|
#6
14-12-2011, 12:34 AM
|
||||
|
||||
رد: سوزوكى فان 7 راكب مشروع
ربنا يوسع على الجميع ويبارك لهم فى رزقهم
بعد اذنك يا استاذ سيف حضرتك قولت "للأسف وقفوا انتاجها" ليه للأسف؟؟؟ عند حضرتك اى معلومات عنها؟؟؟ تخلى كفتها تميل عن سوزوكى فان بالنسبة لمشاركة الاستاذ عمرو ادم ... هل حضرتك عندك فكرة عن صيانتها وقطع غيارها وكفائتها فى الشغل يعنى " طبعا ده بعد ماتعرفلنا الكلام ده من صديقك اللى شغال عليها"
__________________
صلى على رسول الله
--------------------- 
|
|
#8
14-12-2011, 09:52 PM
|
|||
|
|||
رد: سوزوكى فان 7 راكب مشروع
وبخصوص الفان السزوكى جميلة جدا جدا جدا فى كل حاجة الصيانة بسيطة واى حد يشتغل فيها وقطع الغيار رخيصة جدا لان السوزوكى من زمان اوى فى مصر فلذلك قطع الغيار موجوده فى كل حتة وكمان العربية كفاءة فى الشغل وتستحمل عن اى عربية صينى زيها والسبب ان قطع الغيار موجوده فى اى حتة ورخيصة واعتمادية انما الصينى هتلف على حاجات مش هتلاقيها ولو لقدر الله اتخبطت العربية هتلف على حاجات ليها يأما تروح توكيلها وساعتها بئا مع انها مشتركة فى السوزوكى فى بعض اشياء بس الحاجات التانيه لازم زيها لان انا وصديقى روحنا شوفنا عربية اسمها فرند كانت فى معرض بين الف مسكن والجراج هو متخصص فى الصينى بس وكانت ب62 تقريبا وكانت شكلها جميل اوى ومكيفة وسنتر وازاز كهربا ودلع بس صراحة الخامات معجبتناش رديئة وتحس انها ورق جدا صديقى قالى السوزوكى برقبتها انما ديه مش هتستحمل المصريين ابدا فى هبدهم ورزعهم للباب والكراسى وفعلا مشينا وصاحب المعرض عمال يغرينا بالعروض والكماليات انما صديقى ده كان عايز يشغلها وياكل عيش منها. انما السوزوكى اعتمادية بس يعبها حاجتين اولا مش بتاعت جرى ولا غرز ولا الكلام ده يعنى انت وانت محمل بيها كبيرك 100 كيلو وبلاش تعدى اكتر من كده علشان الامان فلازم تجبلها جنوط وكاوتش عريض عن اللى فيها علشان الثبات مش هتحس انك راكب 1000 سىسى ابدا على اللى بتاخدها منها وبعدين العربية دفع خلفى يعنى عزم فى الاداء والمواتير الليبانى مش محتاجة حد يتكلم عليها مش هتحس انها ضعيفة شوية الا لما تحملها 7 افراد بس بردوا هتجرى تانى حاجة بئا انها تفتقر للكماليات يعنى ليس بها تكيف ومن وجهة نظرى لا ارجحه فى عربية اقل من 1300 وخصوصا لو بتاعت اكل عيش وشغل لانه بيضعف الماتور وبيقلل من عزمه وعمره الافتراضى ومفيش زجاجا كهربا وده امره سهل ممكن تركبه . انما غير كده العربية جميلة ومنتشرة فى كل المحافظات وخصوصا اسكندرية وده يدل على انها عربية اعتمادية ومعمره ولما بتتروش بتبئا جميلة اوى وانت اكيد بتشوف منهم كتيييييييير بيبئا شكلها كتكوت كده  لو حضرتك ممكن تتغاضى عن الكماليات فى مقابل الاعتمادية وقطع غيار فى متناول اليد يبئا توكل على الله انما لو عايز كماليات وشكل مختلف يبئا شوف الصينى وفى موديلات كتير نزلت بس لا اعلم عنها شئ سوى انى اراها بالشارع نصيحة من اخ قبل الشراء انزل وشوف واركب ديه وديه واسأل اصحابهامش عيب حتى لو صدفت وركبت عربية سيرفيس اعد جنب السائق واسأله عن العيوب وقطع الغيار وكل مايخطر على بالك واهم شئ قبل خطوة الشراء شوف هتشغلها فين يكون فى شغل فعلى وليس انك تجيب وتدور وربنا يفرجها. هو ان شاء الله هيفرجها بس متلاقيش نفسك بتدفع قسط عربية وانت مش شغال بيها فى حتة وعمال تلف وملزم تدفع كل شهر قسط يبئا شوف شغل ليها الاول واتاكد منه وشوف بديل كمان للطوارئ وياكش حتى دورة مدارس مؤقت تجيب قسطها على الاقل. لان فى ناس كتير جابت عربيات ومعرفتش تشغلها فى حتة وادوها فى الاخر لمكتب تاجير عربيات وطبعا العربية بتتبهدل وانت عارف استعمال المصريين الا من رحم ربى اسف جدا على الاطالة بس حبيت انقل كل الكلام من صديقى على وجهة نظرى الشخصية
|
 |
| أدوات الموضوع | |
|
|
