زنة التبلوه العجيبة

[lord_diago]

المشاركة الأصلية كتبت بواسطة dragking السلام عليكم المشكلة دي سبق وتم حلها بنجاح باهر من قبل بعض الاعضاء في مواضيع سابقة ، والحل ياجماعه يتلخص بسهوله جداً في الآتي: الزنة دي بتحصل لما بتكون دايس بنزين على الغيار الثاني او الثالث وبعدين بتشيل رجلك من على البنزين بدون فرامل فبتسمع الزنة - صح ؟ ماشي الزنة دي بتكون جاية من خلف الطابلوه الحل هاتفتحك كبوت الفيرنا الجميلة وهتبص في آخر الحوض تماما بعد الانجيكشن هتلاقي ماسورتين ماشين بداية من اليمين الى اليسار بعد الانجيكشن بالعرض وخلف الطابلوه تماما كل اللي هاتعمله انك هاتجيب قطعتين سفنج كويس بسمك حوالي 3 الى 4 سم بحجم نصف كف اليد وهاتحطهم خلف الماسورتين اللى اصلا عاملين الزنة الرخمة وتحشرهم وتثبتهم كويس ورا الماسورتين وبين جسم السيارة الصاج من الداخل بحيث ان كل قطعه سفنج تبقى ورا ماسورة وجربوا وادعو لينا جميعاً ملحوظة بخصوص عزل الفيرنا " العزل كويس جداً عكس كل الناس اللى بتقول ان الفيرنا مافيهاش عزل لأ فيها عزل كويس جدا جدا خلف الطابلوه بس انت مش شابفه وشكرا لكم جميعا اذا كنت قد استطعت افادتكم

ياباشا انت برنسسسسسسسسسسس الصوت راح الحمد لله مش عارف اقوللك ايه الف شكر

[islamox]

بس يا كبير الزنة دى كفرتنى فى عربيتى وبتيجى بعد التمانين طول مانت حاطط رجلك على البنزين واول ماتشيل رجلك من على الدواسة بتروح وبتيجى من النص اليمين بتاع الطابلوه والحتة اللى فوق الساعة وحلها انك تنساها وهتروح لوحدها لانى فكيت التابلوه بسسببها وفى الآخر راحت لوحدها

[aymanlaw]

الف شكر على المعلومات ومنكم نستفيد

[dragking]

المشاركة الأصلية كتبت بواسطة lord_diago ياباشا انت برنسسسسسسسسسسس الصوت راح الحمد لله مش عارف اقوللك ايه الف شكر

العفو يا باشا ، ويارب نساعد بعضنا كلنا

[Vanditta]

انابرضة عندى الزنة العجيبة دى وعربيتى سويفت
وطلع عين اهلى عشان اعرف مصدرها مش عارف