3 مشاكل اتمنى الاقي الحل

[khaled_bibo]

سؤال اولكش هو لو العربيه مبطله اشغل الكاسيت قد ايه من غير اما البطاريه نام ؟

ثانيا لو العربيه مبطله و المروحه شغاله اجي ادوس كلاكس بيبقى ضعيف جداااااااااا يا ترى ده طبيعي ؟!!

ثالثا اما اجي ادوس كلاكس و مشغل الكاسيت النور بتاع السماعات اللي في الكاسيت بينور !!! انا كان عندي مشكله ان السماعه الشمال مش واصلها كهربا فخدت وصله من السماعه اليمين كده فيها مشكله ؟

ملحوظه : العربيه 128 و البطاريه جديده بقالها 6 شهور بس و بتدور عادي و الدينامو لسه مغيره بواحد استيراد و شحنه كويس غير ان العربيه يعتبر مابتشميش خالص غير يوم او اتنين في الأسبوع و مش طرق سريعه كمان

يا ترى ايه الحل للمشاكل ديه ؟

معلش طولت عليكوا

[ياسرشرف]

اولاانت بتقول ان العربية مش بتمشى الا يومين فى الاسبوع وكمان طرق مش سريعة يعنى اللى الدينامو بيشحنة العربية بتستهلكة فى المروحة لانك اكيد بتمشى بالنهار وكمن داخل البلد
الحل : ركب دينامو شاهين أو مرسيدس وبكدة ان شاء الله تتغلب على المشكلة

[mr_astra]

كل حاجة عندك تمام ما فيش مشاكل
بس نصيحة شغل العربية يوم بعد يوم لمدة ربع ساعة وانت دايس بنزين شوية عشان الدينامو يشحن وتحافظ على البطارية
موضوع الكاسيت لو ان ظروف التشغيل عادية والعربية بتمشى وبتتحرك ممكن تشغل الكاسيت اى وقت انت عاوزة لان امبير الكاسيت قليل جداااااااااا لا يمكن ياثر على البطارية
انت بس حاول تسخن يوم بعد يوم عشان الموتور كمان والبطارية لازم العربية تبقى صاحية تملى تحسبا لمشوار مفاجىء

[khaled_bibo]

شكرا لكل الردود طمنتوني الله يطمنكوا و انا اصلا مركب دينامو شاهين فيها بس في حاجة عندي تسريب جامد يعني اجي المس الارضي مع سالب البطاريه تطلع شرز جامد يا ترى اعرف التسريب منين ؟

[abo_]

افصل فيوز فيوز وجرب لمس الكبل في الصباع بعد ما تفصل الفيوز

ولما يختفي الشرذ اعرف الفيوز ده موصل كهربا لفين في العربيه .

وابدا بمعالجة المشكله.