حد يقولي أعمل ايه

[عمرو وتر]

يا جماعة أنا اشتريت تويوتا كورولا 98 مستعملة و بعد حولي شهر ابتدا النور بتاع الزيت يبربش كلما العربية تكون واقفة يعني لما أكون ماشي النور بيقفل و بعد كدا رصت على العربية شوية فبتدى كمان صوت غريب من المحرك ........رحت الميكانيكي و قال لي عايزة ( سابيكة الكرنك ) .........غيرتها و لسه الصوت و النور زي ماهما............ فرحت حد تاني و قال لي دي عايزة ماتور جديد.......و تالت و كل واحد يقولي حاجة وأنا مش عارف أعمل ايه...................... .............أرجوكم لو حد يعرف يقولي أعمل ايه

[trytob]

ربنا يباركلك فيها و يكفيك شرها

بص يا باشا النور ده بيرعش لما يحس ان فيه مشكلة فى الزيت او بمعنى اصح اى لمبة تحذيرية بتنور لما يبقى فيه مشكلة. موضوع انها عايزة موتور جديد يمكن عشان كان فيه تسريب فى الزيت و لما العربية كانت بتدور و الزيت كان بيسخن كانت العلامة بتتطفى نتيجة لحركة الزيت فيمكن كان الزيت مش كافى و ده اثر على الموتور و خلى الميكانيكى يقولك كده.

من الواضح من كلامك ان العربية ماشية و بعد تغيير سبيكة الكرنك ممكن يبصلك الميكانيكى على ان كان فى تسريب للزيت و لا لا.

فلتر الزيت حاجة مهمة كان مخبوط فى عربيتى و بينزل الزيت و بدات الللمبة تعمل كده لما غيرت الفلتر و الزيت بقى كله تمام.

اتمنى اكون افدتك و ما طولتش عليك

[moca_moca]

توصيلات ساعه الزيت اخبارها ايه ؟

[eng/walaaeldeen]

السلام عليكم
نور الزيت يدل علي ضعف طلمبة الزيت
فأكشف اولا علي ضغط الزيت
ثانيا صوت السبيكه لو الميكانيكي غير السبيكه بدون ما يجلخ الكرنك يبقي ميكانيكي مش فاهم لابد من تجليخ الكرنك وتركيب سبايك جديده وان شاء الله يروح الصوت والنور وياريت تغير طلمبة الزيت و فلتر الزيت
والله المستعان

[محمد حسن عبد الرحمن]

السلام عليكم مع إحترامى الشديد لكل السادة الأعضاء انا عندى عربية لادا موديل 83 - 1500 سى.سى لمبة الزيت سعات بترعش معايا بس فى حالات معينة لما تكون المكينة باردة أو تكون ماشى فى السكة وبسبب وسخة البنزين الـ 80 فيحصل أنك تحس أن الموتور يبطل والمكينة ترعش وفى نفس الوقت لمبة الزيت ترعش وده يرجع الى أهتزاز المحرك والسلكة اللى ركبه فيه فقد تكون هذه مشكلة حضرتك سلكة غير محكمة التثبيت أو محرك حضرتك مش مظبوط ويحتاج لظبط وأريد أن أسال حضرتك سؤال ما أخبار مقاس الزيت هل هو ناقص أم فى المستوى الطبيعى بالنسبة للميكانيكى اللى بيقولك غير ماكينة روحت لكذا ميكانيكى تانى غيره الماكينة بتطلع دخان من الجكمان طب لونه أية وخد رأى كذا ميكانيكى والكلام اللى يقولو كذا ميكانيكى وكل ميكانيكى يقولك نفس الكلام يبقى تعمل اللى هم قالو علية مثال واحد قالك غير المحرك روحت لواحد تانى قالك غير محرك روحت لثالث واحد قالك محرك يبقى حضرتك كده هتسمع اللى بيقولو علية بس يفضل تروح لميكانيكى خبرة وبيفهم ويتقى الله وده يا باشا اللى أعرفو وأقدر أفيد حضرتك بيه وأنشاء الله تطلع حاجة بسيطة بآذن الله.

أخوك محمد