الرجاء الاهتمام جدا جدا // فتيس نوبيرا اوتوماتيك , ال R فقط يعمل , وكل الدفع الامامى لا يعمل !! ارجو المساعدة ربنا يخليكم يا رب ..

[حسام البورسعيدى]

متابع معاك باذن الله واسف جدا للتاخير ...

شوف حضرتك .. فتيس النوبيرا (وخصوصا نوبيرا 1) معروف عنه الحركه دى ..

ودى حصلت قدامى اكتر من مره ...

فغالبا كده هتحتاج للاسف تغير الفتيس .. لان التصليح مش هيرجع الفتيس زى الاول ووارد جدا انه يبوظ تانى بعد شهر او اتنين .. وخصوصا مع فتيس ضعيف زى فتيس النوبيرا 1 ....

نيجى بقى للعطل .. العطل فى الحاله زى بيكون فى مجموعه الاجزاء الخاصه بطلعة العربية او الغيار الاول (مجموعه كلاتشات الطلعه) .. ودى طبعا علشان تتغير هتحتاج تحل الفتيس وتفوره خالص وفى الحالة دى هيكلفك فى حدود 500 - 600 جنية تصليح (المجموعه هتعملها 200 جنيه ولا حاجه وطبعا بتبقى مستعمله وطالعه من فتيس كان بايظ + حوالى 200 جنية مصنعيه + حوالى 200 جنية زيت وفلتر) ... وطبعا التصليح مش هيكون مضمون خالص وغالبا هيرجع تانى ....


لكن لما تجيب فتيس استيراد هيكلفك فى حدود 1000 جنية (الكلام ده هنا فى بورسعيد لكن فى المنصوره قطع الغيار غالية) + حوالى 200 جنية مصنعيه + حوالى 200 جنيه زيت وفلتر جداد للفتيس (لو ليه فلتر بيتغير) ...

يعنى حوالى 1500 جنية .. ممكن يزيدوا او يقلوا حسب سعر الفتيس ...

انا لسه مغير فتيس فى عربيتى هيونداى افانتى (النترا) 97 من اقل من شهرين .. وجبته ب 800 جنية .. بس بعد لف ودوران فى بنك الاسكان (منطقه تجار الاستيراد فى بورسعيد) حوالى 3 ساعات ومعايا الميكانيكى .. وسمعت اسعار للفتيس بتاعى من 700 الى 1500 جنية ..

والفتيس اللى جبته ده كان يعتبر زيرو وكان راكب على موتور والميكانيكى حله من على الموتور قدام عينى .. وما شاء الله الموتور كان زيرو والله لو كنت عامل حسابى كنت اخدته وخزنته عندى لانه كان لقطه .. وعايناه لقيته زيته احمر ونضيف وريحته نضيفه .. فدفعت الفلوس واتفقت على تجربه 3 ايام ...

يعنى التكلفه النهائية كانت 800 الفتيس + 200 مصنعيه + شويه مصاريف بسيطه فى حدود 50 جنية زى التروسيكل اللى نقل الفتيس للورشه مثلا ..

وانا حطيت الزيت بتاع الفتيس القديم لانه كان بقاله 10 ايام فقط .. وقلت اجرب بيه الفتيس علشان لو طلع فيه حاجه متغرمش 120 تمن الزيت ع الفاضى ..


فيا رب اكون قدرت افيدك شويه .. ومتابع معاك باذن الله لغايه لما المشكله تتحل .....

[EZZ2006]

شكراً حسام

[ENG/A.S.A]

المشاركة الأصلية كتبت بواسطة حسام البورسعيدى متابع معاك باذن الله واسف جدا للتاخير ... شوف حضرتك .. فتيس النوبيرا (وخصوصا نوبيرا 1) معروف عنه الحركه دى .. ودى حصلت قدامى اكتر من مره ... فغالبا كده هتحتاج للاسف تغير الفتيس .. لان التصليح مش هيرجع الفتيس زى الاول ووارد جدا انه يبوظ تانى بعد شهر او اتنين .. وخصوصا مع فتيس ضعيف زى فتيس النوبيرا 1 .... نيجى بقى للعطل .. العطل فى الحاله زى بيكون فى مجموعه الاجزاء الخاصه بطلعة العربية او الغيار الاول (مجموعه كلاتشات الطلعه) .. ودى طبعا علشان تتغير هتحتاج تحل الفتيس وتفوره خالص وفى الحالة دى هيكلفك فى حدود 500 - 600 جنية تصليح (المجموعه هتعملها 200 جنيه ولا حاجه وطبعا بتبقى مستعمله وطالعه من فتيس كان بايظ + حوالى 200 جنية مصنعيه + حوالى 200 جنية زيت وفلتر) ... وطبعا التصليح مش هيكون مضمون خالص وغالبا هيرجع تانى .... لكن لما تجيب فتيس استيراد هيكلفك فى حدود 1000 جنية (الكلام ده هنا فى بورسعيد لكن فى المنصوره قطع الغيار غالية) + حوالى 200 جنية مصنعيه + حوالى 200 جنيه زيت وفلتر جداد للفتيس (لو ليه فلتر بيتغير) ... يعنى حوالى 1500 جنية .. ممكن يزيدوا او يقلوا حسب سعر الفتيس ... انا لسه مغير فتيس فى عربيتى هيونداى افانتى (النترا) 97 من اقل من شهرين .. وجبته ب 800 جنية .. بس بعد لف ودوران فى بنك الاسكان (منطقه تجار الاستيراد فى بورسعيد) حوالى 3 ساعات ومعايا الميكانيكى .. وسمعت اسعار للفتيس بتاعى من 700 الى 1500 جنية .. والفتيس اللى جبته ده كان يعتبر زيرو وكان راكب على موتور والميكانيكى حله من على الموتور قدام عينى .. وما شاء الله الموتور كان زيرو والله لو كنت عامل حسابى كنت اخدته وخزنته عندى لانه كان لقطه .. وعايناه لقيته زيته احمر ونضيف وريحته نضيفه .. فدفعت الفلوس واتفقت على تجربه 3 ايام ... يعنى التكلفه النهائية كانت 800 الفتيس + 200 مصنعيه + شويه مصاريف بسيطه فى حدود 50 جنية زى التروسيكل اللى نقل الفتيس للورشه مثلا .. وانا حطيت الزيت بتاع الفتيس القديم لانه كان بقاله 10 ايام فقط .. وقلت اجرب بيه الفتيس علشان لو طلع فيه حاجه متغرمش 120 تمن الزيت ع الفاضى .. فيا رب اكون قدرت افيدك شويه .. ومتابع معاك باذن الله لغايه لما المشكله تتحل .....

