خلاصة التجارب مع اشهر السيارات المستعملة فى مصر

[mar mar]

المشاركة الأصلية كتبت بواسطة seifmando االنهاردة جيبلكو موضوع مش منقول للفايدة العامة: خلاصة التجارب مع اشهر السيارات المستعملة فى مصر 1- اسبيرانزا A516 اشهر ما قيل عنها - اشهر العيوب : الوكيل السيئ – قطع الغيار غالية ومش متوفرة اوي – سعر اعادة بيع فى الارض – الاجيال الاولى منها نزلت بعيب فى الشاسيه – الامان ضايع - اشهر المزايا : عربية رخيصة بالنسبة للامكانيات – شكل مميز – صالون جيد نسبياً – الشكمان له صوت رياضى مع الحرق 2- اسبيرانزا M11 اشهر ما قيل عنها - اشهر العيوب : الوكيل السيئ - قطع الغيار غالية ومش متوفرة اوي- سعر اعادة بيع قليل – مشاكل جامدة فى التقفيل - الامان ضايع - اشهر المزايا : عربية رخيصة بالنسبة للامكانيات – شبيهة بالالانترا – شكل جيد – صالون والتابلوه مميزين 3- اسبيرانزا تيجو اشهر ما قيل عنها - اشهر العيوب : الوكيل السيئ - قطع الغيار غالية ومش متوفرة اوي- سعر اعادة بيع قليل – مشاكل جامدة فى العفشة - مش اعتمادية - الامان ضايع - اشهر المزايا : عربية رخيصة بالنسبة للامكانيات – شبيهة شيروكى والتيريوس – شكل جيد – عالية عن الارض- صالون والتابلوه جيدين 4- أوبل فكترا\استرا اشهر ما قيل عنها - اشهر العيوب : قطع الغيار نار واستيراد بس – مشاكل فى العفشة - استهلاك بنزين عالى – مش أي حد يصلحها - اشهر المزايا : عربية المانى(ثبات – قوة – اداء- امان)- معمرة جداً 5- بروتون جين 2 اشهر ما قيل عنها - اشهر العيوب : قطع الغيار نار مش متوفرة – مشاكل فى التقفيل - استهلاك بنزين عالى – مش أي حد يصلحها - اشهر المزايا : ثبات – قوة – اداء- امان نسبي – شكل رياضى 6- بريليانس FRV اشهر ما قيل عنها - اشهر العيوب : سمعة الصيني – مشاكل فى جودة خامات التقفيل - قطع الغيار - اشهر المزايا : الوكيل البافارية – شكل رياضى – امان متوسط 7- بي إم 316\318 اشهر ما قيل عنها - اشهر العيوب : قطع الغيار نار - سعر اعادة البيع - اشهر المزايا : عربية المانى(ثبات – قوة – اداء- امان)- معمرة جداً - الوكيل البافارية – شكل رياضى 8- تويوتا كرولا اشهر ما قيل عنها - اشهر العيوب : قطع الغيار غالية نسبياً - التوكيل - اشهر المزايا : اعتمادية – موفرة بنزين 9- تويوتا ياريس اشهر ما قيل عنها - اشهر العيوب : قطع الغيار غالية نسبياً - التوكيل - اشهر المزايا : اعتمادية – موفرة بنزين – ثبات قليل - اشهر المزايا : اعتمادية – موفرة بنزين – ثبات قليل 10- رينو ميجان اشهر ما قيل عنها - اشهر العيوب : قطع الغيار غالية نار - تكنولوجيا زيادة – سعر اعدة البيع فى الارض - اشهر المزايا : اعتمادية – التوكيل - ثبات – شكل و برستيج - تكنولوجيا 11- رينو لوجان اشهر ما قيل عنها - اشهر العيوب : قطع الغيار غالية – شكل – ثبات – صالون فقير نسبياً - اشهر المزايا : التوكيل – سعر جيد بالنسبة للامكانيات - 12- رينو فلونس اشهر ما قيل عنها - اشهر العيوب : قطع الغيار غالية – تكنولوجيا زيادة - اشهر المزايا : التوكيل – سعر جيد بالنسبة للامكانيات – فخامة – امان – ثبات – اوبسنز كتير 13- اسكودا اوكتافيا اشهر ما قيل عنها - اشهر العيوب : قطع الغيار غالية - اشهر المزايا : عربية المانى (ثبات – قوة – اداء- امان)- معمرة جداً - التوكيل – شكل جيد جداً 14- شيفروليه اوبترا اشهر ما قيل عنها - اشهر العيوب : كورى - ثبات ضعيف - اوبشنز قليلة – مش معمرة\اعتمادية زي الاوروبي - اشهر المزايا : قطع الغيار عند البقال ورخيصة – سعر اعادة بيع جيد – اعطال سهلة وعادية 15- شيفروليه افيو\لانوس اشهر ما قيل عنها - اشهر العيوب : كورى - ثبات ضعيف - اوبشنز قليلة – مش معمرة\اعتمادية زي الاوروبي – ضيقة نسبياً - اشهر المزايا : قطع الغيار عند البقال ورخيصة – سعر اعادة بيع جيد – اعطال سهلة وعادية 16- شيفروليه كروز اشهر ما قيل عنها - اشهر