اسئله المبتدئين ..عفوا ممنوع الفتى :)))

[Mohamed Elhasafy]

أما التربو فهو يتطلب أساساً أن تكون العربية مجهزة بوحدة تربو ملحقة بالموتور و ده بيزود تمن العربية كتير مقابل إنه بيرفع أداء نفس الموتور حوالى 30% أكتر
و مثل ما تفضل العضو الكريم ووضح لك إن التربو بيدخل هوا أكتر للموتور مما يزيد من إحتراق نفس كمية الوقود مما يعطى فى النهاية هورس باور أعلى
و التربو بيكون عبارة عن توربينه هواء مضافة على نظام دخول الهواء للموتور و تعمل إما بطاقة الموتور ذاته أول ببطارية السيارة
و من الجدير بالذكر أن المواتير التربو أقصر عمراً من نفس المواتير بدون تربو و ده شئ منطقى لإن نفس الموتور بتبقى ضاغط عليه أكثر و بتاخد منه أداء أعلى فطبيعى إنه يستهلك قبل العادى

[3bd0]

المشاركة الأصلية كتبت بواسطة m.elhasafy أما التربو فهو يتطلب أساساً أن تكون العربية مجهزة بوحدة تربو ملحقة بالموتور و ده بيزود تمن العربية كتير مقابل إنه بيرفع أداء نفس الموتور حوالى 30% أكتر و مثل ما تفضل العضو الكريم ووضح لك إن التربو بيدخل هوا أكتر للموتور مما يزيد من إحتراق نفس كمية الوقود مما يعطى فى النهاية هورس باور أعلى و التربو بيكون عبارة عن توربينه هواء مضافة على نظام دخول الهواء للموتور و تعمل إما بطاقة الموتور ذاته أول ببطارية السيارة و من الجدير بالذكر أن المواتير التربو أقصر عمراً من نفس المواتير بدون تربو و ده شئ منطقى لإن نفس الموتور بتبقى ضاغط عليه أكثر و بتاخد منه أداء أعلى فطبيعى إنه يستهلك قبل العادى

اهو لولا نقطة العمر دي، كان زماني مركبو من زمان، لأنو بصراحة بيديك اداء خرافي
بس في عربيات بتيجي من مصنعها عليها تيربو و دبل تيربو كمان، أعتقد دول بيبقو حسبينها صح ومبتقصرش عمر الماتور، ولا ايه رأيك ؟

[مهند النجار]

شوية فتي
.................
-لكي تتحرك بالسيارة يفضل ضغط البنزين للاخر ثم الدبرياش ثم الغيار السابع
-لوعايز تهدي ادي العربية المرشدير من غير دبرياش
-كلما زادت السرعة قل استهلاك البنزين
-احسنلك تسوق من كرسي الراكب عشان لو حصلت حادثة ما تروحش انت فيها
-حزام الامان دليل علي ضعف المهارة في القيادة كما انها يقيد الحركة
و كفاية كدة . ما حدش يعمل الكلام دة !!!!!!!!!

[CARDIO]

????????
هل فرامل اليد تغنى عن فرامل القدم لو باظت و اللا الاثنين بيبوظوا مع بغض ؟

[3bd0]

صعب جدا يبوظو مع بعض، احتمالية ضعيفة يعني بس مفيش حاجة مستحيلة
نصيحة ، ماتمشيش ابدا وانتي عندك فرامل رجل بايظة، ولا حتى عشان توديها لميكانيكي
خليه هوا يجي لحد مكان العربية
فرامل اليد لو استخدمت غلط بتعمل مصايب مالهاش أول من اخر