#1
|
||||
|
||||
هوندا CRX؟؟؟؟
السلام عليكوا يا اخوانى الهونداويه
كنت عايز اعرف ايه نظام ال هوندا ال CRX موديل 90 -91 و قطع غيارها عامل ايه ( غايله ولا رخيصه متوفره ولا نادره ) و العربيه حلوه ولا وحشه و اخر حاجه تعمل فى حدود كام معلش متقل عليكوا حبتين |
#2
|
||||
|
||||
رد: هوندا CRX؟؟؟؟
السلام عليكم و رحمة الله و بركاته ياااااااااااااااااااااااه . فكرتنى بأيام الزمن الجميل ,أصل الHONDA CRX دى كانت موجود منها عندنا فى المنصورة منها عربيتين بس , دول اللى كنت بشوفهم كتير , واحدة حمراء و التانية فستقى ميتاليك غامق , أصل العربيات دى تواجدت , أيام ماكنت أنا لسه فى ثانوى و كننا بننبهر بيها لما بنشوفها و خصوصا لما السواق اللى راكبها يتمنظر بيها و يفتح السقف اللى بيخش جوه الشنطة ده أودامنا, اليومين دول بأه , لسه فيه واحد جارى, شارى واحدة سودا و بشوفه راكبها كتير, على فكرة المنصورة مش بلد صغيرة , هى آه صغيرة بالنسبة للقاهرة , لكنها مدينة كبيرة , معنى أن عربية تلاقى منها 3 بس فى المنصورة و على مداااااااااااااااار 20 سنة , تبقى مش منتشرة و بالتالى قطع غيارها برضه مش منتشرة . . أنا مش عارف مدى انتشار العربية دى فى المحافظات التانية و خاصة الكبيرة زى القاهرة أو الاسكندرية , بس أنا حتى لما كنت بنزل القاهرة , ماكنتش بلاقى منها كتير . ربنا ييسرلك أمرك و تلاقى اللى أنت عاوزه, بس أنا متهيألى أن قطع الغيار بتاعتها مش منتشرة اوى . MERCEDES E230
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#3
|
||||
|
||||
رد: هوندا CRX؟؟؟؟
موش باشا, صباحوا فل.
أنا مش هقدر أقول أكثر من اللى قاله مرسيدس باشا, أنا أصلا بعتبر السيفيك فى القاهرة عربية نادرة وصعب أنك تشوفها أو تشوف محل لقطع غيارها, فما بالك ب crx موديل قديم, العربية شكلها فاجر, وليها مواتير كتير قوية جدا ينفع تتسقط Drag and Drop, ووزنها خفيف وتعتبر طلقة. وأعتقد اللى يشتغل فى السيفيك يشتغل فيها, وتاجر الأستيراد اللى بيجيب للسيفيك يجيبلها, وكمان حاجة تانية, الجيل ده منها ليه مواتير كتير, معظمها موجود أخوه للسيفك, لو معاك كود الموتور ممكن تعرف ده موتور سيفيك ولا لأ, وتبقى حليت مشكلة قطع الغيار للموتور, أما بالنسبة لقطع غيار باقى العربية, فدى بقى من تاجر أستيراد بالحجز, العربية قديمة وموجود منها فى ال junkyards بره كتير وهيقدر يجيب القطع بسهولة. وأنا بتمشى فى الشوارع فى القاهرة كتير, وبقضى حوالى ساعة كل يوم فى روكسى ومدينة نصر والحدائق, مشفتش العربية دى غير مرة من حوالى سنة أو سنتين. وبالنسبة للسعر فهى هتبقى رخيصة, لأن مالهاش سوق أصلا أو حتى مشتريين, وهيبقى أقل من سيفيك نفس الموديل بمبلغ يعنى. لو عايزها ليك وعاجباك وهتستحملها أتفضل, غير كده بلاش, وأوعى تكون ناوى تبقى CrxMOSH , ولا حاجة
__________________
|
#4
|
||||
|
||||
رد: هوندا CRX؟؟؟؟
الف شكر يا مرسيدس باشا
و المنصوره برضه بلد التظبيط يعنى مش اى كلام مستر انجكشن ... صباحو عسل يا كبييييييير والله انا العربيه داخله دماغى اوى لانى لقيت موضوع البايك ده مش هياكل معايا عيش و فى نفس الوقت انا محكوم بمبلغ معين ف فكرت فى الCRX بس الشيب القديم مش الجديد ( الل السقف بتاعه سابت مش متحرك ) عشان كان فى واحد عندنا فى المنطقه معاه واحده سوده من كام سنه كده بس كانت اييييييييييييييييه حكايه و ربناق يقدم اللى فيه الخير و برضه لو حد من الناس الهونداويه عنده اى معلومات تانيه احنا فى الانتظار ...... |
#5
|
|||
|
|||
رد: هوندا CRX؟؟؟؟
مرحبا شباب الهوندا
انا من عاشق الهوندا طبعا السيفيك والسى ار اكس بصراحه السيارات هذى روعه كثير بكل شى من ناحيه القوه الاقتصاد التحمل واحلى حاجه التضبيط اى استفسار عن الهوندا انا حاضر |
|
|