محتار يا جماعة بليز - شيفرولية لانوس 2012

[shaibat]

المشاركة الأصلية كتبت بواسطة asom_6 بص حضرتك موضوع التعامل مع البنوك ده فى شبهه والله اعلم .. ولأن اختلاف العلماء رحمة فالبعض اباح التعامل مع البنوك والبعض رفض وانا وانت وعامة الناس من حقنا نتبع اى من الجانبين وكل منهم مسئول عن فتواه وملزم بتبريرها امام رب العالمين. ولأن انا زيك شخص عادى ومش متبحر قوى فى علوم الفقه ومن واقع تجربتى الشخصية فى شراء سيارة جديدة بالتقسيط وجدت امامى نوعين من اساليب البيع بالتقسيط من البنوك :- 1- النوع الاول هو ان البنك بيديك قرض لشراء سيارة وهو فى النهاية قرض نقدى من بنك تحتسب عليه فائدة على حسب قيمة القرض ومدة السداد وليس للبنك علاقة بالمعرض او التوكيل وانما يعطيك البنك شيك بقيمة القرض موجه للمعرض او الوكيل لضمان استخدام القرض فى شراء السيارة وليس شىء اخر وطبعا ضمان القرض تحدده انت والبنك سواء تحويل مرتب او وديعة او او او ... هذا النوع من اسلوب التقسيط انا شخصيا لم اشعر معه بالراحة وللاسف هو السائد فى معظم البنوك 2- النوع الثانى هو انك تحدد للبنك نوع وماركة السيارة المطلوبة ويقوم البنك بشراء السيارة كاش باسمه هو اولا ومن ثم يبيعها لك بالتقسيط من البنك لك وهنا لا تعامل لك مع المعرض او الوكيل وانما انت تشترى من البنك سلعة بالتقسيط وطبعا سعر السلعة بالتقسيط يختلف عن سعر السلعة كاش لان البائع انتظر على فلوسه لمدة اطول (مدة السداد) ... هذا النظام ارتحت له اكثر واشتريت به فعلاً واستلمت من البنك فاتورة شراء واذن استلام من مخازن البنك وجميع اوراق الملكية كانت باسم البنك ومبايعة البنك لى وهذا النظام وجدته فى بنك ناصر الاجتماعى وضمان السلعة التى استلمتها ولم تسدد ثمنها بالكامل بعد هو ايضا تحويل مرتب او وديعة او او او كما تتفق انت والبنك

استفسار هو قيمة مبلغ الوديعه بيكون قد ايه بمعنى نسبه من المبلغ المتبقى ولا بيكون بنفس قيمة المبلغ المتبقى ومدة الوديعه بتكون نفس مدة التقسيط وياريت تفيدنى فى موضوع اختيار السياره

[asom_6]

المشاركة الأصلية كتبت بواسطة shaibat استفسار هو قيمة مبلغ الوديعه بيكون قد ايه بمعنى نسبه من المبلغ المتبقى ولا بيكون بنفس قيمة المبلغ المتبقى ومدة الوديعه بتكون نفس مدة التقسيط وياريت تفيدنى فى موضوع اختيار السياره

قيمة مبلغ الوديعة مبتقلش عن 40% من المبلغ المتبقى وهاديك مثال حسابى سريع
- لو المطلوب شراء سيارة لانوس مثلاً ثمنها 70000 جنيه فالمقدم المطلوب لا يقل عن 15% من تمن السيارة يعنى = 0.15*70000=10500 جنيه دول هتدفعهم كاش للبنك وكل مازاد المقدم ده بيكون احسن لان المبلغ المتبقى بيكون اقل وبالتالى الاقساط قيمتها هتقل .
- الباقى من تمن العربية = 70000 - 10500 = 59500 جنيه
- بيتم حساب 6% فايدة ((ده فى بنك ناصر)) على كل سنة من سنوات التقسيط ((بحد اقصى 7.5 سنوات)) بمعنى مثلا لو هنقسط على خمس سنين هيبقى = 6% * 5 = 30%
- اذن المبلغ المتبقى زائد قيمة فوائد التقسيط = 59500 * 1.3 = 77350 جنية
- القسط الشهرى فى الخمس سنين (ستون شهر)= 77350/60 = 1289 جنيه تقريبا
- قيمة الوديعة لا تقل عن 40% من المتبقى الاجمالى ((باقى تمن العربية + الفائدة )) = 77350 * 0.4 = 30940 جنيه يتم تجميدها كضمان لمدة التقسيط ((خمس سنوات فى مثالنا ده)) وتحقق فائدة سنوية 10% وطبعاً لو حبيت تكيش العربية فى اى وقت يتم فك تجميد الوديعة

