سكودا فانتازيا أم تويوتا كورولا؟

[hani945]

حضرتك دخلت التويوتا كرولا فى مقارنة مع اسكودا فانتازيا
التويوتا كرولا فئة أقل من إسكودا فانتازيا
اللى يدخل المقارنة دى فئة أعلى من تويوتا كرولا مثل تويوتا إفنسيس
المفروض تبقى المقارنة بالشكل ده ( سكودا فانتازيا أم تويوتا إفنسيس )
أو تكون بالشكل ده ( تويوتا كرولا أم لانسر شارك ) لإن اللإثنين من فئة واحدة
حضرتك فهمت قصدى؟؟

[hani945]

نقطة أخرى بالنسبة للتويوتا كرولا ( العربية دى ناس كتير بتعتز بها لكن من بعد ما بقت بتتجمع فى جنوب أفريقيا الناس فقدت الثقة فيها ) ptmnlo123per144
لكن إسكودا مازالت بتيجى من بلد المنشأ علشان كده الناس بتثق فيها
وبالنسبة لتويوتا كرولا أعلى فئة فيها كاملة فيها 9 إيرباج وعدادات الشكل الجديد ، وغسل الفوانيس ، ولمبات

زينون ، وتعتيم المريات ، وحاجات تانية كتير بسعر إلى حد ما كويس لا يتعدى 160 ألف جنيه .

لكن فى إسكودا علشان توصل لأعلى فئة العربية سعرها ممكن يوصل إلى مبلغ وقدره 200 ألف جنيه فى عربية 1600 سى سى ، مبلغ كبير فى عربية 1600 سى سى ، صعبة قوى ولما هتيجى تبيعها هتخسر فيها كتير ، والتويوتا برده الجنوب أفريقى لما تيجى تبيعها هتخسر فيها ptmnlo123per191

الخلاصة :

لو عاوز تشترى أعلى فئة فى التويوتا صلى صلاة استخارة وتوكل على الله ، لو مش فارقة معاك الفلوس هات اسكودا فانتازيا ، لكن متقارنش ما بين


الإثنين لإن التويوتا كرولا فئة أقل من سكودا فانتازيا

قارن ما بين تويوتا افنسيس وسكودا فانتازيا لإن الإثنين من نفس الفئة ptmnlo123per183


وأتمنى إن أكون أفدت حضرتك ptmnlo123per171

[khaled78]

ليه يا جماعه بنفكر في بيع السياره قبل ما نجيبها وهي عربيه العمر احنا نفكر في السرفس وقطع الغيار مثلا

[khaled78]

بس انا راي وبقوه التويوتا وانشاء الله بعد استخدامها عمرك ما هاتفكر تبعها
وان حصل وعايز تبيعها هاتفكر الف مره قبل ما تفارقها

[Abeer]

بص أنا جربت السكودا A5 و التويوتا كرولا قبل ما اشتري:

- الاسكودا حلوة كثبات و فتيس أحلى بصراحة لأنه اوتوماتيك أصلا و و سع (شنطة) و أماكن التخزين
- الاسكودا تقيلة اوي تحس انك سايق بلد كاملة. مفيش تسارع خالص ( سواقتها عواجيزي شوية) ، في شوية عيوب عجيبة بتتطلع في عربيات اسكودا ( وده عن تجربة برده من أقاربي معاهم A4 , A5 ) يعني مثلا واحد معاه موديل 2007 و بتتركن كتير كمان لأنه بيسافر كتير بره مصر فجأة في ابريل 2009 الفتيس باظ و اضطر يغيره ب 25000 جنيه. و اللي معاها A5 موديل 2006 في أول 2008 التكييف فجأة فصل بس راحت غيرته في التوكيل و هناك بتسأل قالولها ان ده عيب شائع في العربية ده و عشان كده هما بيغيروا التكييف على حسابهم بس بييجي بعدها بأسبوعين.
- بالنسبة للخدمة: فكل اللي أعرفهم بيشتكوا من خدمة التوكيل لدرجة ناس أعرفهم كانوا عايزين يبيعوها و يشتروا أي حاجة أوبل ( عشان خدمة منصور أحسن !)

التويوتا كرولا:
- أحسن في السحب كتير و نعومة العربية و هدوءها و كماليات أحسن بالنسبة للسعر و باور أحسن بكتير من الاسكودا و استهلاك بنزين أحسن و اعتمادية و طبعا طبعا سعر إعادة بيع (مهما قالوا الكل بيقيس سعر إعادة البيع انه مش لازم يخسر خالص ان ماكنش يبيعها بنفس السعر اللي اشتراها بيه زيرو لكن MMT علشان سعرها أصلا غالي فلازم تنزل لكن إلى الآن أحسن سعر اعادة بيع هي نفس إعادة بيع اللانسر).

- أسوأ في وسع الشنطة و أسوأ في الثبات عن الاسكودا (بس أحسن أكيد من الكرولا القديم) الخامات أسوأ من الاسكودا بس هي حلوة قوي بالنسبة للانسر و الهيونداي و غيرها و تقفيل الاتنين واحد و حلو جدا. الفتيس مش سئ غير على المرتفعات الجامدة أو المنخفضات الجامدة برده و أنا شخصيا طول غعمري باسوق اوتوماتيك بس و ما حستش بأي فرق خالص غير في الحالات اللي فاتت و كويس اني برده اتعلمت في الأول على مانيوال.

- طبعا خدمة ما بعد البيع التويوتا لا يعلى عليها ده أحسن توكيل على مستوى العالم مش مصر بس.