|
|||||||
| موضوعات متميزة لا يسمح للأعضاء بنشر موضوعات بهذا القسم |
| مشاهدة نتائج الإستطلاع: هل تثق فى نتائج اختبارات التصادم ؟ | |||
| اثق بها تماما وتؤثر على قرارى فى الشراء |
   
|
3 | 30.00% |
| اثق بها لكن لاتؤثر على قرارى فى الشراء |
  
|
6 | 60.00% |
| لا اثق بها ولا تؤثر على قرارى فى الشراء |
  
|
1 | 10.00% |
| المصوتون: 10. أنت لم تصوت في هذا الإستطلاع | |||
 |
|
|
أدوات الموضوع |
|
#1
21-07-2009, 07:11 PM
|
||||
|
||||
|
هل تثق فى اختبارات التصادم ؟
والله يا جماعة من زمان وانا نفسى اطرح الموضوع ده للنقاش بس خايف ناس تتهمنى بالجهل او انكار الاساليب العلمية او حتى الدفاع عن السيارات الصينية ويعلم الله انى بطرحى للموضوع ده لا ابحث الا عن الحقيقة وتوضيح الامور للناس كلها وانا اولكم
اختبارات التصادم مبدياً شىء معمول بيه من زمان جداً وكانت بتعملة الشركات الكبيرة علشان تختبر سيارتها وتحسن مستوها وبعدين (زمان برضو) بقت تستخدمها الشركات للدعاية عن منتجاتها ولتثبت للناس ان عربيتها متينة وقوية لكن طبعاً ده مكانش كفاية للناس انها تصدق لان الاختبارات ديه بتعملها الشركة نفسها صاحبة المصلحة فى اثبات قوة ومتانة السيارة وفى السنين الاخيرة الماضية نشاءت جهات متخصصة فى قياس واعتماد مستويات الامان للسيارات واشهرها على الاطلاق NCAP مؤسسة السلامة الاوروبية NATSHA مؤسسة السلامة الامريكية ودول اللى غالبية الناس بتعتبر بنتائجهم وتقيماتهم لكن فى السنتين تلاتة اللى فاتو ظهرت العربيات الصينى فى السوق واختلف الناس عليها ما بين مؤيد ومهاجم ودائما ما كان الناس اللى بيهاجمو العربيات ديه بيستشهدو باختبارات الامان اللى بتتعمل عليها واللى بتظهر ان العربيات ديه هشه وغير امنة اطلاقاً حتى مع وجود وسائل امان فيها لا تتوفر فى السيارات الكورية الموجودة حالياً فى السوق وبالفعل اقتنع اغلبية الناس بهشاشة السيارات الصينى بناء على نتائج الاختبارات ديه (مع انها مش اختبارات من جهات معروفة) للدرجة اللى خلت ناس تتخيل انها عربيات ورق وناس تخيلت ان ابوبها بتقع منها وهى ماشية او انها ممكن تتفكك لو اخدت مطب جامد طيب ليه الناس مش بتاخد نفس الموقف من العربيات الكورى القديمة (اكسنت - برايد - لانوس - ماتيز - نوبيرا) مع ان اختبارات التصادم بتاعتها كانت سيئة جداً برضو اختبار تصادم الماتيز او الاوربى القديم و اليابانى القديم (شوف الهوندا حصلها ايه هى والجولف) شوف الفولكس بيتلز العظيمة والجولف حصلهم ايه !! طيب هل ده يخلينا نقول ان العربيات الصينى الجديدة زيها زى البيتلز والجولف ويمكن احسن كمان لانها فيها وسائل امان !! صعبة صح طيب زى اللانوس والاكسنت والبرايد والماتيز والنوبيرا ؟؟ طيب اذا كانت ديه نتائج اختبار عربيات قديمة مجربة ومعروفة ومشهود لها بالمتانة يبقى ايه لازمة اختبارات الامان اصلاً اذا كان ملايين الناس استخدمو العربيات ديه من غير اى مشاكل من ناحية الامان والمصيبة الاكبر ان كل بلد دلوقتى بقى ليها مركز اختبارات امان يدافع عن سيارتها شوفتو الماتيز فوق عملت ازاى شوفو الكيو كيو اللى هيا الماتيز برضو عاملة ازاى هنا انا مش عايز اطول عليكم وخاصة ان الموضوع عايز فيديوهات كتير وهتهنج الصفحة بس عايز اقول ان الحكاية ديه مش مظبوطة اوى وفيه حد بيدحك علينا باستخدام الاختبارات ديه لايهامنا بحاجة غير الحقيقة وللحديث بقية بعد ما اعرف رايكم فى الفيديوهات والموضوع  
|
|
#2
21-07-2009, 07:37 PM
|
||||
|
||||
رد: هل تثق فى اختبارات التصادم ؟
و الله يا أبو نورا ! أنا من زمان لا أعير أى اهتمام لهذه الاختبارات !
