توكيل مصريه يقاضي شركه ميتسوبيشي اليابانيه

[احمد بدر1978]

لو تلاحظوا، عربية ميتسوبيشي من أكتر العربيات إثارة للجدل في مصر، وفيه منها كذا نسخة لموديل السنة الواحدة .. اللي نيكل واللي بلاستيك اللي بحساسات اللي خلجي واللي واللي .. فهي محتاجة فعلا ضبط للسوق، ناهيك عن إن فيه ناس كتير في مصر معاها ميتسوبيشي والرواس يقوللها لأ ماليش دعوة علشان مش مستوردة عن طريقي، وهو مايحوّل الوكيل لتاجر جملة وقطاعي مش وكيل محترم المفروض إنه مسؤول عن الماركة ككل، وعن أي عربية شايلة علامة ميستوبيشي. طبعا غير إن أسعار قطع الغيار نار بسبب الاحتكار، واسباب أخرى كبعد مراكز الصيانة و.. و.. و..
الحقيقة انا متفق تماما مع قرار ميتسوبيشي الأم، وانا أعتقد بشدة إن القضية المرفوعة دي فرقعة وغل من مصرية مش أكتر، وميتسوبيشي مش ممكن تعمل حاجة توقعها في مشاكل دول يابانيين لا بتوع فهلوة ولا جعجعة... والبركة فينا.

[MEMOO_1ST]

أنا بصراحة شايف ان من حق الشركة اليابانية انها تنهي العقد لأن بصراحة انا روحت المركز بتاع الخدمة بتاعهم الاتنبن المصرية و الرواس الي في قليوب بصراحة الاتنين لا يليقوا تماماً بعربية صيني حتى يعني الرواس بالرغم من كل المكاسب الخرافية الي حققها مستخسر يعمل مركز محترم للعلامة اليابانية انا شايف ان لو أي مندوب من اليابان نزل مصر وشاف منظر المركز وقارنوا بأي علامة يابانية تانية في مصر ( هوندا - تويوتا ) لازم هيكون رأيوا انهم يسحبوا التوكيل منهم طبعاً .
انا بصراحة دا رأيي بناء على تجربة .
انا أقصد في النقض دا المكان فقط وليس الناس الي شغالين فية المهندسين والفنيين وكل الناس بصراحة الي هناك محترمين جدا لكن فعلا المكان وحش جداً.

[أحمد فارما]

والله توكيل ميتسوبيشي ده ..منهم لله
عربية زي الشارك ضاعت وسط الزحمة
وبدون أي مجهود من الوكيل في تسويقها ..دخلت عليها هيونداي ألنترا أكلتها...وبعدين دخل الوحش الكوري سيراتو ..أكل الدنيا كلها
مع إن الشارك ...محترمة جدا جدا



,
خليهم بقا يدوقوا حصاد أيديهم