مقارنه بين الjac b15 &Buick Excelle

[odaoda]

ربنا يباركلك فيها يارب
والحمد الله العربية تمام معايا بردو وزى لفل
وللعلم سعر العربية حسب كلام احد الاعضاء بقى 76000 موديل 2011

[aymanlaw]

الأخ الكريم odaodaاشكرك على اهتمامك--ولى سؤال--أخبار الفيتيس معاك ايه أنا حاسس انه على التانى شويه خشن وفى كل نقله تسمع صوت الغيار من عصاية الفتيس مش عارف هل ده عادى فى بعض السارات ولا ايه ويمكن انا واخد بالى قوى لأنى كنت راكب قبلها نوبيرا 1 اوتوماتيك وكمان قبل ذلك بحوالى 20سنه كنت راكب الفا روميو 33 وكانت خشنه قوى فى قيادتها وعقدتنى من المانيول ولكنى عدت مره اخرى مع البى 15 ---لذلك اود ان تطمنى هل هناك خشونه ملحوظه مع الجاك--ولايمكن لما يتغير زيت الفتيس الأمور هتليين شويه المهم --السيارة فى المجمل رائعة وتشعر انها عيزه تجرى وخلاص اكيد لأنها لسه جديده---على العموم يارب تفضل كده على طول تحب تجرى لأنى من هواة الجرى --أخيرا وليس بين الأشقاء أخر --اشكرك على الأهتمام والرد--أخيك--أيمن عبدالمنعم محمد.

[odaoda]

هو حضرتك صوت لفتيس موجود فكل لنقلات ونفس لصوت دةناكنت بسمعةوانامع صديق راكب لانسر1300وهو صوت تكة كدة`
بس هو مش مزعج هو لطيف كدة بيحسسني بالامان اني نقلت`
اما عضة الفتيس علتاني فدي ساعات بتحصل بس دة لاني مببقاش دايس علدبرياج للأخر
لكن الفتيس فلمجل ناااااااااعم وبينقل لوحدة كدة
وفعلا تحس لعربيةعاوزة تجري
بس ان شاء اللة علألف هتغير زيت لفتيس وهتلاقي اداء احسن بأذن اللة
ودمتم بخير ويارب تفضل مستمتع بيها دايما ولكل ملاكها الخير

[aymanlaw]

السلام عليكم--odaoda --فعلا الصوت ده سمعته فى اللانسر هو على فكره بيبقى فى السيارات الرياضيه --وبلنسبه للخشونه --كلامك مظبوط لأالنهرده جربت انى ادوس الدبرياج الى أخر المشوار وبلفعل بيكون الغيار ناعم --وسحبها فكرنى بلعربيه الفا رميو ودى العربيه الكانت عندى وانا فى ايطاليا
Alfa Romeo SZ Zagato -91 --الموتور كان 2959 اقصى سرعة كانت 245 --210 حصان وعلى فكره نظام الحقن الألكترونى كان نفس نظام الجاك لأنه كانintegrated electronic system ( Bosch Motronic --بس للأسف مطولتش معايا لأن البنزين هناك غالى والمشوار كنا نحسبه قبل منتحرك حتى الطلاينا وكل الأوربيين كده ميتحركوش خطوه بلعربيه إلا ولازم يحسبوها لأن الفلوس كانت بتيجى فعلا نتاج جهد --والله حضرتك فكرتنى بأيام جميله وصعبه فى نفس الوقت ولون الوقت ملوش أهميه عندنا فى مصر --المهم اناخرجت بيك عن الموضوع--يعنى من الأخر شعورى وأنا بسوق العربيه الجاك كأنى بسوق الألفا اس زد زجاتو وزجاتو دى نسبه الى المهندس الذى صمم هذا الموديل فهو موديل يبدا من 1988 --بس للأسف لما رجعت بورسعيد مكنش ينفع اجيب عربيه اعلى من 1500cc فجبت (الفا ترنتا تريه ي يعنى33 )ولكن مكنش فيها 1500 فجبت 1400 وكانت بلضبط 1384 وكانت قشله جدا لأن الموتور كان ضعيف على سياره ثقيله بطبيعتها وكمان كان الفتيس زى فتيس الادا ومكنش فيها بور ولاحتى هاف فكانت دبابه مش عربيه نهيك عن خامات التقفيل من الداخل كانت بلاستك والتبلوه بعد مبعتها بكام سنه لقيت الشتراها منى بيقلى ان التبلوه شقق حاجه تكسف والله وحجات تنيه كتير مش عاوز اوجع دماغك لكن الغرض من هذا الحديث هو الرد على الأساتذه الى بيشككوا فى الصينى حتى بعد مبدأو يحسنوا من شغلهم ويتعلموا من الأخطاء السابقه وهيفضلوا هما وغيرهم يتعلموا بس انا بضرب مثل بسياره لها الأن بلضبط 100 سنه على انشائها وهى الألفا ومشهور عنها بسياراتها الريضيه القويه ولكن بها مشاكل زيها زى غيرها وأول مشكله هو صوت الموتور المبلغ فيه لدرجة انك يتهيألك انك فعلا بتسوق دبابه---طولت عليك معلش ولكن اشكرك خلتنى اتكلم فى حجات كتير الى لقاء قريب--أيمن

[odaoda]

العربية الى فالصورة دى كانت معاك
ما شاء الله
متيجى نبدل طيب:HAPPY_~21 1:
ربنا يباركلك في الجاك وتفضل مبسوط منها علطووووول
وانا قلت من االاول ان الجاك هتغير مفهوم الصينى فمصر
وعلى فكرة العربية غليت لللاسف ب 76000 بس الى نازل جديد موديل 2011
وانا هجبلها حروف الجاك واركبهالها فضهر لعربية بدل هورس موتورز الى حطينها دى
وشكرا اخويا العزيز