فانتازيا - كورلا - رينو فلونس -مازدا 3 (هاى لاين كله )

[kimoo52]

اتمنى من كل المشاركين ان يفيدونى انا محتار بينهم وعاوز اجيب عربيه الايام دى وانا هقولكم من وجهة نظرى ميزه وعيب لكل سياره
1- فانتازيا ( قوة 105 حصان قليل على السياره وشكلها مش هوه قلى يكون بالسعر ده اما ميزتها انها موتور فولكس فاجن وقطع غياره اقل من الفولكس شويه )
2- الكورلا ( استهبال فى السعر على اساس انها شركه مشهوره وبتستغل ده ومفيش تطوير خارجى او داخلى يكون على قد السعر ده وميزتها اما تيجى تبيع هاتعرف تخلص منها بسرعه وسعرها هايكون فيها بالنسبه للمده المستخدمه )
3- رينو فلونس ( بصراحه انا مليش خبره بالفرنساوى بحس انه فافى شويه مش عارف صح ولا لا بس انا متابع العربيه دى فى المعارض من بره وجوه تحفه فى التصميم وعاليه عن الارض وخامات وابشن كتير تلاقيه فى الجيتا هاى لاين قلى ب 210 الف وعيبها من نظرى انا هو فى سعر اعادة البيع ولحد اما تلقيلها زبون وتانى حاجه قوة 105 حصان )
4- مازدا 3 ( تصميم خارجى وداخلى انيق ومش عارف موضوع الانتشار للسياره هايكون عيب ام ميزه بحكم انا انضمت لشركة الشعب المصرى اى الافتصاديه )
-- على فكره بالنسبه لقطع الغيار انا سالت على الفلونس لقيت تيل الفرامل ب 400 جنيه والكشاف الامامى ب 1800 جنيه والخلفى 920 يعنى مش غاليه بالمقارنه للباقى-- وده عشان متقولوش الرينو قطع غياره غالى --- وياريت حد يفهمنى ازاى السيارات الجديده مثل الفانتازيا والجيتا والفلونس والليون وغيرها 105 حصان هوه مش كده هاتكون ضعيفه ---
دى اول مره اشترك فى منتدى فا اسف لو طولت

[atef_5005]

انا معايا فانتازيا و 105 حصان مش شويه
العربيع بطيئه نسبيا في الطلعه فقط ده لو بتجري
بس الواحد مش مقضيها جري علطول
غير كده العربيه لا غبار علهيا
يعني مثلا لو في عربيه الماني نزلت و جمده اوي بس 30 حصان و مفيهاش اي مشكله
معني كده الواحد ميجبهاش عشان اسمها 30 حصان

[kimoo52]

المشاركة الأصلية كتبت بواسطة atef_5005 انا معايا فانتازيا و 105 حصان مش شويه العربيع بطيئه نسبيا في الطلعه فقط ده لو بتجري بس الواحد مش مقضيها جري علطول غير كده العربيه لا غبار علهيا يعني مثلا لو في عربيه الماني نزلت و جمده اوي بس 30 حصان و مفيهاش اي مشكله معني كده الواحد ميجبهاش عشان اسمها 30 حصان

شكرا لاهتمامك ورايك وياريت توضحلنا المميزات والعيوب بالفنتازيا عشان يبقى فى معلومات اكتر للمشتركين

[RENAULT 18]

أنا من رأيى الفلونس و الفانتازيا و المازدا3 ممتازين ..... متهيألى الكورولا سعرها مبالغ فيه و ال3 عربيات أحسن منها

بالتوفيق إن شاء الله ،،،،،،،،،،،،

تقبل تحياتى

[lol64]

لسه كنت باتكلم مع ابو واحد صاحبى جايب فلونس بيقوللى برقبه عربيات كتير زى الكورولا واللانسر والالنترا والسيراتو

رايى انا من كل العربيات اللى انت قولتها ارشحلك المازدا 3