العودة   مصر موتورز مجتمع السيارات > السيارات اليابانية > سوزوكى Suzuki

سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7


إضافة رد
 
أدوات الموضوع
  #21  
قديم 07-03-2013, 01:18 AM
ahmeddedo ahmeddedo غير متواجد حالياً
 
تاريخ التسجيل: May 2011
المشاركات: 29
ahmeddedo will become famous soon enough
افتراضي رد: استلمت انهارده سوزوكى سيلاريو

انا امبارح عملت حوالى 500 كيلو بالسيلاريو وحابب انقل تجربتى معاها

اول واحه العربية من غير ولاعة سجاير يعنى لو فى حد فاسد جنبى عايز يلوع سجاير الافضل يكون معاه ولاعه او مش يشرب فى العربية افضل

الكراسى بتاعتها مريحه جدا جدا فى السفر ومش متعبه

الازار الامامى بتاعها مش فيه وحده رفع وفيه حاجه غلسه شوية ان لازم الى جنب السواق هو الى يرفع الازار لانى مش حعرف اتحكم فيه من عند السواق يعنى لو هوه مش عايز يرفعه مش حعرف انا ارفعه غير من عنده هو يعنى من الاخر انزله من العربية لو مش سمع الكلام

الفتيس الحارات الخاصه بالنقل الفتيس صغيره و الفتيس فى المجمل ناعم وحلو

زرار الانتظار مكانه مش عاجبنى لانه موجود تحت الكاست ودى غريبه شوية

الكاست بتاع العربية جميل جدا جدا وبيشغل سىديهات وفى مكان للفلاشه جنب مكان الولاعه الفاضية وصوت المساعات كويس جدا جدا بتاعت العربية
اولا العربية من جوه كويسه بس لو حد طويل شوية يزيد عن 175 سم قعد ورا حيحس انه مضايق شوية الافضل يكون قصير لكن قدام مريحه جدا جدا اى ان كان طوله

العفشة ناشفه شوية من الاخر متوسطه وده الى عودتنا عليه السوزوكى لانى جرب الماروتى برده نفس النظام وانت ماشى بس مجربتش بالنسبه للناس الى قاعده ورا نظامهم ايه فى العفشه بس قالولى انهم مرتاحين ومش حاسين بحاجه مش عارف ده بيجاملونى ولا ايه بالظبط

العربية ثابته على الطرق الطويله والباور بيفصل على 110 او 120 تقريبا وده شيئ انا شايفه كويس جدا

صوت الماتور كويس مش غالى بس لو الدنيا ساكته وقافل الشباك حتسمع صوته خفيف وانت لسه على الاول والتانى لكن بعد كده وانت بتجرى مش حتسمع صوته خالص العزل ممتاز

العربيه سحبها كويس جدا لكن بيقل حاجه بسيطه وانت مشغل التكيف على 3 لكن مش حتحس بالفرق اوى الا لو انت محمل رغم انى مش شغلته كتير لان الجو عندنا كويس فى اسكندرية

التكيف بتاعها صراحه اجمل حاجه قوى جدا

الفرامل بتاعتها ممتازه وخصوصا انها abs وبتلم معاك بسرعه لدرجه انى كنت ماشى على 80 ولقيت مطب قدامى صغير فدوست فرامل فجاه ولمت معايا قبل ما اعدى المطب الحمد الله ان محدش كان ورايا كان زمانه على حجرى

فى المجمل العربية جميله جدا وشبابى و فى السحب والتجميع ماشاء الله والشكل الداخلى بتاعها تحس بالفخامه يمكن علشان نقلت من ماروتى لسيلاريو يمكن سعرها غالى شوية وده حال بلدنا لكن هى تستاهل بصراحه


اشوفكم على صيانه ال1000 ان شاء الله واقولكم اخر الاخبار
رد مع اقتباس
  #22  
قديم 07-03-2013, 01:15 PM
shaimaa hossam shaimaa hossam غير متواجد حالياً
 
تاريخ التسجيل: Feb 2013
المشاركات: 7
shaimaa hossam is on a distinguished road
افتراضي رد: استلمت انهارده سوزوكى سيلاريو

100000 مبروك مرة ثانية و الحمدللة انك طمنتنى ان العربية كويسة , انا انشاءاللة ناوية اجيبها بس على اخر السنة ,, و يارب يكون رايك فيها بعد ال1000 كيلو احسن كمان من دلوقتى
and please always keep us informed with ur feed backs

بس انا عندى سؤال,,, هى سوزوكى عندها وكيل هنا فى اسكندرية؟؟ ولا لازم تسافر بيها مصر علشان الصيانة؟؟؟
رد مع اقتباس
  #23  
قديم 08-03-2013, 01:08 AM
ahmeddedo ahmeddedo غير متواجد حالياً
 
تاريخ التسجيل: May 2011
المشاركات: 29
ahmeddedo will become famous soon enough
افتراضي رد: استلمت انهارده سوزوكى سيلاريو


المشاركة الأصلية كتبت بواسطة shaimaa hossam مشاهدة المشاركة

100000 مبروك مرة ثانية و الحمدللة انك طمنتنى ان العربية كويسة , انا انشاءاللة ناوية اجيبها بس على اخر السنة ,, و يارب يكون رايك فيها بعد ال1000 كيلو احسن كمان من دلوقتى
and please always keep us informed with ur feed backs

بس انا عندى سؤال,,, هى سوزوكى عندها وكيل هنا فى اسكندرية؟؟ ولا لازم تسافر بيها مصر علشان الصيانة؟؟؟
الله يبارك فيكى فعلا العربية ماشاء الله عليها ممتازه من حيث السحب والعربية شيك جدا وشبابى وتقفيلها ممتاز جدا والكماليات اكتر من ممتازه وثابته على الطريق انا جبت بيها 150 ومش حسيت باى شيئ وان شاء الله حتكون اختيار موفق لان العربية مكونات يابانى والماتور يابانى وبالتالى التكيف بتاعه روعه بجد يمكن هى تكون ضيقه شوية من جوه بس مناسبه للاحجام المتوسطه

بخصوص التوكيل فى توكيل سوزوكى بعد الموقف الجديد فى اسكندرية وانا رحته على فكره التوكيل من احسن الفروع بتاعت سوزوكى وفاضى وصيانه الاف مش محتاجه حجز قبلها بشهر زى باقى الفروع كلميهم قبلها بيوم

ولو فى اى استفسار انا موجود ان شاء الله
رد مع اقتباس
  #24  
قديم 08-03-2013, 08:46 AM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: استلمت انهارده سوزوكى سيلاريو

و بتهيألى فى توكيل فى الحضرة برضه .................. نيسان و سوزوكى فى نفس المركز
__________________

سبحانك لا علم لنا الا ما علمتنا
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:58 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017