اخر مفأجات العم غبور رفع اسعار السيارات من 1000 الى 5000 جم

[andiamo]

الكيا انضف بكتير من هيونداى

[Amir Hassan]

المشاركة الأصلية كتبت بواسطة amrmohamed1975 تخيلوا كمان ان الاسعار دي كلها لموديلات 2010 و مفيش غير الاكسنت فقط المتوفر منها 2011 و كمان زادت يعني بدل ما يعمل تخفيض علي الاسعار القديمة عشان المخزون الي عنده لان احنا فى شهر 8 و كل الشركات المنتجة خلاص نزلت موديل 2011 يرفع السعر و تخيلوا لما 2011 تنزل هيعمل ايه حسبي الله و نعم الوكيل what

المفروض ان سيادتك عضو فعال
وترميش كلام وخلاص
كل العربيات فى غبور 2011
والاسعار اللى فوق كلها 2011
والاسعار دى حصل عليها عروض
غير ان الناس بتتكلم وخلاص عن لاعلم
الجمارك ياجماعه كانت الاول بتاخد الــ 40% من تمن العربية بس
دلوقتى بتاخد الـ40% من تمن الربية +مصاريف الشحن والتفريغ والصيانه البحرية وده اللى زود الاسعار
هو انتو مبتقوش جرايد خالص
مقارتوش بالمانشيت العريض فى الاهرام
سوق السيارات يصاب بحاله من الشلل

[Amir Hassan]

المشاركة الأصلية كتبت بواسطة mahmooud135 يا جماعة مع احترامى الى كل الاعضاء احب اوضح نقطة ان غبولا ملوش دعوةبالزيادة دى علشان هى كمان مفروضة علية زى مهو فرضها علينا واكبر دليل على كده اهو أعلنت مصلحة الجمارك فرض رسوم جمركية بنسبة ‏9%‏ من قيمة السيارات المستوردة عند الإفراج الجمركي عنها‏. وقال أحمد فرج سعودي رئيس مصلحة الجمارك إن هذه الجمارك لم يكن يتم تحصيلها منذ عام ‏2007‏ على أساس تقديم الوكلاء خدمات ما بعد البيع‏ والضمان والصيانة للسيارات‏،‏ إلا أنه تبين أن عدم تحصيل تلك الرسوم يعد مخالفاً لاتفاقية الجات الدولية الخاصة بالجمارك‏، حسب صحيفة "الأهرام" يوم الأربعاء.‏ وأبلغت مصلحة الجمارك وكلاء السيارات بأنه سيتم تحصيل تلك الجمارك عند الإفراج الجمركي عن السيارات التي قاموا باستيرادها. وكانت تقارير صحفية قد توقعت مؤخراً اتجاه وزارة المالية إلى إصدار قرار بفرض جمارك على نسبة الضمان والصيانة من إجمالي قيمة السيارة المستوردة من الخارج وإلغاء الإعفاء المقرر عليها. يشار إلى أن مصلحة الجمارك كانت تجزئ قيمة السيارة إلى جزأين الأول يتعلق بثمن السيارة، والثاني خاص بقيمة الضمان والصيانة، الذي يتراوح بين ٣ و٥ آلاف جنيه في المتوسط، وكانت وزارة المالية تفرض جمارك على ثمن السيارة، بينما تعفي قيمة الضمان من هذه الجمارك، تشجيعا لتقديم خدمات للعميل وزيادة استثمارات ما بعد البيع من قبل الوكلاء والعاملين في السوق. ومن المتوقع أن يتسبب القرار الجديد في رفع أسعار السيارات المستوردة، الأمر الذي يزيد مخاوف عودة التباطؤ مجددا إلى المبيعات بعد تحركها خلال الأشهر القليلة الماضية.

المشاركة الأصلية كتبت بواسطة نبيل عبدالرحمن على فكرة جميع ماركات العربيات فى السوق المصرى هايرتفع سعرها مش بس سيارات الهيونداى إنما كل الماركات ، والأيام الجاية هايبان كل شيئ ، وربنا يستر

المشاركة الأصلية كتبت بواسطة amrmohamed1975 استاذ محمود قرار الجمارك ملوش علاقة بسيارات غبور ليه لانه يستهدف منه السيارات المستوردة عن غير طريق الوكيل و ملهاش ضمان و المقصود بيها العربيات الخليجي عشان الناس الي بتبيع ضمان للخليجي

حتى لما بقى فى ناس مثقفة وبتفهم بتتكلم لازم نهجمهم من باب ان عيب اطلع انا غلط
الخبر اللى اتقال واتكتب كل الناس قرته فى الجرايد
يعنى الزيادة تطبقمن 1-8-2010 وغبور رفع الاسعار فى 3-8-2010
وخلى بالك للباشا اللى بيقول على العربيات الخليجى
خليجى ايه ياباش
هو فى خليجى بضمان ولا بتدخله توكيلات
الخبر بيقولك التوكيلات ومركز خدمة الوكلاء
جبت بقى منين خليجى وتجار دى
الخبر بيقول للمشافش ولا سمع
( على أساس تقديم الوكلاء خدمات ما بعد البيع‏ والضمان والصيانة للسيارات‏،‏ )
يبقى نقول طور تقولوا احلبوا
الرحمة من عندك يارب

[Amir Hassan]

المشاركة الأصلية كتبت بواسطة محمد فيصل غبور اكبر حرامى على مر التاريخ

الحرامى ده هو اللى ركب نص الشعب المصرى عربيات
وعيب على انك مصنف عضو مميز وتهاجم حد بالفاظ لاتليق بمستوى المنتدى
انقد بموضوعية تحترم

[Amir Hassan]

المشاركة الأصلية كتبت بواسطة andiamo الكيا انضف بكتير من هيونداى

الله عليك وانت داخل فى النص كده زى الباشا وترمى كلمتين ملهومش علاقة بالموضوع
ممكن سيادتك تدخل المواضيع اللى فيها المقارنات هتلاقى ناس بتفهم عنى وعنك بتقول كلامك عكس كلامك ده خالص
اه على فكرة
هيونداى هى اللى اشترت كيا
مش العكس
ولو كيا احن مكنتش اتباعت ولا فلست