عندي مشكلة في دواسة البنزين؟

[ramy safwt]

انت عندك lag فى العربية

هشرحلك ببساطة لما بتدوس على دواسة البنزين بيحصل ايه فى VR مقاومة متغيرة بتقراء تغير القيمة بتاعة وضع الدواسة و بعدين بتروح تترجم ده لتغير قيمة بالزيادة او النقصان لدايرة التحكم فى المحرك الاستيبر لما المحرك يقراء الداتا دية يقوم شادد واير البوابات و يحصل عملية حقن البنزين و سحب الهواء و خلطهم و بعد كده مرحلة الرشاشات و بعد كده الميكسشر يدخل على البساتم

ال VR دية بتتأكل الحلقة الداخلية اللى عليها المقاومة نفسها مع الاستخدام مع التأكل ده بيحصل ضعف لوصيلية الدارة كلها فبالتالى الموتور هيفتح البوابه بشكل اضعف من الطبيعى الضعف ده يخلى العربية تاخد هواء اكتر من اللى طلباه و ماتخدش بنزينها بكفاية فيحصل موضوع الاج ده

علاج المشكلة انك تبص على حاجتين فى الاول المقاومة دية تتغير و هتلاقيها برخص التراب و الواير اللى رابط ما بين الاستيبر و البوابة تتأكد انه مشدود لكن مش مشدود اوى و لو كان بدون واير هتروح على الهيد اللى راكبه على الموتور و تنقط ليها زيت عشان تنعمها

فى المستقبل عشان تتخطى المشكلة دية يا اما تركب anti lag system يا اما تسوق بطريقة رياضية

لو بتحط بنزين كويس مفيش داعى تلعب فى الرشاشات

و تفائل خيرا

[cmatcho]

المشاركة الأصلية كتبت بواسطة ramy safwt انت عندك lag فى العربية هشرحلك ببساطة لما بتدوس على دواسة البنزين بيحصل ايه فى VR مقاومة متغيرة بتقراء تغير القيمة بتاعة وضع الدواسة و بعدين بتروح تترجم ده لتغير قيمة بالزيادة او النقصان لدايرة التحكم فى المحرك الاستيبر لما المحرك يقراء الداتا دية يقوم شادد واير البوابات و يحصل عملية حقن البنزين و سحب الهواء و خلطهم و بعد كده مرحلة الرشاشات و بعد كده الميكسشر يدخل على البساتم ال VR دية بتتأكل الحلقة الداخلية اللى عليها المقاومة نفسها مع الاستخدام مع التأكل ده بيحصل ضعف لوصيلية الدارة كلها فبالتالى الموتور هيفتح البوابه بشكل اضعف من الطبيعى الضعف ده يخلى العربية تاخد هواء اكتر من اللى طلباه و ماتخدش بنزينها بكفاية فيحصل موضوع الاج ده علاج المشكلة انك تبص على حاجتين فى الاول المقاومة دية تتغير و هتلاقيها برخص التراب و الواير اللى رابط ما بين الاستيبر و البوابة تتأكد انه مشدود لكن مش مشدود اوى و لو كان بدون واير هتروح على الهيد اللى راكبه على الموتور و تنقط ليها زيت عشان تنعمها فى المستقبل عشان تتخطى المشكلة دية يا اما تركب anti lag system يا اما تسوق بطريقة رياضية لو بتحط بنزين كويس مفيش داعى تلعب فى الرشاشات و تفائل خيرا

اظن والله اعلم ان الكلام ده مش صح
لان بوابه اسبرانزا كهرباء بالكامل
مافيهاش اي وايرات نهائي
البوابه بتفتح وتقفل عن طريق موبينا كهربائيه و2 شربون
ترس الموبينا بيحرك مجموعه اخري من التروس لفتح وغلق البوابه

[waleedaboras]

الحل بسيط جدا غير ماكينة الاستوب للفرامل بحوالي 40 جنية وهي تحت الدريكسون قبل دواسة البنزين

[7mody]

المشاركة الأصلية كتبت بواسطة waleedaboras الحل بسيط جدا غير ماكينة الاستوب للفرامل بحوالي 40 جنية وهي تحت الدريكسون قبل دواسة البنزين

بالله عليك عايز اعرف ايه الى دخل ماكينة الفرامل فى فصل دواسة البنزين اصل انا بعانى من المشكله دى ومش عارف اعمل ايه وبصراحه انا رحت لبتاع 150 صنيعى من كهربائى لميكانيكى ومخلتش وهلخصلك الى اتقالى بالترتيب
المشاكل
1-العربيه ابقى ماشى بيها زى الفل وسحبها 10/10 بس لما اهدى كتير عشان زحمه او مطبات او كده ادوس بنزين ملاقيش استجابه نهائى خالص او بمعنى ادق ال rpm اخره يوصل لحد 2 وميعديش بسنتى حتى لو كسرت دواسة البنزين بس مجرد انى ابطل وادور تانى تشتغل وتبقى زى الفل بس شويه وتفصل تانى وكده يعنى
2-احيانا العربيه بتبطل منى خصوصا على السلانسيه والسرعات الواطيه (والعربيه بارده بس)
-*- الحلول الى انا لقيتها فى معظم المنتديات العربيه و الاجنبيه بس مش عارف ايهم اصح
1-طرمبة البنزين (انا مايال للخيار دا عشان بالفعل انا عندى صوت زنه مستمره بتيجى من نحية الكنبه الى ورا)
2-ماكينة الاستوب (مع انى مش فاهم دى دخلها ايه فى الموضوع بس فى ناس كتير قالو دى مشكله فى الاسبيرنزا عموما واما بتبوظ تدوس بنزين مافيش استجابه ودى مشكلتى)
3-حساس ال TPS
4-البوابه
5-الاكسليتير (مش الدواسه)
كده انا قلت العيوب والحلول المقترحه والاعضاء الكرام فقط عليهم الاختيار مع ذكر السبب
ملحوظه:-العربيه اتوماتيك