فيات جراند بونتو ولا تويوتا ياريس

[Etsh]

يا جماعة أنا بشوف كلام أول مرة أعرفة أو أسمعه بصراحة

أولا أيه حكاية الينيا اللى مافيش منها أوتوماتيك.....؟؟؟؟؟؟؟؟؟؟؟ ؟؟؟؟؟؟ حضرتك ممكن تننزل صالة معرض الوكيل الرئيسية بالدقى و تشوفها ....أصلا فيات معندهاش أى موديل من البرافو و الينيا و الجلراند مانيوال اللهم إلا البرافو ال 150 حصان و تمنها 177000 ؟؟؟؟؟؟؟؟؟؟؟؟؟؟؟؟؟؟أما مافيش منها أوتوماتيك دى جديدة إلا إذا كانوا غيروا تانى و نزلوها مانيوال و الكلام ده من شهر فقط لما كنت هاشترى البرافو ...................لا يوجد مانيوال إلا البرلفو ال 150 حصان ؟؟؟؟؟؟؟؟؟؟؟؟؟؟؟؟؟؟

تانى حاجه أيه حكاية التركى الغريبه ....دى معلومه جديدة جدا أول مره أسمعها و أعرف أن المصنع الأيطالى بيجمع عربيه هاى لاين ذى الينيا فلى تركيا......أرجو التأكد من المعلومة دى

ثالثا يا أخ حسام.......يعنى أنت مستنى من واحد و كمان مدير التوكيل يقول لك أن العربيه دى فيها عيب ........طب إذاى ده هوا اللى بيبعها هايقولك أن العربيه معيوبه؟؟؟؟؟؟؟؟؟؟؟؟؟؟؟؟؟

رابعا معلش يعنى لو اللنسر اللى معاك فول أوبشنز هاى لاين رياضيه ......قول له و بالفم المليان تعالى .......وانا اللى أوريك االنسر هاتعمل أيه فى البونتو ........اللهم أن تكون اللنسر فول أبشن عاديه أكيد البونتو هاتكلها و ده طبيعى فى أول السرعات يعنى بعد ال120 اللنسر هاتجيب البونتو و تعديها و ده كله عشان التيربو فى الجلراند بونتو ....هايديها عزم أقوى من اللنسر على السرعات المنخفضه الأولى يعنى أول و تانى وتالت بس التسارع هايقل بعد ال 120 و ال 1600 بتوع اللنسر هايبانوا.............؟؟؟؟ ؟؟أيه الكلام الغريب ده

وبعدين حضرتك ممكن تتخل على النت و تشوف أراء الناس بره أيه ....لأن من المعروف أن العمر الإفتراضى للمحركات المزودة بالتيربو أقصر من المحركات العادية ....و أراء ناس عديدة بره مصر أكدت أن محرك البرافو المزود بالتيربو يضعف كثيرا بعد ال 100.000 كم ....يبقى الحال كذلك للجراند

http://www.carsurvey.org/reviews/fia...3018/comments/

ممكن حضرتك تتدخل الموقع ده و تشوف المشاكل اللى بيعانى منها أصحاب الجراند خارج مصر لأن بصراحة أراء الناس فى مصر عن سيارتهم أو أنواع السيارات التى يفضلونها تكون بشكل مش منطقى شويه و حبه فى عربيته بتمنعو أنه يقول أنه بيعانى منها فى شىء ....و الله أعلم بنوايا الناس .........معلش كل كلامى ممكن يكون فى تحامل على العربيه بس ده لأن أنا بفضل ر}ية مشاكل أى سياره قبل مميزتها....وده لا يعنى عدم حبى أو تقديرى لهذه السيارة الرائعة ....و أنا لو كنت مكانك هاشتريها و أتبسط بالشكل و الأداء الرياضى الجميل و أنسى أى مشاكل مهما كانت....بس ممكن غيرى معندوش الإستعداد لكده عشان كده أنا بقول لك على العيوب اللى أنا شايفها أما المميزات فا دى ترجعلك لأنها نسبه من واحد لأخر

مشاكل الفيات مازالت فى رأيى مشاكل كهربائية و أسأل أى واحد معاه فيات ....بس محدش عندو جراند هايفيدك ....أولا معظم الجراند فى الشوارع مش موديل 2009 المزود بالتيربو شارج...و ثانيا العربيه لسه ماكملتش فى الشوارع عشات عيوبها تبان.....وانا أقتنيت الفيات عشان سحبه و جريه برافا و بونتو بس المشاكل و الأعطال بالكومه و الوكيل مش أد كده و بعت البرافا بسبب غلطة الوكيل والله العربيه ب95 و إتباعت ب 37500 بالضبط بعد 5 سنين ...متخيل أكتر من نص تمنها خسارة ؟؟؟؟؟؟؟؟؟؟؟؟؟؟؟

أمر أخير ......فيات هاتنزل موديل ذو شكل أفضل و رياضى أكثر من الجراند بونتو و دى معلومة أكيدة وممكن حضرتك تشوف صورها عن طريق البحث على جوجل بإستخدام كلمة grand punto 2010 و هاتشوف أن الشكل افضل و أحلى فإذا كنت ناوى و ربنا كتبلك خير تشتريها أقترح التروى لأول السنة و تركب الشكل الجديد وده ممكن تتأكد منه بشوية بحث على الأنترنت