العيوب : كورى - قطع الغيار مش متوفرة اوي - اشهر المزايا : سعر اعادة بيع جيد – اعطال سهلة وعادية – الشكل والفخامة – اوبشنز 17- شيفروليه سبارك اشهر ما قيل عنها - اشهر العيوب : كورى – ضيقة – شنطة صغيرة – سي سي قليل - اشهر المزايا : سعر اعادة بيع جيد – اعطال سهلة وعادية 18- فولكس جيتا\جولف\باسات اشهر ما قيل عنها - اشهر العيوب : الفتيس – الفتيس ثم الفتيس – قطع الغيار نار ومش متوفرة - اشهر المزايا : عربية المانى (ثبات – قوة – اداء- امان)- معمرة جداً – شكل ممتاز – اوبشنز 19- فيات بونتو\برافو اشهر ما قيل عنها - اشهر العيوب التوكيل – قطع الغيار نار ومش متوفرة – سعر اعادة بيع ضايع - اشهر المزايا : عربية ايطالي - ثبات – قوة – اداء- امان- معمرة جداً – شكل ممتاز – اوبشنز - 20- كيا سيراتو اشهر ما قيل عنها - اشهر العيوب التوكيل – الثبات - الامان - اشهر المزايا : شكل جيد – اوبشنز – سعر اعادة البيع 21- كيا كارينز اشهر ما قيل عنها - اشهر العيوب التوكيل – تقيلة – الامان - اشهر المزايا : شكل جيد – اوبشنز – صالون واسع - 22- كيا بيكانتو اشهر ما قيل عنها - اشهر العيوب : كورى – ضيقة – شنطة صغيرة – سي سي قليل - اشهر المزايا : سعر اعادة بيع جيد – اعطال سهلة وعادية 23- مازدا 3 اشهر ما قيل عنها - اشهر العيوب : قطع الغيار نار – السعر غالى – اوبشنز قليلة - اشهر المزايا : سعر اعادة بيع جيد – معمرة – ثبات – امان – اعتمادية 24- متسوبيشي لانسر اشهر ما قيل عنها - اشهر العيوب : بطيئة (خصوصاً 1300 اوتو) – الشكل القديم - اشهر المزايا : سعر اعادة بيع جيد – معمرة – ثبات جيد – امان – اعتمادية – قطع الغيار متوفرة 25- هوندا سيفيك اشهر ما قيل عنها - اشهر العيوب : واطية – قطع الغيار غالية - اشهر المزايا : سعر اعادة بيع جيد – معمرة – ثبات ممتاز – امان – اعتمادية – شكل جيد – اوبشنز 26- هيونداي فيرنا اشهر ما قيل عنها - اشهر العيوب : خفيفة جداً يعنى ثبات ضايع – صالون فقير – تقفيل مصري – الامان – الفرامل – قلة الاوبشنز - اشهر المزايا : سعر اعادة بيع ممتاز – قطع غيار متوفرة ورخيصة – استهلاك بنزين كويس –ممكن تصلحها بنفسك 27- هيونداي اكسنت اشهر ما قيل عنها - اشهر العيوب : الثبات – صالون فقير – تقفيل مصري – الامان – قلة الاوبشنز - اشهر المزايا : سعر اعادة بيع جيد – قطع غيار متوفرة ورخيصة – استهلاك بنزين كويس – ممكن تصلحها بنفسك 28- هيونداي الانترا اشهر ما قيل عنها - اشهر العيوب : الباور كهربا – تقفيل مصري – الامان – قلة الاوبشنز - اشهر المزايا : سعر اعادة بيع جيد – قطع غيار متوفرة ورخيصة – استهلاك بنزين كويس – ممكن تصلحها بنفسك - اشهر المزايا : سعر اعادة بيع جيد – قطع غيار متوفرة ورخيصة – استهلاك بنزين كويس – ممكن تصلحها بنفسك دي كانت مجموعة من اشهر العربيات المستعملة فى السوق المصري واشهر المزايا والعيوب اللى انا سمعتها او قريتها الا الفيرنا والميجان واللانسر كانوا عن تجربة شخصية على فكرة فيه موديلات كتير انا مجبتش سيرتها لانى معرفش عنها حاجة وانا مش بحب افتى زي مثلا المرسيدس والبيجو والاودي وعربيات كتير الموضوع من اجتهادى الشخصي وليس منقول وعشان الموضوع يكبر وتزيد اهميته لازم اللى عنده أي معلومة او تصحيح او تجربة شخصية يضيف اللي عاوز ينقل الموضوع ينقله انا معنديش أي مشكلة وشكراً

تسلم ايدك

[seifmando]

شكراً mar mar

[aboosama66]

انت اتكلمت عن كل العربيات الا اللادا ؟؟؟؟؟؟؟ رغم انتشارها الكبير

[seifmando]

المشاركة الأصلية كتبت بواسطة aboosama66 انت اتكلمت عن كل العربيات الا اللادا ؟؟؟؟؟؟؟ رغم انتشارها الكبير

انا للاسف معنديش اي معلومات عن اللادا
لو حضرتك عندك اي معلومات عنها اكون سعيد جداً لو حضرتك تفيدنا بيها

[tihab]

الف شكر يا باشا
بس فين البيجو ال405 و 605 ؟؟
خاصة ال405 لأن سوقها مازال ممتاز و تباع كثيراً