت بواسطة فادى لا ينصح باستخدام الغاز عموما فى السيارة, فالغاز الطبيعى يحتوى على عنصر الكبريتيك, و الذى يتسبب بتأكل المحرك بشكل سريع, و فى النهاية هتلاقى نفسك بتعمل عمرة كل 50 الف كيلو مثلا, و اللى هتوفره فى تمن البنزين هتدفعه فى عمرة المحرك. ده غير انو اداء الغاز أسوأ من البنزين, و لازم تسخن العربية قبل ما تطلع بيه, و التانك بياخد مساحة لا بأس بها من الشنطة. و عشان كده مفيش عربية ملاكى بتتحول غاز, بصراحة مينفعش.و سائقى التاكسى اللى بيحولوا غاز مع احترامى ليهم, أغبياء, الغاز لا يصلح.

الكلام ده حقيقى بنسبه 1000%
وعن تجربه شخصيه لعربيه واحد صاحبى فى السفر (كانت شاهين 1400)
العربيه على الغاز اعلى سرعه ليها كانت 100 110 لما نضغط عليها جامد
انما بالبنزين كانت بتوصل ل130 مستريح
يعنى فى الاخر هنلاقى اننا عشان نطلع طاقه الموتور هنضغط عليه جامد وعلى الفتيس
يبقى الحاجات دى عمرها هيتقصف يعنى انا مستفدتش حاجه من التوفير الوقتى بتاع الغاز
غير كده حجم الاسطوانه الكبير فى الشنطه
وجزء تانى مهم جدا الخطر من انك تبقى ماشى وانت معاك تانكين بدل واحد يعنى اخطر بكتير وخصوصا ان تانك الغاز بيبقى فى الشنطه نفسها ومبيبقاش متثبت متأمن زى تانك البنزين