انا مسافر لبنان 4 ايام حد يقدر يساعدني

[shifoo2008]

اه فى حاجة كمان نسيت اقولها لو عايز اروح اى حته جوه بيروت انصحك تركب تاكسى سيرفيس مش تاكسى عادى الفرق ان السيرفيس لما تركب و يبقى فى كرسى مثلا فاضى يبقى حيركب حد معاك على نفس السكه وده طبعا ارخص بكتير من التاكسى العادى يعنى تسأله الاول هو سيرفيس ولا لأ

[myson medo]

المشاركة الأصلية كتبت بواسطة shifoo2008 بص عن واقع خبرتى 4 مرات روحت هناك فى كذا مكان زى مثلا منطقة السوليدير: دى عبارة عن مكان كله مطاعم وكافيهات مشهورة والمبانى فيها راقية جدا كأنك ماشى فى باريس والسهرة هناك ماقولكش تحفة و جنبها فى مسجد الامين وده اللى عمله رفيق الحريرى لو تعرفة عموما المسجد خرافا من جوا. صخرة الروشة: اللى غنت عندها صباح حلوته انك تمشى على الكورنيش الصبح وفى مطاعم بردوا لو عايز تفطر هناك. وطبعا فاريا : ده احلى مكان روحته ^_^ لو انت عايز بقى تركب moto ski على التلج او تعمل ski فوسط جبال التلج يبقى تروح فاريا لو عايز تروح البس تقيل عشان الجو فوق على الجبل قارس لو الشمس طلعة يبقى الحمد لله البس عادى بس هو غالى شوية. جونية: المنطقة دى بعيدة شوية عن بيروت بس مش حتحس بالمسافة المهم المنطقة دى فيها التليفريك وده يبقى الصبح لحد المغرب تقريبا انت تركبه واتفرج على الجمال بقى ^_^ لما توصل فوق بنفس التذكرة اللى حتقطعها حتركب تليفريك تانى يوديك عند تمثال حريصة, بردوا فى المنطقة مغارة جعيتا ياسلام على الجمال هناك وحلوته انه بتنزل كتير على الجبل وتشوف الوادى بقى وانت راجع من نفس الطريق فى متحف المشاهير فيها شخصيات تاريخية انصحك تزورها. وانصحك ان الفندق يأجرلك تاكسى عشان يفضل معاك طول الفسحة اما بقى عن الفلوس واللبس جيب معاك مش اقل من 1500 $ وطبعا شوية فكة من الليرة يعنى 10000 ليرة ^_^ ايوه 10000 (الدولار =1500 ليرة) هى الحاجات غالية الى حد ما فى اللبس اكتر وطبعا محلات اللبس المشهورة فى شارع الحمرا, لو عايز تجيب هدايا زود فى الفلوس شوية وكويس ان الفطار وعشاء فى الفندق بس غصب عنك حتلاقى نفسك بتشرى اكل من برا :D ......................

انت تمام فكرتنى بالاسماء اللى كنت ناسياها
زى السوليدير طبعا هو يروح هناك يتفرج بس على الشوارع والمحلات بس لكن لو فكر يشترى مش هيعرف اساسا
وفاريا برده كنت ناسية الاسم فعلا بس طبعا لازم يطلع
هو حظه حلو انه هياكل فى الفندق وجبتين
شكراليك

[myson medo]

المشاركة الأصلية كتبت بواسطة shifoo2008 اه فى حاجة كمان نسيت اقولها لو عايز اروح اى حته جوه بيروت انصحك تركب تاكسى سيرفيس مش تاكسى عادى الفرق ان السيرفيس لما تركب و يبقى فى كرسى مثلا فاضى يبقى حيركب حد معاك على نفس السكه وده طبعا ارخص بكتير من التاكسى العادى يعنى تسأله الاول هو سيرفيس ولا لأ

برافو عليك نسيت اقولهاله دى
وطبعا هو فى التاكسى السيرفس هيدفع 2 دولار على الفرد يعنى لو ركبت يا محمد مع زميلك كل واحد هيدفع الرقم ده وبرده هيكون ارخصمن انك تركب تاكسى عادى ب15 او 20 دولار وطبعا ده للمشوار العادى

[محمد زكي]

بصراحه انا مش عارف ااقلكم ايه ياجماعه بجد الف شكر علي المعلومات المفيده ده مش عارف ااقلكم ايه مش عارف كنت هعمل ايه من غيركو

[Hisham.Elgazzar]

محمد باشا تروح وتيجى بالسلامة إن شاء الله ، وماتنساش تصورلنا تقرير من هناك

http://www.youtube.com/watch?v=PWcS1UGLvNM