يوميات رينو رينبو ... اسعار قطع غيار وكل شيئ عنها

[teto2007]

معلش هى كمية زيت الفتيس اد اية وشكرا ليك

[ahmednemo]

المشاركة الأصلية كتبت بواسطة hakam يا اهل الرينبو لو مفتاح الزجاج الكهرباء بتاع عربيتك باظ اوعي تشتري مفتاح بتاع الرينبو وتركبة لانه بخمسين جنية الافضل انك تشتري مفتاح عادي جدا من ابو 8 جنية وتخلي الكهربائي يعدلك الفيشة ويشلك الارضي الزيادة وبكدة تبقى وفرت كتييييييييييييييييير

مفت اح ب 50 جنيه ...انا جايبه من توشكى فرانس ب 200 جنيه ...

[shasha850]

أخوكم شريف من الشيخ زايد و بسأل لو أي حد من الآخوة بالمنتدى قدامة رينو رينبو أو 19أو شاماد للبيع أكون شاكر لكم نفسي اقتنيها بعد ما بيعت اللادا ولكم جزيل الشكر

[mahmoud_suez]

(بسم الله)
السلام عليكم يا شباب
أنا لسه جايب رينو رينبو 97 والعربية معايا كويسة بس فى شوية حاجات هسئل فيها اهل الخبرة وياريت يدلونى على حل ليها .
أولآ : العربية صوتها عالى " المكنة إينرجى 1500 س س " إنجيكشن مش كربراتير ومركب لها فلتر صوت خارجى .
ثانياً : العربية بتسخن وأمبير الحرارة بيعدى النص بعد فترة قليلة وبزود ميه كل 3 ايام تقريباً.
ثالثاً : نفس الغيار قصير يعنى صوت العربية بيعلى ويحسسك انها عايزة الغيار اللى بعده .
رابعاً : التكييف مش شغال عايز اعرف أسعار كل قطع التكييف بالكامل
خامساً : السنتر برده مفصول مش عارف صاحب العربية الآولانى فصله ليه هو قاللى انه كان بيعلق
سادساً : الفتيس تقيل شوية فى الغيارات " لسه مغير زيت من يومين وحطيت موبيل 5000 للمكنة وغيرت فلتر الزيت وغيرت زيت الفتيس كمان "
سابعاً : العربية بها مكنة باور لا تعمل لا اعرف برده سبب عدم تشغيلها " مهم أوى الباور ".
اعذرونى للإطالة بس انا حطيت العربية تحت الميكروسكوب الأيام اللى فاتت واكتشفت الأعطال دى فيها وياريت تدلونى على حلها وعلى ميكانيكى فى السويس يكون محترم وبيفهم فيها .
بس بجد العربية ثبات وعفشة واتزان على الطريق وصالون واسع ومريح .
وشكراً لتعبكم معايا وفى انتظار رأيكم وانشاء الله يكون عندكم حل وتكون بسيطة
وبشكر البوب على مجهوده فى المنتدى ياريت يشرفنا برأيه .

[freeconcord]

شكرا لانك فعلا حببتنا في الرينو
سؤال ضروري محتاج مساعدين خلفي عاوز اعرف يعملوا كام ومنين افضل مكان اجيبهم منه
وشكرا