بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي

[ahmed1981]

أتمنى تكون الناس شافت اللقاء مع شفيق على أون تي في يوم الأربعاء 2 مارس مساءاً
والذي إستمر حتى الساعة الثانية والنصف فجراً

وبعده خلصت بما يلي من وجهة نظري

إعترف شفيق أنه ليس في يده أي شيء وأن من يحكم هو مبارك الثاني أو بمعنى أصح هو طنطاوي رئيس المجلس الأعلى للقوات المسلحة

فلابد من رحيل شفيق
وبإذن الله مش هيكون في الوزارة يوم السبت

ثانياً:
علاء الأسواني رغم اني إرتحت انه ذكر مطالب الثورة على الهواء وفي وجه رئيس الوزراء

لكنه لا يملك أي لياقة في الحديث
ولا يستطيع أن يستخرج الكلام ممن أمامه
بل على العكس هو يدفع من أمامه لعدم إحترامه حتى لو كان هو محترم
ويستفز من أمامه بشدة لدرجة أنه يشوش فكره فلا يكمل الرد على سؤاله
وعموماً أشكره على عرض طلبات الثورة
لكني آخذ عليه عدم إحترام الطرف الآخر في الحوار
الجهل في أسلوب إستخراج الأجوبة من الغير
قمة الهمجية في التعامل مع أي مسئول المفروض أن يعطى كامل إحترامه حتى لو أنا مختلف معه تماماً

خلصت من هذه الحلقة أن رئيس المجلس الأعلى هو فرعون جديد يتعامل بنفس طريقة العناد للرئيس المطرود مبارك

وشكوكي التي وضحتها في هذا الموضوع تأكدت منها تماماً

والضغوط في ميدان التحرير لو توقفت فنحن امام مصادرة كاملة للثورة
بل أمام أكبر عملية قرطسة في تاريخ ثورات العالم

ويا نطلع قراطيس زي زمان
يا نطلع رجالة زي رجالة تونس

لذلك النزول يوم الجمعة القادم مهم حتى يستجيب طنطاوي للمطالب

[Ahmed Anwer]

متفق معك يا م / احمد ،، بخصوص رأيك في شفيق و الحلقة و ضرورة النزول يوم الجمعة القادم

و مختلف معاك في رأيك في المجلس العسكري

لو تابعت التعديلات الدستورية ،، هتعرف إن فيه أمل كبير

بس مبدئيا ،،، شفيق فاشل تماما ،،، مش حكاية ظهور إعلامي

فاشل في إعادة الأمن اللي قال أول أولوياتي

فاشل في اختيار وزير الداخلية الفاشل

أن بكلم هنا علي مستوي الأداء مش علي مستوي الشكوك

[ayman goda]

ياجماعه الضغط على الجيش بقى مش طبيعى
والان فى مشكله جديده وهى حصه مصر
فى نهر النيل فى كلام ان اثيوبيا هتبني سد
يقلل من حصتنا وعشان كده فى اولويات لازم
نتبعها اولها الامن والامان وبعدين الاستقرار
وانا اتمنى ان تتحقق جميع مطالبنا الى اندفع ليها
اغلى ثمن وهو الورد اللى فتح فى جناين مصر
ادعوا لهم جميعا بالرحمه والمغفره

[mf]

هو حضراتكم خلصتوا علي الشرطه وداخلين علي الجيش

بدأنا نسمع "فرعون جديد " وقرطسه وسطو ونقص ....

وياتري بعد كده هتقولوا علي الجيش كمان ...

بقي احنا واقفين في الشارع ليل ونهار ومفيش نوم الا 4 ساعات وجوه الدبابه

وكمان لما انزل اجازه 3 ايام وادخل علي النت واشوف كلامكم علينا يجيلي احباط اكتر

دا ايه المنحني الخطير اللي احنا نازلين فيه ده

يسقط النظام وكلنا كنا مؤيدين ده

تعديل الدستور وانتخابات حره ومين مش عايز كده

تسقط حكومة الفريق احمد شفيق وليس " شفيق ياراجل " زي الاستاذ اللي بيتريق ..وفيه ناس متفقين وناس مختلفين علي المطلب ده


انما توصل للمجلس العسكري وسياده المشير .. يانهار اسود بقي بعد ده كله نوصل للدرجادي

انا شايف ان الشعار القادم " الشعـــــــــــــــــــــ ــــــب يريد اسقاط الشعـــــــــــــــــــــ ـــب"

[ahmed1981]

المشاركة الأصلية كتبت بواسطة Ahmed Anwer لو تابعت التعديلات الدستورية ،، هتعرف إن فيه أمل كبير

يا باشا هناك تعديلات جيدة بالفعل
لكن المطلوب الواضح والحقيقي من مطالب الثورة هو إسقاط الدستور القديم بالكامل ليتم البناء على أساس دستور جديد بالكامل سليم وليس مرقع

المشاركة الأصلية كتبت بواسطة Ahmed Anwer بس مبدئيا ،،، شفيق فاشل تماما ،،، مش حكاية ظهور إعلامي فاشل في إعادة الأمن اللي قال أول أولوياتي فاشل في اختيار وزير الداخلية الفاشل أن بكلم هنا علي مستوي الأداء مش علي مستوي الشكوك

بعد إعترافه بالأمس أنه فرض عليه وزراء معينين بأسماء معينة في وزارته لم يعد هناك شكوك
الراجل صريح وأحييه على صراحته

انا مش عايز رئيس وزراء ثورة يقبل بضغوط مضادة للثورة ويقبل بها

وزارات مفروضة عليه أدت في النهاية إلى إستقالته لأن النقد توجه له بصفه من شكل الحكومة
لكنه قبل أن يرحل ويستقيل أو يقال أكد أنه فرض عليه وزراء ليضعنا في الصورة
جزاه الله خيراً