تقرير عن مشاكل وعيوب نيسان صني 2009 - 2010

[Dr.Khaled Youssef]

المشاركة الأصلية كتبت بواسطة خالدخليفة اقصد بموضوع الكيلو متر ان ميكانيزم العربية بيتظبط غالبا بعد 6000 كيلو تقريبا وبعد ال10000 كيلو ميكانيزم العربية بيكون اتظبط تمااااااااااااما الغلطة اللى بيعملها المصريين او غالبيتهم انه بيحسب الحكاية بالمدة مش بالكيلو متر مثلا واحد يقول انا بقى لى 10 سنين بسوق واانا معايا رخصة من 10 سنين كلام جميل لكن السواقة نفسها كام كيلو متر وعندنا واحد جارنا راكن عربيته ليل نهار تحت البيت وبيروح الشغل بالمترو وعربيته موديل 2005 ومعملتش 5000 كيلو على بعض فأنت ممكن تكون عملت ال 400 كيلو فى كام شهر ومتخيل ان العربية فى كام شهرم اتظبطتش مع انها كل اللى مشيتهم 400 كيلو فقط مالهاش علاقة بالمدة وانما بحركة التروس ودورة العربية نفسها من ميكانيكا الى كهربا وخلافه طبيعى ان اى حاجة جديد ة ليها شىء اسمه الميكانيزم او بتتطبع بلغة اهل الصنعة او الفنيين والميكانيزم ده بياخد وقت طبعا حسب الحاجة زى م انت مثلا بتكون صاحى من النوم جسمك كله فى حالة ارتخاء مش ممكن هتعمل نشاطك المعتاد اللا بعد تهيئة الجسم نفسه حتى لو حبيت تعمل تمارين رياضية لازم تعمل شوية سويدى الاول وتمارين خفيفة لتهيئة العضلات والا يحصل لها تمزق عند بذل اى مجهود مفاجىء وكذلك العربية واى شىء ليه حركة ميكانيكية او كهربية له فترة تشغيل تحتسب بالكيلو متر مش بالمدة بعدها جميع العيوب بتختفى ولذلك اول 1000 كيلو متر مفروض سرعاتك لاتزيد عن 80 او 90 كيلو بالكتير فى الساعة ثم حتى صيانة ال5000 سرعتك لاتزيد عن 120 بعدها تقدر ترفع السرعات زى م انت عايز ولذلك دايما اول صيانة لاى عربية بعد 1000 كيلو للاطمئنان على الميكانيزم والتانية بعد 5000 يعنى بعد 4000 كيلو من اول صيانة وبعد كده كل 5000 كيلو لان الميكانيزم بيبتدى يتظبط مش مسألة انهم بيغيرو زيت وخلاص زى م معظم الناس فاهمة

كلام حضرتك على عينى و راسى بالنسبة للتليين والموتور
اما بالنسبة للكهرباء
هتطبع ازاى بالضبط؟
على فكرة انا مش اول مرة اركب زيرو
ومش اول مرة ابص على موتور عربية زيرو
عمرى ما لاحظت ان فيه موتور زيرو بيهز العربية ابدا
افهم ان صوته عالى و بيهدا مع الوقت
افهم ان الاجزاء الميكانيكية تطبع زى الصبابات و البساتم
العفشة ناشفة
اما كهربا و حساسات و ار بى ام يطبع؟؟؟؟؟؟؟؟؟؟؟؟

[خالدخليفة]

هيا الكهربا دى مش اول مرة تشتغل فى العربية والا انت جايب العربية شغالة بكهربتها ثم الكهربا دى مش بتدور باقى حركة العربية
هو الموتور بيشتغل من غير كهربا
ماهى فكرة الموتور عبارة عن كهربا بتدى حركة فاذا اختلفت حركة الموتور هيختلف التيارالكهربى اللى داخل
ثم انت قلت بالحرف كده
صوت ترتيلة فى الموتور ده ميكانيزم واللا كهربا ؟؟؟؟؟؟؟ ورعشه فى الدركسيون ودى غالبا محتاجة ترصيص ليس الا
عموما براحتك
وطالما انت مش اول مرة تركب زيرو يبقى اكيد انت فاهم احسن منى
ودى وجهة نظرى وتجربتى الشخصية
وربما يكون انت حظك كده مع العربية
عموما استشير من هم احسن منى فى هذا المجال

[bassol200]