لآن فى رأيى ان أى حادث وجها لوجه أو وجها لجنب فوق ال 60 كم ممكن يسبب اصابات خطيره و وفاه مهما كان نوع السياره ! يعنى يكفى 2 دماغهم تخبط فى بعض و يموتوا على طول ! و السرعات الآقل من 60 كم ممكن تفادى التصادم فيها الى حد كبير ! أى نعم فيه سيارات أقوى من التانيه فى التصادم بس دى ممكن تعرفها بالخبره و أهل الثقه ! زى ما قلت سابقا أنا رأيت مرسيدس 500 مقسومه نصفين فى الكويت و غيره وغيره ! لكن عموما المواصفات الآميريكيه هى الآقوى ! اكصدام كبير و مقدمه طويله و صاج فولاذ بس برده دا كله بيحرق بنزين ! يبقى الواحد يعقلها و يتوكل ! Dr. Bolbolan
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#3
21-07-2009, 08:12 PM
|
|||
|
|||
|
رد: هل تثق فى اختبارات التصادم ؟
انا فهمت قصدك يا ابو نورا
هو انت فاضل انك تعمل حاجة بس عشان يكون الموضوع علمى فعلا . انك تحت سنة طرح السيارة فى السوق . لانة حتى وقت قريب زى ما انت شايف كدة , كانت حتى السيارات اليابانية و الاوروبية بتاخد تقديرات متواضعة فى التصادم , و طبعا انا بتكلم عن الاختبرات المحترفة اللى بتقوم بيها مؤسسات محايدة مش اختبرات الشركات نفسها اللى طبعا حيكون فيها جزء مبالغة لزوم المابيعات . شوف يا باشا موضوع التصادم دة حكاية كبيرة : ا لما بتكون السيارة متحركة بسرعة , بيكون فى طاقة حركة , طاقة الحركة بتزيد كل ما السرعة تزيد , تمام , لم يحصل حادث لا قدر اللة بيكون فى رد فعل , حسب قانون كل فعل لة رد فعلا مساوى فى المقدار و مضاد لة فى الاتجاة , فطاقة الحركة اللى فى السيارة و هى متحركة لما تتوقف السيارة فجائة الطاقة دى بتتحول لطاقة وضع و بتخرج ,تخرج تروح فين . -فى التصميمات السيارات القديمة , الطاقة دى بتقوم بتشوية جسم و هيكل السيارة تماما بشكل عشوائى و يحصل زى ما شوفت كدة فى السيارات القديمة , العربية تطبق على دماغ اللى فيها . فى التصميمات الجديدة المهندسين عملو اية , قالك احنا عوزين نعمل حاجتين , اولا نبعد الطاقة دى عن الركاب قدر الامكان , ثانيا نخلى كل هيكل السيارة يمتص الطاقة دى و تتوزع علية بانتظام عشان يقدر يقاوم الصدمة دى . طبعا الموضوع دة اخد سنين عشان يوصلولة بعد تجارب و اختبرات كتير ,استخدمو الكوبيوتر فى محاكاة التصادم و الطاقة اللى خارجة دة , قدرو يتوصل لحاجة اسمها مناطق التهشم ,crash zone اية بقى حكاية مناطق التهشم دى , دى حكايتها كبيرة قوى هى دى بقى الفرق بين فديوهات السيارات اللى انت حتطهم . و هى عبارة عن ان الصلب اللى مكون من الشاسية و الهيكل فى المناطق الامامية صمم بطريقة انة عند التصادم ينكمش على بعضة بانتظام , عارف الة الاكورديون بتكبر و تصغر ازى نفس الموضوع بالضبط عملو فى المناطق دى . فبدل ما الصلب يتشوة بشكل عشوائى و الطاقة تروح للركاب فى الاخر , لاء الصلب يطبق على بعضة و يمتص الصدمة , ومش بس كدة كمان يوزع الطاقة الصدمة على باقى اجزاء الهيكل بانتظام عشان مايحصلش تشوه فى الهيكل و يطربق على دماغ الى جواة . و الموضوع دة مقدروش يتحكمو فية بدقة غير باستخدام اجهزة الكمبيوتر عشان كدة كل الهيكل دلوقتى بيتصمم و بيتم عمل اختبارات تصادم لة و هو على الكمبيوتر قبل ما يتنفذ بالفعل , والكمبيوتر كمان بيقوم بتصميم مناقط التهشم دى و اضافتها على التصميم . عاشن كدة دلوقتى بس فى السنتين الاخيرتين بقينا نشوف خمس نجوم فى اختبرات التصادم , و هنا شطارة كل شركة فى اختبار و تصميم سياراتها . وعاوز كمان اوضحلك ان دى برامج معقدة و فيها كتير من اسرار المهنة زى ما بيقولو , لان هو دة الفرق بين السيارة الحديثة و السيارة الصينى مثلا , يعنى الصينين بيستعملو نفس الصلب المستخدم فى السيارات الاخرى لكن ليسة معندهمش تكنولوجيا مناطق التهشم دى , فانت عرف اية اللى بيحصل فى سيارتهم . و دلوقتى فى انواع جديدة من ا لصلب المقوى بشكل علمى و بيساهم فى تحمل اجزاء كبيرة من الصدمة و بيستعمل فى كتير من السيارات الاوروبية و اليابانية . و فى النهاية الاختبارت دى اصبحت اكثر دقة , و كمان دلوقتى بيدخلو تصادم المشاة فى تقيم السيارة و دة موجود فى التقيمات الجديدة
|
|
#4
21-07-2009, 08:18 PM
|
|||
|
|||
|
رد: هل تثق فى اختبارات التصادم ؟
انا مقتنع ان اختبارات الامان دي مجرد مؤشر او معيار ...
