هزة مع الغيارات فى نيسان صنى 2011

[mohamedfadel]

علي فكرة العربية زي الفل و لا يوجد اي رعشة في الاوتوماتيك

[Dr.Khaled Youssef]

المشاركة الأصلية كتبت بواسطة phantiza ياخبر بعد كل القلق وحرقان الدم دة طلع في الاخر مروحة تصدق بقي حضرتك انا حاجز صني لون احمر المديراتصل بيا و بيقولي فية اتوماتيك قولتلوة لا انا عاوز مانيوال عشان المشكلة بتاعة حضرتك دي خلتني اقلق الحمد لله علي كل شيء

انا لو مكان حضرتك دلوقتى هاجيب مانيوال طبعا
انت اخترت الاختيار الصح
ربنا معاك

[Dr.Khaled Youssef]

المشاركة الأصلية كتبت بواسطة HOSSAM_GABRE يا راجل دا انت بهدلت سمعة النيسان فى كل المنتديات وبهدلت سمعة الوكيل كل دا واصلا ما فيش مشكلة الاساس ان الواحد يجرب عربية تانية الاول بدل كل اللفة دى وانا كنت نصحتك بدا من زمان .

ومين اللى قال لحضرتك ان مفيش مشكلة!!
هل الطبيعى فى اى عربية ان المروحة لما تشتغل تحس بهزة مستمرة تجيبلك صداع؟
كل العربيات اللى ركبتها قبل كدة مكانتش بتتهز و لا بتترعش و هى مش زيرو
دة حتى الكريزلر النيون المتعبة اللى كانت عاملة 300 الف كيلو ما كانتش بتتهز
اما عن الزيرو فحدث ولا حرج
التويوتا الكورولا 2005 اللى كنت اجى ادورها الاقيها دايرة و انا مش حاسس
وعلى فكرة الوكيل اللى حضرتك خايف على سمعته ماهتمش بالموضوع غير لما اشتكيته فى جهاز حماية المستهلك

[m77777]

سلام عليكم دكتور خالد انا حجزت نيسان صنى مانيول ارجو من حضرتك تطمنى اتوكل على اللة واكمل ولا بلاش متابع موضوع حضرتك من اول مابدا ياترى ممكن تفيدنا اخر التطورات اية بالنبسة للمشكلة والسبب طلع اية

[Dr.Khaled Youssef]

المشاركة الأصلية كتبت بواسطة m77777 سلام عليكم دكتور خالد انا حجزت نيسان صنى مانيول ارجو من حضرتك تطمنى اتوكل على اللة واكمل ولا بلاش متابع موضوع حضرتك من اول مابدا ياترى ممكن تفيدنا اخر التطورات اية بالنبسة للمشكلة والسبب طلع اية

يا باشا الف مبروك اولا
العربية ممتازة
عيبها الوحيد اللى عندى انك بتحس بهزة منتظمة وانت جوة العربية
ولسة المهندس المحترم وائل اللى فى التوكيل مكتشف ان الهزة دى بتحصل مع عمل المروحة ال low بتبقى هزة بسيطة و ال high هزة قوية شوية
و فهمنى ان العربيات الصنى كلها كدة
غير كدة العربية ممتازة