الفيلت ركوبه ....بس متزعلش من مشاكلها و تستحملها...والله أعلم

[eng.mostafa]

يا أتش باشا الكلام ده من محمد كامل الي في معرض الدقي ان الينيا تركي ومفيش أوتو !! والانسر فول ابشن رياضية بس مش موضوعنا وربنا ييسر لان كل مكلم حد عن مشاكل يعد يحكيلي عن عربيتو فلا سيارة بدون مشاكل ابن خالتي لسة بيحكيلي عن الجولف 2007 مغلباه وعربيت باباه الفيكترا 2008 فيها عيوب كل العربيات معيوبة ربنا ييسر الخير

[eng.mostafa]

اولاً العربية ال 77 حصان مفيهاش تيربو
واللينيا تقفيل تركي ودا موضوع اكيد واكيد كمان ان مفيش اوتو وممكن حضرتك تروح التوكيل زي ما نصحتني او تفتح contactcars.com وتشوف ان مفيش اوتو
شكل 2010 ده فيس ليفت مش شكل جديد و شكله اوحش كمان
انما بتاع التوكيل اكيد بيهتش لانه عمره مهيشوف فانوس اللانسر
وربنا ييسر اللي فيه الخير
وابقى قولي الليون عامله معاك ايه

[Etsh]

يا أستاذ مصطفى ....أنا كنت فى المعرض الرئيسى لتوكيل أوماترا فى الدقى الكلام ده كان من شهر و نصف تقريبا عشان أشترى البرافو وهناك شوفت الينيا و دى ماكنتش أول مره أشوفها ....الينيا أول ما نزلت كانت فعلا 77 حصان 1400 سى سى و من غير تيربو و ثمنها كان من 95 و حتى 110000 ده كلام صحيح .....الكلام ده كان من سنه و حتى شهرين فاتو ....لكن فيات نزلت الينيا 125 حصان و 1400 سى سى تى جيت تيربو أنا متأكد لأن أنا كنت هاشتريها و كانت أوتوماتيك و الله .....أما الوقت الحالى أنا معرفش هما سحبو الموديل ده و رجعوا ال 77 حصان تانى ولا أيه بس إذغ كان ده حقيقى يبقى غباء لأن ال 77 ضعيفه جدا و مع واحد صحبى و بيشتكى مر الشكوى أن العربيه تقيله أوى على 77 حصان......و عندك حق أن الجراند لن ترى فانوس الانسر بس ده فى حالة أن الانسر هاى لاين رياضه لأن دى عربيه جرى أصلا ....لكن لو هيا 1600 فقط مش رياضيه أعذرنى الجراند هتجرى منها بفضل التى جيت تيربو و ده فى الأول بس وده معروف عن الأيطالى التجميع العالى فى الغيارات الأولى لكن لاحقا سوف يقل التسارع و ال 1400 سى سى يبان ضعفهم و دى معلومه مش جديده

أما لو عاوز تعرف عن الليون فا قريبا أن شاء الله هاعمل التقرير بعد الزيارة الأولى للوكيل ....لكن حتى الأن و الحمد لله السيارة بسم الله ما شاء الله ........فعلا الألمان بيعملوا عربيات مختلفة.....أنا سوقت بيها 220 كم و العربيه ثبات ما شاء الله و والله ما كنت حاسس أنى ماشى 220 كم حت مراتى خمنت أنى أكون ماشى 140 150 و ماصدقتش لما شافت العداد.....ثانيا التسارع بفضل الشورت جير ...هلااااااااااااااااااام ى و معلش يا باش مهندس بقى الانسر هى اللى مش هاتشوف فانوس الليون المرادى لأن بجد أنا مش بالاحق على الغيرات و ال100كم حاجه كده فى ثوانى و بعدين الرابع فى العربيه دى مصيبه العربيه بتفلفص منك و مؤخرا أنا كنت على طريق الأسكندريه و العربيه ماكسفتنيش كنت بجرى مع مرسيدس سى 200 و معرفش يجرى منى بص مكدبش أنا كمان مطلعتش منه بس يا عينى كان فى مازدا 3 بيموت ورانا و يأس و سبنا إحنا نكمل و كنت فى ديله لحد ال 220 و أعتقد بعدها هو ماجتلوش الجرأة يزود و أنا أكيد ده كان أخرى بجد أنا بحمد ربنا مئة مره على العربيه دى لأنها صفقه رابحه و ركوبه و العربيه ماتحسش أنها هاتشباك نهائى وااااااسعه من جوه بشهادة أصدقاء يقتنوا الانسر الشارك الجديدة...وقريبا تقرير مفصل بالكامل يشمل مدى كفاءة السيارة و عيوبها و الوكيل بكل نزاهه إن شاء الله.....وربنا يستر أنا محسوك بس أنا مامسكتلهاش غلطة حتى الأن.....فادعولى تفضل كده

[eng.mostafa]

ده الكلام اللي اتقالي في التوكيل وفي المنتديات التانيه ممكن يكونو نزلوها اوتوماتيك وسحبوها بس دا كلام اوماترا والله
بالنسبه لليون بسم الله ماشاء الله عربية مش سهلة أبداً وشفتلها فيديوهات بتشد مع نيسان التيما v6 اللي هي معروفه بانها جرايه وفضلت سابقة الالتيما فتره طويله لحد ما الالتيما عدتها بفارق الموتور طبعاً ربنا يباركلك فيها ومتشفش منها حاجة وحشه