نصائح لنوبيرا 2 بريميوم موديل 2000 كوري

[aymanhelmy]

السلام عليكم انا لسة جايب عربية دايو نوبيرا 2 بريميوم موديل 2000 مانيوال كوري( موتور 1500) مجهزة من بورسعيد عندي شوية استفسارات علشان انا كان عندي عربية تمبرا قبل كدة و نوبيرا مختلفة تماما
1- المفتاح فيه زرارين لغلق الابواب و فتحها فهل فيها انذار و لا اركب واحد و هيكون معايا مفتاحين و لا الغي الاصلى الموجود و لو فيها انذار كيف اشغله
2- العربية فيها صوت في العفشة فعايز عفشجي كويس في شبرا
3- في صوت تصفيق خفيف في موتور العربية ( زي لما تكون عايز تظبط تكيهات في العربيات القديمة ) فهل هذا طبيعى و لا
4- عايز اوديها لمركز صيانة في شبرا علشان يحطها على الاسكانر فلو حد يعرف مكان كويس في شبرا عنده الجهاز ويكون امين لان معظم الناس اللي عندها الجهاز نصابة
5- العربية ماشية كويس معايا و الحمد لله بس انا عايز افحصها كويس لانها بتكون مركونة في الميناء و بتتشحن مسافات طويلة فأكيد في حاجات باظت من الشحن والرطوبة والبحر فعايز افحصها عند حد كويس
6- انا غيرت كل الزيوت وكمان سير الكاتينة ايه تاني ممكن اغيره

عايز نصائحكم في الصيانات الدورية كيف تتم

و اسف للاطالة

[moko_2004]

1- النوبيرا مش بتنزل بأنذار هي بتنزل بريموت سنترلوك و بيني وبينك الانذار غير مهم انا ركبتة وشلتة
2- الصوت في كل النوبيرا اكشف علي العفشة وغالبا ما هتكون جلب مقات هتغير المقصات بأسباني عشان بتعير غير كدة هتدخل في دوامة تغير جلب شهريا
3- التسقيفة اللي بتسمعها هل بتسبب برجلة في العربية ولا لأه اكشف علي سير الكاتينة لأنة ممكن يكون فارق سنة و هذا للأطمئنان اما كدة ولا كدة فية صوت تكتكتة بيجي من مسطرة الرشاشات ودة طبيعي
4- معرفش حد في شبرا استني الزملاء يفيدوك
5- اللي ناقصك حاليا هو تغيير الفلاتر و البوجيهات و اشحن فريون التكييف و دورة المياة و البطارية و سير الدينامو

[semmsem]

عربية حضرتك فيها انذار بس مش باللمس (يعني مش لما تلمس العربيه من الخارج )
ده بيكون مع فتح الباب
تقدر تجربه :
ادخل العربيه واقفل بالريموت وبعدين افتح الباب من جوه هتلاقي الانذار اشتغل

[m.dardir]

سمسم باشا كلامه صحيح 100% وبالنسبة للعفشة أنا ركبت طقم مساعدين كامل يابانى ثمن الجوز حوالى 650جنيه وزودت جلب كاوتش حوالى 6سم والحمدلله العربية عالية وزى الفل