اشكرك يا استاذ حسام للأستفاضة دى ..
ربنا يبارك فيك يا رب ..


بص يا سيدى / فيه ميكانيكى او عفشجى ,, جالى شاف العربية , دا تانى واحد
جه برده زى القرد معملش حاجة دور العربية ! وجرب الغيارات وكدا ؟ وطبعا العربية متحركتش !!
فقام فاتح الكبوت , وبص , وقالى الزيت متغير امتى ؟ مع ان الزيت احمر دم !! وحلو يعنى
فالمهم قالى فى الآخر ,, الفتيس باظ
يتغير !!
وقالى , منصحش بتفوير الفتيس عشان ممكن اللى اشوفه فيه واغيره , ممكن مضمنش لك ان العربية تشتغل

ونصحنى اقلبها عادة ..
قالى فتيس العادة بتاعها 300 جنيه .. !!

وقالى فتيس الاوتوماتيك بتاعها مش فاكر قال كام ؟ !! بس شكله مش عارف حاجة يعنى
وبصراحة غلبت والله
,, فشكلى كدا بقى هشترى دماغى واشترى واحد جديد ..
بس الله وكيل ؟ دى عربية مش خسارة فيها اى فلوس
عربية تستاهل




مش زى العربية ال 128 اللى معايا الفيات !!
عربية قذرة !! قسما بربى يا اخى , صارف عليها من يومين بالظبط 1000 جنيه ورب العباد عشان اظبط العفشة ,, والله العربية ما تتركب !! والله ما تتركب وعايز يتولع فيها بجاز ووسخ كمان !! وحسبى ربى فى كل صنايعى قلبنى فى الفلوس ومش فاهم حاجة !!



ما علينا ما علينا ,, شكلى هشدها للمنصورة بقى واوديها لأى حد ..
بس يا ريت لو ابقى اقدر اتواصل معاك عشان اعرف اماكن كويسة او ادونى تليفونات ناس اسأل عندها سعر الفتيس كام ؟ لو فى دمياط ارخص كتير او بور سعيد ؟ اجيب عربية واشترى واحد من هناك احسن لى ..

[حسام البورسعيدى]

تحت امرك يا غالى ومتابع معاك لغايه لما تحل المشكلة باذن المولى ...

موضوع انك تقلبها عاده ده .. يا ريت ..

انا كان نفسى اقلب عربيتى عاده .. مع ان فتيسها عموما مفهوش عيوب ولا حاجه زى النوبيرا و كويس .. بس انا اصلا بفضل المانيوال ..

ولكن لما سألت اتضح لى ان الموضوع هيتكلف كتير علشان اقلبها مانيوال ...

المسأله مش مسأله فتيس بس .. انت علشان تقلبها مانيوال هتتكلف فى حدود 2000 جنية ...

هتحتاج فتيس مانيوال و مجموعه دبرياج وماستر دبرياج وقربه زيت باكم تانيه و بدال دبرياج وفرامل وعصايه فتيس بوصلاتها واجزاء فى الكونصول لو فى اختلاف ما بينها وبين الاتوماتيك .. وهيبقى عندك عدادات الاتوماتيك فى التابلوه مالهاش لازمه ...

يعنى الموضوع كبير ومش سهل ...

بس فى حاله النوبيرا اعتقد الموضوع هيكون اسهل .. لانك اكيد مش اول واحد تعمل كده بسبب الفتيس المعيوب بتاعها ..

فلو امكن تقلبها مانيوال تستريح ولكن هتصرف شويه ..

عموما لو حبيت تجيب حاجة من بورسعيد هنا انا تحت امرك وهدلك على ناس كويسه .. ولو حبيت تسقط الفتيس هنا فى بورسعيد برضو تحت امرك وهوديك للراجل اللى عمللى الفتيس وكله هيبقى تمام باذن الله ...

[ENG/A.S.A]

تسلم لى يا رب يا استاذ حسام ..
ربنا يعزك يا رب ..


والله المشكلة مش فى الفلوس خالص , القصة انى عايز الحاجة تتعمل صح وخلاص !! لأنى قرفت من العربيات وسنينها , الواحد يجيب عربية جديدة من التوكيل احسن له ..


ناس كتير بتقول اقلبها عادة احسن لى ..
وكمان هحتاج كبالن تانية لأن الراس بتاعتها مش بتمشى مع الاوتوماتيك ..
ففعلا قصة ..
ربنا ييسر الحال ,, واشكرك يا اخى للمساعدة ..


ولو انى لحد النهاردا مش مقتنع ان الفتيس محروق !! اصلها فجأه كدا فى ثانية
بدون مقدمات ولا اى اسباب !! فجأة يفصل
كأن سلك كهربا مثلا فصل !! او اى حاجة فصلت !
يلا الله المستعان

اشكرك