مين زار واحة سيوه؟

[محمد فيصل]

كالعادة اسلوب رائع مشوق يا قبطان
الف شكر
عيد أضحى مبارك

[أبو أسكندر]

والله يا قبطان المكان هناك واضح من كلام حضرتك انه محتاج شوية إهتمام حكومي
اينعم المجتمع السيوي على ما يبدو انه مجتمع منغلق على نفسه ولا يسمح بدخلاء في نسيجه
(مثلاً موضوع لغتهم اللي رفضوا توضيح معانيها) .
ولكن لو مستثمر او مجموعة مستثمرين او اي حد راح وعرض على الناس دي انه يوفرلهم تقنيات تقاوم جفاف الجو وطرق ري جديدة ويبدئوا يزرعوا الارض من تاني أكيد هيرحبوا .
بس للأسف كله بيلعب دلوقتي في المضمون ومبقاش حد عنده استعداد للمغامرة بزراعة الصحراء
والخوف كله من ان التجاهل الحكومي والانغلاق السيوي يعمل فجوة بين الطرفين وتتكرر المشاكل اللي بتحصل مع بدو سيناء.
متابع مع حضرتك ..... بشغف
كل عام وحضرتك بخير

[koashraf]

المشاركة الأصلية كتبت بواسطة أبو أسكندر والله يا قبطان المكان هناك واضح من كلام حضرتك انه محتاج شوية إهتمام حكومي اينعم المجتمع السيوي على ما يبدو انه مجتمع منغلق على نفسه ولا يسمح بدخلاء في نسيجه (مثلاً موضوع لغتهم اللي رفضوا توضيح معانيها) . ولكن لو مستثمر او مجموعة مستثمرين او اي حد راح وعرض على الناس دي انه يوفرلهم تقنيات تقاوم جفاف الجو وطرق ري جديدة ويبدئوا يزرعوا الارض من تاني أكيد هيرحبوا . بس للأسف كله بيلعب دلوقتي في المضمون ومبقاش حد عنده استعداد للمغامرة بزراعة الصحراء والخوف كله من ان التجاهل الحكومي والانغلاق السيوي يعمل فجوة بين الطرفين وتتكرر المشاكل اللي بتحصل مع بدو سيناء. متابع مع حضرتك ..... بشغف كل عام وحضرتك بخير

كل عام وجميع المسلمين فى مشارق الارض ومغاربها بخير ، كل عام وأعضاء وزوار ومشرفى مصر موتورز بخير، عيد سعيدعليكم جميعا، تقبل الله منكم اضحياتكم وجعلها سبيلاًالى رضوانه والجنه،وفى ميزان حسناتكم.

نرجع لموضوع سيوه اغلب الاستثمارات هناك فى المضمون يعنى فى المياه المعدنيه ،والسياحه،وبتقوم بيها اسماء تقيله جدا او القوات المسلحه ،وسيوه حتى وقت قريب كان الذهاب اليها بتصريح من حرس الحدود لانها كانت منطقه عسكريه ومع انتهاء حاله التوترابتدات فيها بعض الاستثمارات ،وفيه يعض المستثمرين بيعملو مشروعات زراعيه ولكن طيعا نظرا لبعد المكان وعدم وجود مواصلات غير الطرق البريه فالتكلفه بتبقى عاليه جداً .

[koashraf]

دى خريطه للواحه واهم الاماكن بها.

[koashraf]

واحة سيوه :
من الشرق للغرب 30ميلا ومن الشمال الى الجنوب 5اميال وهى تتألف من جملة واحات صغيره أهمها سيوه شرق وسيوه غرب والاغورمى والمراقى وخميسه وابو الشروق وقوريشت والزيتون كما تحيط بها عدة واحات من الشرق والغرب تسمى الحطايا .

تحتوى 200 عين مياه طبيعيه وبعضها تندفع منه المياه ساخنه تقترب من الغليان وذلك لانهاتنبع من اماكن قريبا من حميم باطن الارض. وهذه العيون المستغل منها حوالى 80عين للرى والزراعه بالاضافه الى 1200بئر جوفى تروى حوالى 20000 فدان اراضى زراعيه.
وقدرأيت فى سيوه احواض يتم فيها خلط المياه التى تخرج من ابار المياه الساخنه بالمياه البارده لتصلح للزراعه .
وتشتهر سيوه بتمرها وزيتونها وبعض المنتجات الاخرى كزيت الزيتون والملوخيه المجففه والنعناع
وبعض النباتات الطبيه مثل الشيح والخروع والحنضل ويوجد نوع من النعناع الطبى الذى يستخدم لعلاج بعض امراض المعده.
توجد فى واحة سيوه بعض الحيوانات البريه مثل الغزال واليربوع الارنب البرى الثعلب الذئب .
الطيور البريه مثل الحبارى السمان القمرى القنبره البشاروش البلشون.