استطلاع ما مدي رضائك عن خدمة ما بعد البيع لسيارتك الهيونداي

[hassanshokrof]

السلام عليكم
انا لقيت المشاركة دي حبيت انقلها هنا لاني اعتقد انها حتكون مفيدة هنا برضو

توكيل محترم جدا ( كرافان )

---

السلام عليكم ورحمة الله وبركاتة

يا جماعة الموضوع دة لكل ملاك الهيونداى وبالاخص القاطنيين بجوار مدينة الرحاب
فى توكيل لهيونداى فى مدينة الرحاب أسمة كرافان توكيل محترم جدا مش ممكن أبدا تخرج من عندهم وفى مشكلة فى العربية كل المهندسين والفنيين داخل التوكيل مستواهم عالى جدا وكمان ناس فى قمة الاحترام وبالهم طويل جدا وبيتعاملوا مع أى عميل على انة صديق ليهم والكلام دة عن تجربة شخصية .
__________________
مصر ليست متخلفة ولاكنها مختلفة

[Eng . Mano]

بصراحة الى الان ما اتعاملتش غير مع غبور - قليوب ، سواء كنت انا او والدى .
لغاية الان مافيش مشاكل منهم و للامانة كل اللى انا او والدى بنقوله فى العربية او بنكتبه ليهم فى ورقة بيتعمل ، اخر مرة دى بس اللى عكوا فيها الدنيا ، قولتهم ان فى صوت غير مريح فى العفشة الخلفية ، بعد لما كشفوا عليها قالوليلى انه تربيط عفشة عادى و مافيش مشكلة ، فين و فين لغاية ما واحد معرفة متخصص مساعدين و عفشة كان راكب معايا و سمع الصوت ده و قالى ان ده مساعد ، و فعلا طلع مساعد يمين عايز يتغير . يعنى لو الراجل ده ما كانش ركب معايا كنت مشيت على المساعد لغاية ما كان بهدل العفشة و الكاوتش .
و الجماعة بتوع قليوب دول اديهم 6 \ 10 .
و شكرا جدا على الموضوع استاذ amrmohamed1975

[amrmohamed1975]

ايه يا جماعة 5 اعضاء بس الي بيعمل صيانة فى التوكيل فين باقي الاعضاء

[uubaby2000]

عاوزة اشترى اى تن وخايفة من التوكيل اجيب بيكانتو وخلاص بس شكل الاى تن من جوة عاجبنى اكتر ممكن رد ؟

[amrmohamed1975]

انا مجربتش توكيل كيا و مش هقدر افيدك اذا ما كان جيد ام لا بس بالنسبة لهيونداي حل التوكيل انك كما رايت من مشاركات الاعضاء ان تعمل الصيانة فى احد مراكز الخدمة المعتمدة و على راسهم ابو غالي عن تجربة و اذا كانت العربية مفيش فيها حاجات جوهرية مش هتحتاج التوكيل فى حاجة لان الصيانة الدورية بعد كده كلها حاجات بسيطة