احذركم من السيارة كومودو بعد تجربة شخصية

[ابو جودة]

ربنا يعوض عليك بخير
فين حماية المستهلك

[علاء فتح الله]

السلام عليكم ورحمة الله

الأخ صاحب الموضوع منزل نفس الموضوع بنفس التفاصيل الكتير دي copy & paste في منتديات السيارات كلها تقريباً وحتى في الـ Facebook ، ممايوحي إن الموضوع ده وراه "إنّ" !!!

لكن لو الكلام دا حقيقي تبقى مصيبة فعلاً ، وفيه جهات ممكن تقف جنبه زي "جهاز حماية المستهلك"

[cekk1234]

يعني تفتكر تكون ايه "الأنه" انا طبعا حطيت هذا الموضوع في اكثر من مكان لتحذير الناس حيث انني انخدعت في هذه السيارة من شكلها وخسرت مبلغ كبير بعد قيادتها 7000 كم ومن السهل جدا ان تتأكد بنفسك ان الموضوع حقيقي من السوق ومن اعلانات بيع السيارة
واذا ما كنتش مصدق ادخل علي موقع الوسيط او اي موقع يبيع السيارات وستري ان جميع هذه السيارة الكومودو تباع ابتداء من 800 كم استخدام وحتي اقصي تقدير 30000 كم وتباع مستعملة اقل من سعر الزيرو بحوالي 45000 جنية الان. انا شخصيا بعت من ثلاثة اشهر بخسارة 30000 جنية
وعلي فكرة ممكن تسأل وتعرف كمان ان الانتاج متوقف من ابريل الماضي 2009 اي بعد بدء الانتاج في يونيو 2008 بحوالي اقل من عام في محاولة لاصلاح العيوب
وتم انتاج عدد كبير مرمي في الصحراء بمصنع الهيئة العربية للتصنيع لا يجد من يشترية
كما ان مركز الخدمة بابو رواش يعتبر اسواء مركز خدمة شاهدته في حياتي

[tigernet]

كل الاعطال دية
كل دة يحصل بسرعة دية
الحمد للة انك بعتها

[egypt_farmer]

من غير زعل
اى عربيه فعلا وارد انها تكون وحشه دى او غيرها يس مش عارف ليه عقلى رافض انها تكون بالوحاشه دى
انا معلوماتى عنها بسيطه بس انا ليا واحد صاحبى جايبها من كام شهر وبجد ما اشتكاش منها قدامى
بس انا اوعدكم انى هسأله
وعموما جازى الله صاحب التوبيك كل خير على النصيحه .. وربنا يعوض عليه