يبقى انت دفعت 10500 كاش مقدم العربية وده اقل مقدم ((15%)) والباقى على خمس سنين بواقع 1289 جنية قسط شهرى
بس خد بالك من نقطة مهمة وهى ان السنة الواحدة تقسيط دفعنا فيها 6% من قيمة المتبقى يعنى = 0.06*59500 =3570 جنية زيادة على كل سنة لكن مبلغ الوديعة ((30940 جنية)) حقق فى السنة 10% فائدة يعنى 3094 جنية يعنى انت تقريبا لم تدفع فايدة على تمن العربية وانما باقى تمن العربية الاصلى فقط ((59500 جنيه)) تم سداده بالتقسيط

والظريف فى الموضوع انك اذا ما قررت سداد اخر سنتين مثلاً كاش مرة واحدة سيتم خصم فائدة السنتين من قيمة الاقساط وممكن عندها نستخدم الوديعة نفسها للسداد وتسوية المبلغ

أتمنى انك متكونش تهت منى

[shaibat]

المشاركة الأصلية كتبت بواسطة asom_6 قيمة مبلغ الوديعة مبتقلش عن 40% من المبلغ المتبقى وهاديك مثال حسابى سريع - لو المطلوب شراء سيارة لانوس مثلاً ثمنها 70000 جنيه فالمقدم المطلوب لا يقل عن 15% من تمن السيارة يعنى = 0.15*70000=10500 جنيه دول هتدفعهم كاش للبنك وكل مازاد المقدم ده بيكون احسن لان المبلغ المتبقى بيكون اقل وبالتالى الاقساط قيمتها هتقل . - الباقى من تمن العربية = 70000 - 10500 = 59500 جنيه - بيتم حساب 6% فايدة ((ده فى بنك ناصر)) على كل سنة من سنوات التقسيط ((بحد اقصى 7.5 سنوات)) بمعنى مثلا لو هنقسط على خمس سنين هيبقى = 6% * 5 = 30% - اذن المبلغ المتبقى زائد قيمة فوائد التقسيط = 59500 * 1.3 = 77350 جنية - القسط الشهرى فى الخمس سنين (ستون شهر)= 77350/60 = 1289 جنيه تقريبا - قيمة الوديعة لا تقل عن 40% من المتبقى الاجمالى ((باقى تمن العربية + الفائدة )) = 77350 * 0.4 = 30940 جنيه يتم تجميدها كضمان لمدة التقسيط ((خمس سنوات فى مثالنا ده)) وتحقق فائدة سنوية 10% وطبعاً لو حبيت تكيش العربية فى اى وقت يتم فك تجميد الوديعة يبقى انت دفعت 10500 كاش مقدم العربية وده اقل مقدم ((15%)) والباقى على خمس سنين بواقع 1289 جنية قسط شهرى بس خد بالك من نقطة مهمة وهى ان السنة الواحدة تقسيط دفعنا فيها 6% من قيمة المتبقى يعنى = 0.06*59500 =3570 جنية زيادة على كل سنة لكن مبلغ الوديعة ((30940 جنية)) حقق فى السنة 10% فائدة يعنى 3094 جنية يعنى انت تقريبا لم تدفع فايدة على تمن العربية وانما باقى تمن العربية الاصلى فقط ((59500 جنيه)) تم سداده بالتقسيط والظريف فى الموضوع انك اذا ما قررت سداد اخر سنتين مثلاً كاش مرة واحدة سيتم خصم فائدة السنتين من قيمة الاقساط وممكن عندها نستخدم الوديعة نفسها للسداد وتسوية المبلغ أتمنى انك متكونش تهت منى

