تيجو 2000 ولا 1600

[Ahmed73]

المشاركة الأصلية كتبت بواسطة yahiaashraf لو حضرتك عاوز تيجو اخر كلام يبقى 1600 سىسى و ده احسن نوع من الاى كلام بس خلى بالك فى الابواب هتلاقى كل حاجه بالرذع اكتر من الموديلات التانيه

اشكر حضرتك على رأيك
وفى انتظار مشاركات أخرى حتى أستطيع اتخاذ القرار السليم

[mhamdy75]

لو تقدر تجرب العربيه قبل الشراء يبقى أحسن

عشان انت تحدد اذا كانت 1600 تنفع معاك

انا معايا 2000 أتوماتيك والحمد لله كويسه

[YahiaAshraf]

بص يا باشا نصيحه يعنى 1600 و توكل على الله و بلاش 2000 مش لسه بقى الضرايب بتاعت ال2000 سىسى و بعدين بامانه العربيات الصينى ميدفعش فيها دم قلبك و المصريه للسيارات عامله عرض على العربيه على ما اتذكر ال 1600 سىسى ب 80 الف

ادفع 80 الف فى 1600 بدل ما تدفع 90 و 100 الف و لما تبيعها تلاقيها نزلت

و فى النهايه القرار قرارك لازم تشوف و تجرب العربيه و تشوف على حسب اللى هيناسبك
بس اهم حاجه و ده اللى متاكد منه لو هتجيب 2000 ابعد عن الاوتوماتيك اقسم بالله العظيم و اشهد على كده فاشل و بيبوظ بسرعه لان المندوبين و المشرفين على العربيه نفسهم و مش مصلحتهم انهم يقولوا كده يقولوا بلاش اوتوماتيك
فى عربيات صينى الاوتوماتيك فيها ما شاء الله و فى لا و من امثلتهم التيجو خليك فى المانوال احسن مع ان فى مصر و عارف شوارع القاهر و الاسكندريه عامله ازاى لازم فيها اوتوماتيك بس يلا هنعمل ايه
عموما ان شاء الله موفق فى الشراء

[speranza]

افضل تيجو هى ال 4x4 ال 2000 cc

[kimocyc]

المشاركة الأصلية كتبت بواسطة yahiaashraf بص يا باشا نصيحه يعنى 1600 و توكل على الله و بلاش 2000 مش لسه بقى الضرايب بتاعت ال2000 سىسى و بعدين بامانه العربيات الصينى ميدفعش فيها دم قلبك و المصريه للسيارات عامله عرض على العربيه على ما اتذكر ال 1600 سىسى ب 80 الف ادفع 80 الف فى 1600 بدل ما تدفع 90 و 100 الف و لما تبيعها تلاقيها نزلت و فى النهايه القرار قرارك لازم تشوف و تجرب العربيه و تشوف على حسب اللى هيناسبك بس اهم حاجه و ده اللى متاكد منه لو هتجيب 2000 ابعد عن الاوتوماتيك اقسم بالله العظيم و اشهد على كده فاشل و بيبوظ بسرعه لان المندوبين و المشرفين على العربيه نفسهم و مش مصلحتهم انهم يقولوا كده يقولوا بلاش اوتوماتيك فى عربيات صينى الاوتوماتيك فيها ما شاء الله و فى لا و من امثلتهم التيجو خليك فى المانوال احسن مع ان فى مصر و عارف شوارع القاهر و الاسكندريه عامله ازاى لازم فيها اوتوماتيك بس يلا هنعمل ايه عموما ان شاء الله موفق فى الشراء

صلي ع النبي كده..

هو ايه اللي بـ 80 ألف ؟؟ دا سنة كام ؟؟ العربية عاملة 86 ألف يا باشا..

وبعدين مفيش 2000 بـ 90 دلوقتي كمان.. ولعلمك الاوتوماتيك زادت 5000 جنيه كمان..

وبعدين ما هو م. محمد حمدي (أخويا وحبيبي) معاه 2000 اوتوماتيك وزي الفل ربنا يباركله فيها.. واعتقد قالك ان استخدامه شاق وما شاء الله 65 ألف كيلو..

ومعلش يعنى سؤال.. هو حضرتك مالك للسيارة ولا كلام وخلاص ؟؟؟؟؟؟؟؟؟؟؟ الرحمة الله يكرمكم


وبالنسبة لصاحب السؤال..

استخير الله واعقلها وتوكل.. ولما تسمع اسمع من الملاك.. مش من اي حد.. وربنا يوفقك لما فيه الخير