ممكن اضيف حاجه بسيطه صغيره رفيعه .. انا معايا صني 2010 .. مشيت بيها زياده عن 30 كيلو متواصل فوق ال 180 و كنت ماشي فى حدود من 180 الي 200 .. و مافكرتش ابص على عداد الحراره .. نسيت اقولك . اصل الصني يابانى و اليابانى معروف بتبريده لو حد فكر يغلط و يبص على رادياتور الصني عامل ازاى .. و ماتتكسفش انك تقارنه بالبنز القديم .. البنز 3 مراوح النيسان 2 و شوف حجم الرادياتور صلو على النبي و بلاش افترا .. العربيه احسن من غيرها و بالنسبه لسعرها .. صفقه حلوه بافاريا و بنز بيقفلوا فى مصر على فكرة فى 6 اكتوبر اعلي فئتين عندهم ال S-Class و ال 7-series يعنى انا معاك ان المصنع ده غير ده .. بس دى شركه و دى شركه و الاثنين بيحافظو على سمعتهم .. كلامي منطقي ولا !!!

[Dr.Khaled Youssef]

المشاركة الأصلية كتبت بواسطة خالدخليفة هيا الكهربا دى مش اول مرة تشتغل فى العربية والا انت جايب العربية شغالة بكهربتها ثم الكهربا دى مش بتدور باقى حركة العربية هو الموتور بيشتغل من غير كهربا ماهى فكرة الموتور عبارة عن كهربا بتدى حركة فاذا اختلفت حركة الموتور هيختلف التيارالكهربى اللى داخل ثم انت قلت بالحرف كده صوت ترتيلة فى الموتور ده ميكانيزم واللا كهربا ؟؟؟؟؟؟؟ ورعشه فى الدركسيون ودى غالبا محتاجة ترصيص ليس الا عموما براحتك وطالما انت مش اول مرة تركب زيرو يبقى اكيد انت فاهم احسن منى ودى وجهة نظرى وتجربتى الشخصية وربما يكون انت حظك كده مع العربية عموما استشير من هم احسن منى فى هذا المجال

يا باشا انا اتمنى من كل قلبى يكون كلامك صح
دى عربيتى مش عربية واحد صاحبى و يا رب تطلع سليمة
على فكرة الرعشة والعربية واقفة ملهاش علاقة بالترصيص لا من قريب و لا من بعيد
ثانيا الترتيلة طبعا سببها دايما كهرباء!!
جرب شيل بوجيه و سيب العربية شغالة 3 و شوف الترتيلة اللى على حق ربنا
ولو اختلفت حركة الموتور مش هيختلف التيار اللى داخل
العكس هو الصحيح
لو فيه اى خطأ فى التيار اللى بيشغل الموتور هو اللى بيبرجل حركة الموتور

[احمد على 1999]

المشاركة الأصلية كتبت بواسطة Dr.Khaled Youssef طبعا يا باشا انا زيك برضة ما بحسش بالموضوع دة الا و السيارة واقفة او على الd و r بدون الضغط على دواسة البنزين(يعنى و العربية ماشية لوحدها بسرعة بطيئة جدا) انا مش فاهم ايه وجه الخلاف بيننا وماذا تقصد بموضوع ال 400 كيلو و الشهرين و ايه علاقته بالموضوع؟ عموما انا دخلت جوة التوكيل و شفت شاشة السكانر فعلا عدد لفات الموتور بيزيد و يقل اكتر لما المروحة تكتب low و تحش بهزة بسيطة و بعدين لما يكتب high تلاقى العداد الديجيتال بتاع الrpm اللى على السكانر بيتغير بطريقة اسرع و اكتر فوق و تحت و تحس بالهزة اشد و علشان اتاكد خليت المهندس عمل وصلة بحيث السرعة العالية ما تفصلش و فعلا الهزة فضلت مستمرة

ايه كان تعليق المهندس
هل قال ان مدى التغير طبيعى؟
هل حضرتك لحقت تاخد بالك اد ايه قيم التغير صعودا و هبوطا؟
لان احتمال كبير جدا ان ال rpm مش هو السبب و يكون السبب اتزان المروحة نفسها يعنى مركز ثقل المروحة غير منطبق على مركز الدوران و فعلا لو المروحة مش متزنة حتسبب هزة جامدة
اما لو فعلا الهزة بسبب ال rpm يبقى غالبا صمام الايدل وحش او الايدل ليرن او ما يقابله للنيسان محتاج يتعمل تانى