|
#6
16-10-2012, 03:29 PM
|
||||
|
||||
رد: تغيير الكاتينة باكثر من 3000 جنيه
من الأخر لو دورت علي نفس قطع الغيار و نفس الماركة و بلد المنشا برا التوكيل هتلاقيها مش أقل بكتير من التوكيل.
|
|
#7
16-10-2012, 03:32 PM
|
||||
|
||||
|
رد: تغيير الكاتينة باكثر من 3000 جنيه
باشمهندس على حد علمى ان معظم العربيات بتغير السير والتروس بتاعت الكامة لو فبر وبلية الشداد، وحسب الكاتالوج تتغير على 100 الف او اكتر او اقل
وفعلا يمكن يكون التوكيل بيستغل لكن أضمن من اى مكان تانى
|
|
#8
16-10-2012, 03:50 PM
|
||||
|
||||
|
رد: تغيير الكاتينة باكثر من 3000 جنيه
التوكيل بيحب يشتغل على نضيف حتى لو قطع الغيار الى شالها شغالة ومفيهاش عطل بس
هما بيحسبوها بفترة منتصف العمر لقطع الغيار يعنى قطعة الغيار وصلت مثلا لحد 60 الف كيلو يغيرها رغم انها تقدر تكمل لحد 80 بس زيادة امان هههههههه احنا بقى كمصريين بنسيبها لحد ما تجيب اخرها بعد ال 150 وبنغير قطع الغيار الى اتدمرت وبس
__________________
|
|
#9
16-10-2012, 04:17 PM
|
|||
|
|||
|
رد: تغيير الكاتينة باكثر من 3000 جنيه
تغير سير كاتينة ب 3000 جنيه بتمن موتوسيكل جديد بصراحة الاختراع اللى اسمه توكيلات عامل اخلى شغل خبيبى ( بطريقة الخواجة ) لو ركبها جناحين وخلالها طيارة ما كنتش هتدفع ال 3000 هتقولى قطع الغيار غالية هقولك رخيصة جدا بس اول ما بتلمس تراب بلدنا سعرها بينط 700 فى الميه ايه اللى عملوا التوكيل ده سير وبليه وحوار بسيط ولا هى الناس اللى بتشترى عربيات دى بتلاقى الفلوس فى الارض التوكيل من وجهة نظرى عصابة منظمة شغالة لحساب مصنع رخيص جدا طبعا الا من رحم ربك - ودى قلة قليله فى الزمن ده أخينا راح التوكيل قالوله القطعة دى مش موجودة هنستوردها من ايطاليا مخصوص طلباتكم قالوا 5000 جنيه او تقريبا 4000 الراجل بالصدفة نزل يسال فى الحرفيين لقى التاجر بيقوله دى اخر حته ولسه التوكيل مكلمنى عليها شوف الاشتغالة والكدب توكيل من اياهم التوكيل بيجيب قطع الغيار من الحرفيين ويركبها على انها من ايطاليا والحدوته التانية الراجل جايب شيفروليه وقالوله لازم تغير القطعة كذا موافق غيروها ركبولوا قطعة اخدوها من عربية غيره على انها جديدة هو التوكيل بيخترع عربية فى العربية هو هيعملى فيها مختبر او مركز ابحاث ثلاث اربع الى شغالين فيها بيقلبوا عيشهم من ورا الزباين المغلوبين على امرهم وفى النهاية ازمة ضمير وكمان احنا بنسكت على الغلط
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم  التعديل الأخير تم بواسطة الهولندى الطائر ; 16-10-2012 الساعة 04:24 PM
|
|
#10
16-10-2012, 04:23 PM
|
|||
|
|||
|
رد: تغيير الكاتينة باكثر من 3000 جنيه
كلامك صح، هندسيا الحكاية مش محتاجة المبالغ الوهمية دي، مش منطقي اني اصرف بنزين سنة او اكتر على كم ترس و كم بكرة و سير! على فكرة الحل لجشع التوكيلات في مصر ان الناس في مصر تتفق انها تشتري من التوكيل اللي بيعلن بوضوح عن اسعاره اول ما تشتري العربية، مش نظام عندنا الفانوس ب 300 جنيه و الاكصدام ب بمش عارف كم، لا ده انت تقول للمشتري بعد 60 الف حتغير الكاتينة بكم و بعد 200 الف حتعمل نصف عمرة بكم و هلم جرا.
دي حاجة، الحاجة التانية انا عايز اعرف مين بيستورد كاتينة للماهيندرا خارج التوكيل، الموتور بتاعها موتور الرينو لاجونا فاكيد الموتور ده و الكاتينة بتاعته يمكن استيرادهم مش قصة. و على فكرة هو ده سر امتناع توكيل ماهيندرا عن طلب عربيات بنزين موديلات جديدة و بقى كله ديزل على طريقة lose lose المصرية الاصيلة لان طبعا زبون الماهيندرا معندوش وقت يقضيه سهران نصف الليل قدام محطات الديزل مع عربيات النقل فكدة الماركة خسرت و الزبون خسر و التوكيل خسر. الحاجة الثالثة و دي على مستوى دولي و حتخلي اي عربية جديدة تتباع بشلن زي ما حصل في الكمبيوتر الشخصي انه تتباع ماركة عربية يكون تصميمها مفتوح و مجاني، يعني ممكن يتعمل قطع غيار متوافقة من اي مصنع تاني زي ما شركة اي بي ام علمت كدة في الكمبيوتر و جابت سعره الأرض. التعديل الأخير تم بواسطة نسر عربي ; 16-10-2012 الساعة 04:29 PM
|
 |
|
|
