رحلة الى اعماق الكون : 1- احنا فين

[احمد على 1999]

المشاركة الأصلية كتبت بواسطة نبيل عبدالرحمن يلا كمل يابشمهندس أحمد هذه الموسوعة الرائعة

الله يباركلك يا استاذ نبيل بعون الله حكمل دا الموضوع يهبل سبحان الله
و زى ما وعدت حضرتك ابتديت برضه اكتب واحدة واحدة عن الامان و السلامة

المشاركة الأصلية كتبت بواسطة ابوشروق معلومات جميله متابع بشدة

حبيبى يا ابو شروق

المشاركة الأصلية كتبت بواسطة Hazemomar موضوع شيق و عرض مفصل و جذاب .... مستمر

شكرا يا استاذ حازم على هذا التشجيع

المشاركة الأصلية كتبت بواسطة dieseltrucker موضوع جميل وفي انتظار المزيد وياسلام لو كل موضوع معه صورة او اتنين يبقى عملت موسوعة مصورة هايله

تصدق يا ديزل باشا بعد ما عملت الموضوع قولت لنفسى هو انا محطتش صورة و لا اتنين ليه ؟ ! يمكن علشان كلنا عارفينه هههههههههههه

[MANDO09]

المشاركة الأصلية كتبت بواسطة احمد على 1999 ان شاء الله حبتدى من بيتنا كوكب الارض هذا الكوكب الازرق الجميل عنوانه : مجرة درب التبانة ( الطريق اللبنى ) - المجموعة الشمسية - تالت كوكب من النجم الشمس ( اقرب نجم لينا ) عمره : تقريبا 4 و نص بليون ( مليار ) سنة و طبعا لو قارنا عمر الجنس البشرى الذى على اكثر تقدير قريته 100 الف سنة حتى كان فى تعليق عجبنى ان لو شبهنا عمر كوكبنا بسنة كاملة فالجنس البشرى ظهر الساعة 11 و 45 دقيقة مسائا يوم 31 ديسمبر ( يعنى قبل ما السنة تخلص بربع ساعة ) يعنى هذا الانسان المغرور ظهر فى هذا الوقت القصير ليتطور و يلتهم موارد الكوكب بمعدل يفوق بمراحل عصور اصلاح الكوكب و تهيئته للحياة قال الله جل وعلا : وَلَا تُفْسِدُوا فِي الْأَرْضِ بَعْدَ إِصْلَاحِهَا وَادْعُوهُ خَوْفًا وَطَمَعًا إِنَّ رَحْمَةَ اللَّهِ قَرِيبٌ مِنَ الْمُحْسِنِينَ . لان العصور الجيلوجية التى تقدر بمئات الملايين من السنين كانت غير مناسبة لحياة البشر و على مداها تم اصلاح الارض و تهيئتها بمواردها لاستقبال الانسان كوكبنا اد ايه ؟ قطر كوكبنا تقريبا 12700 كم عند خط الاستواء يعنى محيطه = 40 الف كم تقريبا يعنى انا عامل بعربيتى 220 الف كم كأنى لفيت بيها حوالين الكرة الارضية 5 مرات و نص ههههههههه

انا آسف على المداخلة بس للتصحيح فقط هو الموضوع لو مثلنا عمر الجموعة الشمسيية بسنة ميلادية كاملة فنجد ان سيدنا آدم خلقه الله عند الساعة الثالثة بعد ظهر يوم 31 ديسمبر أى انه اذا كان عمر المجموعة الشمسية 8760 ساعة فنحن ومنذ سيدنا آدم نعيش فى آخر 8 ساعات من هذا الوقت

[حسام البورسعيدى]

موضوع موسوعى اشيق واكثر من رائع يا باشمهندس احمد ..

وفى انتظار البقية ..

المشاركة الأصلية كتبت بواسطة احمد على 1999 كوكبنا اد ايه ؟ قطر كوكبنا تقريبا 12700 كم عند خط الاستواء يعنى محيطه = 40 الف كم تقريبا يعنى انا عامل بعربيتى 220 الف كم كأنى لفيت بيها حوالين الكرة الارضية 5 مرات و نص ههههههههه

عندى تصحيح صغير كده بعد اذنك طبعا ..

قطر الكره الارضية اللى بيتقاس من قلب الارض .. اما لو لفيت حولين الكره الارضية فالمسافة هتكون اكبر بكتيير

[young..pharaoh]

تسلم أ/ أحمد ع التوبيكـ الجميل المبسط لكل الناس

دمت بود

[د.هبه77]

موضوع رائع وفي انتظار باقي الحلقات

المشاركة الأصلية كتبت بواسطة حسام البورسعيدى عندى تصحيح صغير كده بعد اذنك طبعا .. قطر الكره الارضية اللى بيتقاس من قلب الارض .. اما لو لفيت حولين الكره الارضية فالمسافة هتكون اكبر بكتيير

معلش يا استاذ حسام هو تقريبا قطر الارض فعلا بيتقاس من قلب الارض ولكن علي اعتبار ان محيط الارض هو محيط دائرة يبقي فعلا 40 الف كيلو
2 ط نق ؟
واللي اعرفة كمان ان الكرة الارضية قطرها عند خط الاستواء اكبر من قطرها بين القطبين
مما يعطيها شكل شبية بالشمامة افقيا يعني ليست مستديرة تماما كالكرة ولكن تستطيل من المنتصف