فيات جراند بونتو ولا تويوتا ياريس

[hazem_khidr]

بس السعر فى التوكيل كان 100 ألف بينما المعرض قال 95 ألف فى التليفون و وعد بخصم تانى عند الشراء

ممكن تكون اللي عند التوكيل موديل 2010 و اللي في المعرض 2009 و بالتالي الفرق يكون اكتر من كده كمان.

هو الواحد من حقّه يجرّب العربيه أصلا فى المعرض !! ده أنا كنت خايفه أقرّب منها

هو طبعا المعارض ما ينفعش يتجرب العربيات اللي فيها
انما المفروض التوكيلات المحترمه تعمل تست درايف لكل عربيه علشان اللي بيشتري يقتنع بالعربيه
بس للاسف ماعندناش لسه توكيلات محترمه للدرجه دي في مصر

[فــيــروز]

المشاركة الأصلية كتبت بواسطة hazem_khidr ممكن تكون اللي عند التوكيل موديل 2010 و اللي في المعرض 2009 و بالتالي الفرق يكون اكتر من كده كمان.

طيب هو بشكل عام مفروض أتوقّع خصم بنسبة أد إيه فى المعتاد؟ أصل بصراحه انا ماليش فى الفصال و أصلا فكرة وجود سعر غير السعر المعلن كانت مفاجئه بالنسبه لى ..

المشاركة الأصلية كتبت بواسطة hazem_khidr انما المفروض التوكيلات المحترمه تعمل تست درايف لكل عربيه علشان اللي بيشتري يقتنع بالعربيه بس للاسف ماعندناش لسه توكيلات محترمه للدرجه دي في مصر

ده صحيح جدّا للأسف لدرجة أنّى فكّرت فى تأجير عربيه مماثله لمدّة يوم ولا اتنين مثلا عشان أجرّب العربيه و أشوفها مناسبه لي ولاّ لأ

[mada_sciencawy]

المشاركة الأصلية كتبت بواسطة فــيــروز أوّل مكان سألت فيه طبعا كان التوكيل بس السعر فى التوكيل كان 100 ألف بينما المعرض قال 95 ألف فى التليفون و وعد بخصم تانى عند الشراء كمان أظن التوكيل عمره ما هيقول عربياتنا مش بتتباع و قطع الغيار مش هتبقى متوفّره العام القادم حتى لو كان ده هيحصل فعلا بس يا ريت لو رحت فعلا تحكى لنا تجربتك بالكامل .. هو الواحد من حقّه يجرّب العربيه أصلا فى المعرض !! ده أنا كنت خايفه أقرّب منها ptmnlo123per144

انا لسه سائل فى اوماترا الطيران قريب جدا وكان ادانى سعر تانى خالص اقل من السعرين اللى انت قولتى عليهم بالنسبه للمانيوال العاديه هتأكد منه اذا كان مستمر ولا لأ وهكتبه بكره فى التوبيك


بالنسبه لتجربه العربيه فيه واحد فى التوكيل هناك معاه جراند بونتو وكان عرض على واحد صاحبى انه يجربها لما كان بيفكر فى الجراند بونتو بس صاحبى اشترى فى الاخر البرافو

[فــيــروز]

المشاركة الأصلية كتبت بواسطة mada_sciencawy انا لسه سائل فى اوماترا الطيران قريب جدا وكان ادانى سعر تانى خالص اقل من السعرين اللى انت قولتى عليهم بالنسبه للمانيوال العاديه هتأكد منه اذا كان مستمر ولا لأ وهكتبه بكره فى التوبيك بالنسبه لتجربه العربيه فيه واحد فى التوكيل هناك معاه جراند بونتو وكان عرض على واحد صاحبى انه يجربها لما كان بيفكر فى الجراند بونتو بس صاحبى اشترى فى الاخر البرافو

لأ أنا فى كل الأحوال كنت باسأل عن الأوتوماتيك .. و أظن فيه منها اتنين موديل واحد ب 100 ألف و التانى ب 108 ألف و دول السعرين اللىّ خدتهم من التوكيل
بس فى كل الأحوال يا ريت تبقى تحكى لنا تجربتك

[Etsh]

الأخت العزيزة فيروز....أسأل الله أن يوفقك فى الإختيار الأمثل و الأفضل بالنسبة لإحتياجاتك العملية اليومية و من وجهة نظرى كأحد مقنى الفيات فى يوم من الأيام و لازلت أمتلك جراند بونتو إلى جانب سيارتى الرئيسية وأعتقد أن أى شخص يقبل على شراء سيارة يلتفت إلى العيوب قبل المميزات و لذلك سوف استعرض لك مميزات و عيوب كلا السيارتين عن تجربه فعليه حيث نقتنى فى أسرتنا كلا الموديلين الفيات و التويوتا

1- الجراند بونتو
لو أنتى مش بتاعت شد و جرى و فرك بالعربيه .....يبق الجراند مش إختيارك لأنها عربية ذات محرك رياضى مزود بخاصية التى جيت تيربو........يعنى دفعت تمن حاجه مانتيش محتجاها ولا هاتستخدميها

سعر إعادة البيع للفيات فى الأرض............ده لا جدال فيه واللى باع عربيه فيات فى يوم و ماخسرش فيها يقول و يثبت .....لأن أنا خسرت فى عرلبتين إتباعو صيانة وكيل و حاله والله ذى الزيرو أكثر من نصف ثمن السيارة فى خلال 5 سنوات فقط

مميزات السيارة .......طبعا لا غبار على الفيات سيارة قوية و سحب ما شاء الله و متزنه و جميلة و برستيج .......بس حسب إستخدامك سفر 3 4 مرات أسبوعيا أعتقد أنك هاتواجهى مشاكل خصوصا فى الكهرباء ....لأن مستوى الإعتماديه فى الفيات مش عالى أوى

2- اليارس
هما كلمتين و بس
مستوى أعتمادية عالى و عربيه تناسب البنات بشكل لطيف و ممتعه فى السفر خصوصا طريقتك فى السواقة التى لا تتعدى ال 130 ......وإعادة بيع مؤكدة أعلى من الجراند .........و الفرق الوحيد أنك راكبه عربيه نص البلد راكبها فا أنت مافيش تميز فى الركوبة اللى أنت راكبها بس راكبه عربيه أى واحده ست أو بنت ما تقلقش أنها تعطل بيها....وده مش موجود فى الجراند بونتو

كمان ماننساش أن الجراند بقالها فوق ال 3 سنين فى مصر و لم تثبت نفسها إلى الأن .....لكن شفت كتير أوى بيبعوها ....الله و أعلم ليه .....بس ماشوفتش اليارس بيحصل فيها كده

رغم حبى الشديد للفيات و رغم إحترامى للمصنع الإيطالى الجبار لكن أنا أؤشحللك اليارس لأنها أقرب ما يكون لأحتيجاتك ....لكن الجراند و مميزاتها اللى هاتدفعى ثمنها لن تستغليها بالمرة حسب كلامك عن طبيعة سواقتك