عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى

[jojo0a]

السلام عليكم ورحمه الله وبركاته

زى العنوان بالظبط بقالى شهرين عاوزه اشترى عربيه ودوخت ومش فاهمه اى حاجه
اولا انا سله متعلمه سواقه جديد
معايا 140000 وعاوزه عربيه كويسه مش كل شويه تعطل منى وادوخ بولادى الصغيرين
الاول ناس نصحونى باللانوس وبعدين قالوا لا مش حتناسب مركزى وضعى فى شغلى هاتى used البيجو 308 البانوراما وبعدين الجيتا ودلوقتى قالولى المرسيدس b150 وفى حد نصحنى ب bmw 316i وحد تانى قالى جيب ليبرتى والى قالى سكودا اوكتافيا
والى يقولى جديد احسن انا بجد تعبت ومش عارفه ارسى خالص
ياريت تدولنى يا شباب انتم بتفهموا فى العربيات اكتر مننا انه الاحسن
او ممكن اجيب ايه بالحدود ده بس اهم حاله اخر حاجه 2007 علشان انا مش حاقدر حاجه تعطل منى فى الشارع ومعايا ولادى وكمان عاوزه حاجه تستحمل القاهره والى بيحصل فى الشوارع من خبط وكسر وخربشه
وشكرا

[monami101]

خليك فى الأمان وهات يابانى .. عندك التويوتا ياريس وعندك اللانسر 1300 و 1600 عربيات ممتازه جداً

[AMMI]

انا ارشح ليكى اى سياؤة زيرو علشان زى ما بتقولى متعطلش منك وانت معاكى الولاد او وانتى لوحدك حتى
السعر اللى معاكى ممكن تدفعى مقدمه وتقطسى الباقى لو انتى عاوزه عربيه بريستيج وممكن تجيبى رينو فلوينس او بيجو 508
لو عاوزه عربيه فى حدود السعر اللى معاكى يبقى هاتى بيجو 301 فيها اتنين ايرباج وفرامل abs
وشكلها شيك
ممكن تروحى معرض اوتو سمير ريان فى مدينه نصر هتلاقى هناك جميع العربيات معروضه واركبى واتفرجى وشوفى العربيه اللى هتستريحى فيها

[jojo0a]

المشاركة الأصلية كتبت بواسطة monami101 خليك فى الأمان وهات يابانى .. عندك التويوتا ياريس وعندك اللانسر 1300 و 1600 عربيات ممتازه جداً

التويوتا شوفتها الصاج بتاعها خفيف جدا وحاسه انها غاليه على الفاضى اصلا مش عارفه انا صح ولا لانى مش بفهم فى العربيات حشوف الانسر والف شكر على اهتمامك

المشاركة الأصلية كتبت بواسطة AMMI انا ارشح ليكى اى سياؤة زيرو علشان زى ما بتقولى متعطلش منك وانت معاكى الولاد او وانتى لوحدك حتى السعر اللى معاكى ممكن تدفعى مقدمه وتقطسى الباقى لو انتى عاوزه عربيه بريستيج وممكن تجيبى رينو فلوينس او بيجو 508 لو عاوزه عربيه فى حدود السعر اللى معاكى يبقى هاتى بيجو 301 فيها اتنين ايرباج وفرامل abs وشكلها شيك ممكن تروحى معرض اوتو سمير ريان فى مدينه نصر هتلاقى هناك جميع العربيات معروضه واركبى واتفرجى وشوفى العربيه اللى هتستريحى فيها

اولا الف شكر لمرورك واهتمامك انا عاوزه كاش مش قسط و البيجو كتير قالى انه قطع غياره غالى جدا ومش متوفر فى مصر كتير هو والرينو طيب يعنى الكلام ده صح ولا

[محمد فيصل]

لانسر 2014 بومه كلاسيك انسب شىء فى حدود المبلغ المذكور
إعتمادية /قطع غيار معقولة /زيرو /اداء ممتاز
موجودة عند كثير من معارض السيارات