مفاجاه اخري جديده من توكيل هيونداي تحت اشراف / محمود جمال الدين -- خصم 5% علي قطع الغيار لاعضاء مصر موتورز

[MmFFoR]

السيد المحترم زووم مان - يعني ممكن تعترض و تقول كل اللي انت عايزه في صفحة مخصوصة لاعتراضك و ياريت توضح فيها اسباب اعتراضك و على مين بالضبط

أستاذ محمود المحترم - انا باعتذر و بشدة على الكلام الغير المفهوم الذي قيل ردا على العرض المتميز الذي تقدمت به اهداءا لاعضاء المنتدى المحترمين


و ننتظر المزيد

و اعترافا مني لسيادتكم - لقد و عدت و صدقت

و الى الامام

[Mr.Mamo]

شكرا
واعدك بان القافله ستظل تسير ان شاء الله

[silentman84]

المشاركة الأصلية كتبت بواسطة zoom man سيارات معفنة................ صيانة مافيا........... قطع غيار مضروبة....... اسعار سرقة فى سرقة........ ضرائب و جمارك نهب و بلطجة....... أى دولة محترمة ترضى ذلك لابنائها....اى دولة.؟ منظومة السيارات فى مصر محتاجة اصلاح شامل.!

كلام مظبوط وعشره على عشره...مع احترامى للجميع....المفروض نبقى يدا واحده ضد اى فساد......واى واحد راضى بالوضع الحالى من نهب وسرقه يبقى ده مش مصرى من الاخر ....ويبقى ماكنش لها لازمه الثوره ودم الناس الشهداء يروح على الفاضى...ونجيب الاميركان واليهود يعيشوا فى احضانا وخلاص ونكبر دماغنا ....لازم نتعاون ومنبقاش انانيين ونفكر فى نفسنا وبس...واى واحد مستفاد لازم يبص لاخوه اللى مش مستفاد.....وكفايه جهل وتأخير.....اما 5% ايه و10% ايه......مع احترامى....يطلعوا قد ايه ال 5 ولا ال10% ....كام جنيه....يعنى ملاليم....يعنى لو الحاجه ب 500 جنيه خصم عليها 50 جنيه...مش شايف انه خصم كبير....ده المفروض اقل واجب يكون 30%

[Dr KeNaWy]

المشاركة الأصلية كتبت بواسطة zoom man سيارات معفنة................ صيانة مافيا........... قطع غيار مضروبة....... اسعار سرقة فى سرقة........ ضرائب و جمارك نهب و بلطجة....... أى دولة محترمة ترضى ذلك لابنائها....اى دولة.؟ منظومة السيارات فى مصر محتاجة اصلاح شامل.!

هو كلام مظبوط مية فى المية
لكن مكانة لا يصح ان يكون رد على الاستاذ محمود اللى بيحاول يخدم قدر الامكان
يعنى الكلام دة لو كان اتعمل موضوع مستقل انا اعتقد ان الاستاذ محمود كان ممكن يوافق علية وكلنا كنا هنوافق علية
المشكل فقط فى التوقيت والمكان

[Mr.Mamo]

متشكر يا دكتور قناوي
لكن انا فعلا بارحب بكل الردود
ولا يغضبني اطلاقا راي الاعضاء في السياسه التسعيريه أو في الموديلات أو السيارات الهيونداي بصفه عامه
لكن يغضبني كثيرا ما يغضب اي رجل محترم وهو ما يحدث من الاتي :

1- ذكر اشخاص معنيين بسوء لانه يعد غيبه لا يصح ان نواق عليها
2- الاعتراض لمجرد الاعتراض دون وجود وجهه نظر تناقش بموضوعيه
3- استخدام الفاظ لا يصح استخدامها في منتدي محترم يشاهد صفحاته اكثر من الف شخص اسبوعيا طبقا لاخر الاحصائيات

لا يوجد عادات ولا تقاليد ولا ديانات ولا اي قواعد تسمح بمثل ما سبق
ان كنا هنتغير يبقي نتغير بجد
نغير اسلوبنا في النقاش
ونحاول نصلح
مش ايد بتبني و ستميت تيت تيييت بتهد بلدي