الشبووووووووووووووووووووو ووووووووووووره

[hesham mansour]

المشاركة الأصلية كتبت بواسطة samirayad أنا قاعد بأفكر حاليا فى حل لتلك المشكله إللى بتواجهنا كلنا كمالكى سيارات وحقيقى جات فى مخيلتى فكره أنا لسه مجربتهاش وناوى أجربها بإذن الله الأول مامعنى الشبوره هى تكثيف لبخارالماء الموجود فى الهواء على سطح بارد عن حرارة الهواء المحيط بهذا السطح زى إللى بيحصل بالضبط على سطح كوب الماء الموضوع بالثلاجه الهواء إللى فى التلاجه نظرا لأن حرارته أعلى من زجاج الكوب وحيز الهواء محدود جوه الثلاجه ( مهمه أوى دى برضه ) بيحصل أنتقال حرارى من الهواء لجسم الكوب الخارجى وبالتالى بتتم عملية التكثيف لأبخرة الماء الموجوده فى الهواء على جسم الكوب الخارجى ومن هنا بتتم ظاهرة التشبير على جسم الكوب من الخارج _______________________ طيب أيه إللى بيحصل لو أخدنا الكوب المشبر ده بره التلاجه بتزول عملية التشبير من على خارج الكوب وبيظهر محتوى الكوب من الداخل بصوره صافيه ....لتعرض السطح الخارجى للكوب لهواء حرارته أعلى خارج الثلاجه والسؤال الآن هل نقدر نستفيد من هذه الظاهره الهندسيه ............؟ بحيث نمنع أو نقلل من عملية التشبير على الزجاج الداخلى للسياره نحاول مش حنخسر حاجه ونجرب فالوصول للحلول والنجاح فى الأفكار لا يأتى إلا من خلال التجارب المتتابعه طيب نعمل أيه ..................؟ نحاول أولا بتجفيف غالبية الهواء المحجوز داخل الصالون من خلال تشغيل التكييف على الساخن فوارد جدا مع تشغيل التكييف على الساخن وتجفيفنا للهواء الموجود بالصالون تقل نسبة بخار الماء الموجوده بالهواء المحجوز داخل الصالون ومن هنا تتحسن الرؤيه من خلال تقليل أو منع عملية التشبير الداخلى لبخار الماء على الزجاج الداخلى للسياره فى الحقيقه ده مجرد أقتراح ولم أنفذه من قبل وسيتم تجربته بإذن الله ولكن هى مجرد فكره راودتنى وحبيت أطرحها لعل وعسى يكون فيها الشفاء لما نبحث عنه جميعا

شكرا يا أستاذ سمير عالفكرة
أنا مش عارف هل ممكن و لا ايه
هو أستاذ nice egypt قال انه جربها و منفعتش بس المفروض ان كلام حضرتك منطقي
و كلامه برضه يمشي
مش عارف
احنا كده محتاجين حد فيزيائي

[hesham mansour]

المشاركة الأصلية كتبت بواسطة NicEgypt استاذ سمير .. انا فكرت فى نفس فكرتك بالفعل منذ ايام وباءت بالفشل ! والسبب ان ببساطة الهواء خارج السيارة والزجاج بارد جداَ .. وداخل السيارة ساخن حتى الزفير لاحظتة على الزجاج الامامى حينما كانت النوافذ مغلقة رغم ان فكرة السخان الخلفي هو تسخين او تدفئة الزجاج لزوبان الثلج وتكثيف الماء وتحويلة لبخار لتحسين الرؤية .. الا ان الهواء الساخن داخل المقصورة يختلف تماما عن درجة حرارة تسخين الزجاج نفسة لانة لما بيسخن بيسخن بشكل كامل من الاتجاهيين ... عكس فكرة تشغيل المكيف على السخن لان الخارج ساقع والداخل سخن فستلاحظ انك زودت عدم الرؤية بدل من حلها اللى بعملة وهو نوعاَ ما حل .. انى بفتح الاربع شبابيك لدخول الهواء البااااارد لكى يعادل برود الهواء فى الخارج .. بالاضافة لتشغيل المساحات مع تشغيل رشاشات المية وترك المساحات لتعمل وبكدة بقيت شايف امامى بشكل مبقول ... اما الزجاج الخلفى فلم اجد لة حل سوى سكب ماء من زجاجة علية قبل متحرك بالسيارة . واهو ماشى الحال شوية الا انة مسكن لما سألت الكهربائى عن سبب فصل سلك السخان فى زجاج سيارتى رغم انة يعمل قالى انة بيعجل من عمر الزجاج .. بالاضافة انة يخلي الزجاج يضرب فى الساقعة للاختلاف درجات الحرارة وان بعض توكيلات السيارات الجديدة بتفصل زر السخان لضررة اكبر من نفعة .. وانة لا يمكن تغييرة ان حصل لة تلف .. لانة بينزل من المصنع داخل الزجاج ولازم علشان يتغير ... تغير الزجاج الخلفى كلة .. كلامة لم اقتنع بة فما رأيك ؟ ورأي الجميع

عاوزين عالم شبورة يقولنا نعمل ايه؟؟

[حسام البورسعيدى]

انا برضه بواجه المشكلة دى كتير وبالذات فى اثناء المطر (علشان لازم اقفل الازاز) ..

والحل ان انت تشغل التكييف على البارد بس تخليه يسحب الهوا من بره العربية (من الزرار المخصص) ..

وتستحمل بقا البرد ... يا اما تفتح جزء من اى شباك وتستحمل ميه المطر اللى هتنزل عليك وتبل العربية ..

لكن فى اوقات الشبورة افتح شبابيك العربية هتتخلص من المشكلة الى حد ما باذن الله ..

اما بقى السخان بتاع الازاز اللى ورا بيشتغل كويس فى الحالات دى ومش بيأثر على الازاز ولا حاجة والا كل الماركات مكنتش عملته ..

لكن خلى بالك اول ما التكثيف يروح تقفله على طول لانه لو نسيته ممكن الازاز يتسرطن .. هو ده عيبه ..

[hesham mansour]

المشاركة الأصلية كتبت بواسطة حسام البورسعيدى انا برضه بواجه المشكلة دى كتير وبالذات فى اثناء المطر (علشان لازم اقفل الازاز) .. والحل ان انت تشغل التكييف على البارد بس تخليه يسحب الهوا من بره العربية (من الزرار المخصص) .. وتستحمل بقا البرد ... يا اما تفتح جزء من اى شباك وتستحمل ميه المطر اللى هتنزل عليك وتبل العربية .. لكن فى اوقات الشبورة افتح شبابيك العربية هتتخلص من المشكلة الى حد ما باذن الله .. اما بقى السخان بتاع الازاز اللى ورا بيشتغل كويس فى الحالات دى ومش بيأثر على الازاز ولا حاجة والا كل الماركات مكنتش عملته .. لكن خلى بالك اول ما التكثيف يروح تقفله على طول لانه لو نسيته ممكن الازاز يتسرطن .. هو ده عيبه ..

شكرا حسام باشا
بس يعني ايه يتسرطن؟؟؟؟؟؟؟؟

[حسام البورسعيدى]

المشاركة الأصلية كتبت بواسطة hesham mansour شكرا حسام باشا بس يعني ايه يتسرطن؟؟؟؟؟؟؟؟

يحصله سرطان يعنى ..

يعنى فجأه تلاقيه اتفتت قطع صغيرة ووقع ...