لا انا ماتهوتش والحمد لله شرحك للموضوع ممتاز جدا بس قوللى اجيب عربيه ايه وياريت لو توضيح بخصوص نظام الوديعه مع بنك سوسيتيه جنرال وهو بياخد فائده كام على المبلغ الباقى وهل فى نظام الوديعه بيكون فى حظر بيع

[asom_6]

المشاركة الأصلية كتبت بواسطة shaibat وياريت تفيدنى فى موضوع اختيار السياره

من شهرين لما قررت اشترى عربية فى حدود 70 الف كان الاختيار منحصر بين اللانوس والفيرنا واللوجان والكيا ريو ... وعلى الرغم من ان اللوجان المفروض تكسب المقارنة بمزايا الإيرباج وكمبيوتر الرحلات وكونها اعلى واحدة فى التلاتة عن الارض إلا أن عدم توافرها فى التوكيل وكونك مضطر تستنى حوالى شهرين علشان تستلم لأ وأيه تدفع كمان 10 الاف جنية جدية حجز كل ده مكانش فى صالح اللوجان وكمان نصيحة من احد مهندسى التوكيل (توكيل رينو نفسه) بعدم الارتباط بالرينو فى هذه الفترة لعدم وجود قطع غيار جديدة واردة للبلد فى هذه الظروف والموجود فقط هو الاستوك المتوافر بالتوكيل مع ارتفاع ثمنه المبالغ فيه مقارنه بالنوعين التانين وسعر اعادة البيع الضايع للوجان ..... وعليه انحصر التفكير فى كل من اللانوس والفيرنا وهما فوله وانقسمت نصين بمعنى موجودين بوفرة وبكل الالوان والاستلام فوراً .. قطع غيار رخيصة ومتوافرة وصيانة سهلة لأى ميكانيكى ... وعموما اللى حسم الموضوع بالنسبالى بينهم كون اللانوس 1500 سى سى يعنى استهلاك بنزين اقل واعلى شوية من الفيرنا عن الارض وكمان عدم ارتياحى لشكل الفيرنا والخطين البايخين على الكبود ((ديه أراء .... أرااااااء)) ... وكمان الخصم المعمول من منصور على السعر للانوس الكاملة 69990 ((وقتها يعنى)) والفيرنا 72250 على الرغم من ان اللانوس فيها حاجات زيادة زى كشافات الشبورة وراديو بدون اريال (هوائى) وكمان فى حاجات زيادة دلوقت فى موديل 2012 زى الأزاز الفاميه اعتقد ... وبكده استقر رأيى على اللانوس وجبتها من شهرين دلوقت بس كل المشاكل اللى بتتقال عنها مظهرتليش لسه وعموما مادام العربية شغالة تاكسى بالكثافة دى فده مطمنى ان اى مشاكل ان شاء الله محلوله ... اتمنى ان تجربتى تفيدك

[asom_6]

المشاركة الأصلية كتبت بواسطة shaibat وياريت لو توضيح بخصوص نظام الوديعه مع بنك سوسيتيه جنرال وهو بياخد فائده كام على المبلغ الباقى

الحقيقة انا متعاملتش مع بنك سوسيته جنرال بس عموما نظام ضمان الوديعة مبيختلفش من بنك لبنك ولكن اللى بيختلف هو قيمة الفايدة السنوية (( اعتقد من 9 الى 10 % )) ده لو فايده ثابتة سنويا لكن بقى لو فايدة متناقصة وده اختراع بارد لبعض البنوك ويبدأ من 18% تقريبا ويقل على باقى السنوات وسبب هذا الاختراع هو ان العميل عندما يرغب فى دفع عدة سنوات كاش من تمن العربية لينتهى من موضوع الاقساط ((يكيش اخر سنة ولا اتنين مثلا)) البهوات يخصموا قيمة الفايدة على اخر كام سنة اللى هما اساسا اقل فايدة وبكدة يكونوا لهفوا اكبر قدر ممكن من العميل على اول اقساط ((برود متناهى الحقيقة ))

عموما العبرة بأنك تسأل عن كل التفاصيل فى البنك اللى ناوى تتعامل معاه الأول