استهلاك البنزين فى السيراتو عالى

[ehab62]

كنت عايز اعرف من مالكى النيو سيراتو متوسط استهلاك السياره الفعلى من البنزين فى وسط البلد فى حدود كام لتر لكل 100 ك لان العربيه عندى حاسس انها بتستهلك بنزين كتير خاصه ان انا ساكن فى شرم الشيخ يعنى لاتوجد اشارات او زحام او انتظار والاستهلاك بيكون مابين 9.2 : 9.8 لكل 100كيلو يعنى الصفيحه بتعمل 200 كيلو والطريق مفتوح وبمشى رايح جاى فى حدود 30 ك
2- كنت عايز اعرف هل توجد علاقه بين تغيير فلتر البنزين واحتمال زياده الاستهلاك فى البنزين لاننى حاسس ان النقلات بين الغيارات بقيت سريعه (مابين 2000:2500 لفه)ومشوار الغيار قصير لو مش دايس جامد على الدواسه وعلى طول عدد لفات الموتور اصبح مابين 1500 :2500 ومؤشر الاستهلاك اللحظى للبنزيين عندى بعد النص بشويه
ملحوظه انا الفتيس ستيب ترونيك 4 غيار2010

[ehab62]

ايه يا جماعه مافيش حد عنده نيو سيراتو يرد عليا ولا ايه!!!!!!!!!!!!!!!!!!!

[moh515]

استهلاك السيراتو 2010 حوالى 200 كيلو داخل القاهرة ، وفى الطريق المفتوح من القاهرة الى مرسى مطروح ، من خلال الصحراوى وطريق العلمين كان الاستهلاك فى حدود 250 كيلو مع فتح التكييف طول الطريق

[ehab62]

المشاركة الأصلية كتبت بواسطة moh515 استهلاك السيراتو 2010 حوالى 200 كيلو داخل القاهرة ، وفى الطريق المفتوح من القاهرة الى مرسى مطروح ، من خلال الصحراوى وطريق العلمين كان الاستهلاك فى حدود 250 كيلو مع فتح التكييف طول الطريق

شكرا لمرورك وردك على سؤالى

[tamermegahed]

انا معايا الكوبيه حاسس ان فعلا استهلاكها عالى بالنسبه ان كان معايا اوبترا الاول بس فعلا هحسبها بالظبط عشان اقدر احدد