والمفروض و الطبيعي ان في تطور بيحصل كل يوم للأفضل .... يعني أكيد عربيات اليومين دول أفضل من عربيات 20 سنه فاتو حتى لو كان صاجهم ورق .. لأن الصاج الجامد و الاكصدامات المعدن دي بتتحول لأسلحه في الحوادث الكبيره ... المفاهيم ببتغير .. النهارده مش مهم العربيه تتطبق او تتفتت 100 حته ... لكن أهم حاجه الحفاظ على الكابينه و سلامه الركاب معتقدش ان اختبارات الامان الاوروبيه ضحك على الدقون ... على أد ما انا شايفها تطوير لنظام جاد و صارم للحفاظ على ارواح الشعب الاوروبي ... يعني هي أساسا مش معموله لينا علشان نقول إنه ضحك على الدقون .... تاني حاجه المفروض لما أقارن اقارن بين عربيات النهارده .. لكن مقارنش بين عربيه انتاج النهارده و عربيه تانيه من 10 سنين .. الا اذا كنت بفكر أشتري ما بين مستعمل و لا زيرو صيني !! وده طبعا غير وارد بره ... العربيه بعد 10 سنين بالكتير بيتم إعدامها لأانها لا تصلح للتسيير حتى لو بحالتها ... لكن احنا عندنا العربيه تقعد 30 سنه حتى لو مهكعه !! الفكره إن أغلب الناس مقتنعه ان الشركات الكبيره لما انتجت الجولف او الهوندا القدام كانو بيبذلو أقصى ما عندهم في خروج أفضل منتج ... زي ما هما مقتنعين ان الصيني بيبذل أفصى ما عنده في الضحك على الدقون ... ده تصادم لعربيتين ساب ... كل عربيه بسرعه 60 كم في اتجاه معاكس ... يعني السرعه النسبيه للتصادم 120 كم/س ساب دايما بتعمل الفيديو ده لعربياتها ودي حادثه الاسبوع ده في سباق فورميلا 2 ... لاحظ عند الثانيه 6 من الفيديو فرده الكاوتش اللي طارت وقعت على رأس السائق الشاب (18 سنه ) ... الاصابه دي افقدته وعيه و ادت لوفاته فور وصوله المستشفى ... مع ملاحظه ان العربيه نفسها حادثتها بسيطه جدا تبعا للنوع ده من الرياضه رأيي ... لا يمنع حذر من قدر .. لكن الواحد يعمل اللي عليه .. و لو مكنتش أقدر اشتري ساب .. يبقى على الاقل احترم الطريق اللي انا ماشي عليه ... وربنا يسترها علينا جميعا معلش مش قادر أنسق وأرتب وأجيب كل اللي في دماغي .. كان في موضوع تاني بقاله يومين أكل دماغي و فضى التنك ptmnlo123per1106
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#5
22-07-2009, 01:35 AM
|
||||
|
||||
|
رد: هل تثق فى اختبارات التصادم ؟
هو انا اثق فيها كاختبار و لكن كل برغوت على قد دمة زى ما بيقولو يعنى ان العربية لما بيقل سعرها بيقل الامان و بيقل اكمكانيات التصنيع لذلك بتدشدش فى الاختبارات انما الواحد يشاهدها و يعتمد عليها بقرارة لو هشترى عربية سعرها عالى زى المرسيدس و البى ام و ............. و انا مقياسى لما بشوف اى خبتار حوادث الجزء الامامى طالما مدخلش على كبينة السائق بيقى تمام دا رائى مش علمى ولا حاجة دا رائى انا وشكرا
__________________
|
|
| الكلمات الدليلية |
| اختبارات تصادم |
|
|
