الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

[sam ram]

المشاركة الأصلية كتبت بواسطة corsair وبعدين انتا محاسسني اني انا راكب عربية هاتش باك وانتا بتقولي ديه عربية صغيره

نظريا الهاتش باك ثباته احسن من السيدان
يعني الجولف ثباتها افضل من الجيتا
والاي 30 للالنترا و البونتو للينيا
لأن حدود العربيه الكليه قريبه جدا من ابعاد قاعده العجلات ( البروز قليل عن السيدان)
شنطه السيدان في الملفات و الغرز تضعف الثبات عن الهاتشباك
لكن السيدان انسيابيتها مع الهوا احسن

[mohamed ibiza]

المشاركة الأصلية كتبت بواسطة sam ram 100 100 يا ابيزا بس الفيرنا وزنها اقل من 1000 كجم تقريبا 960 كجم والاوفر من ده كله تجيب عشر شكاير رمل وتوزعهم في العربيه 2 على الكبوت - 4 في الشنطه و 4 على الكراسي و الكنبه وتستمتع بثبات البطه ... بس اوعى الرمل يندلق منك ... التوازن يبوظ على طوول أو هات سبويلر من عربيه فورميلا وان .. حيزود الداون فورس و يكلبشها في الارض بس المهم المساعدين والعفشه و الكاوتش يستحملوه ... ومتلاقيش العربيه بقت شبه زلاجه الثلوج لا بجد العربيه خفيفه جدا على قوه الموتور ... و السرعه مع الوزن بيبقى وزنها النسبي هوا .... انا بهذر مش بتريق ... وعموما معايا ماتريكس ... يعني نفس المكنه ..بس على وزن طن وربع ومقدرش اقولك على ثباتها على 190 لأن اخرها 170 طوالي بس

اقل من 1000 كجم كمان يعني انا كنت ناصفها شوية:D:D

بس حلو موضوع ال10 شكاير ده هههههههههه ptmnlo123per122

و الاحلي من سبويلر الفورميلا وان سبويلر الفيرنا ستار lol

و بالنسبة للماتركس فا الفئة اللي هي بتنتمي لها تمنعنها من الكلام عن ثباتها بس مع ذلك هي اثبت من الفيرنا برضهptmnlo123per122

[خالدخليفة]

المشاركة الأصلية كتبت بواسطة corsair والله يا استاذ خالد ولا حتي النسيان صني ليها نسبة الثبات وخصوصا في المنحنيات الجامدة شوية انا جاري معاه نيسان صني م 2008 وكان رايح بيها الهايكستب وهوه ماشي علي الطريق فوجاء بعربية نقل ماشية عاكس اتجاه وهوه بيتفادها وبياخد غرزه في التانيه العربية اتقلبت بيها كذا مره ومكنش ماشي بسرعة علشان تنقلب بالمنظر اللي انا شوفته ده وبعدين انتا محاسسني اني انا راكب عربية هاتش باك وانتا بتقولي ديه عربية صغيره وبعدين انتا بتتكلم علي عربية بتتصنع من 1992 طيب نسبة مبيعاتها بالنسبة للفيرنا كام ياريت تقولي وبعدين انا مش من هواة الجري والكلام الفاضي ده انا كنت بختبر ظبط الزوايا والترصيص والنتروجين في الكاوتش عامل ازاي بس لا اكثر ولا اقل يعني انا الطبيعي بتاعي مبعديش ال 100

ههههههههههههههه ياباشا متزعلش اوى كده انا قلت رايى وتجربتى الشخصية ورزقى على الله لكن ده اللى شفته وجربته اما انقلاب سيارة صاحبك ده لسبب تانى خالص لايعلمه الا الله واعتقد ان النقل لطشت اكصدامه طيرته لانه هياخد غرزة ازاى وهيا جايه عكس يعنى هيا مقابلاه مش جنبه او وراه اوادامه دى جاية عليه ثم انا عارف الطريق ده وده شبه مفيهوش منحنيات اصلا مش منحنيات خطيرة
واما حكاية الزاوية 90 فدى مش من عندى او من تاليفى لكن ده من وصف للسيارة ومميزاتها اعتقد قريته على موقع الشركة
وانصحك تقرا كتالوج عربيتك هتلاقيه بيقول السرعة القصوى كذا دى بقى تلتزم بيها ومتزيدش عنها
وبعدين نقل ماشى على طريق الهايكستب عكس اتجاه ؟؟؟؟؟؟؟؟؟؟؟؟ ده قلبه ميت اوى ده اكيد كان فى الفجر
واما ان كان على المبيعات ففى مصر سوق لايقاس عليه اى شىء لان الاسبرانزا وهيا سيارة في عليها اكتر من 10 الاف شكوى فى جهاز حماية المستهلك مبيعاتها اكتر من الفيرنا والصنى مع بعض مجتمعين لاننا بنبص للسعر قبل الجودة فى مصر فقط واسال عن الفيرنا فى الخارج هتعرف انها لاتنتج الا فى مصر فقط بينما الصنى تنتج فى 10 دول حتى الان ثم العربية اللى تتحملنى تبقى عربية لانى بلف بيها اكتر من 6000 كيلو شهريا يعنى ولا الميكروباس ومشغلها زى النص نقل ماشاء الله بتشيل فوق الطن الا ربع بضاعة ومع ذلك رغم كل البضاعة دى سحبها بيوصل 140 فى الساعة
ههههههههه وياعم حقك عليا انا غلطان ليك وللفيرنا و ده اعتذار رسمى للفيرنا اهو احنا بنقول لك كده حبا فيك وخوفا عليك بس ومع ذلك انت لم ترد على مسالة ان العربية جديدة و ده يدل على انها جديدة ربنا يباركلك فيها ويكفيك شرها اللهم آمين

المشاركة الأصلية كتبت بواسطة mohamed ibiza احمد باشا حمد الله علي سلامتك من ال 190 بس بصراحة انا مش مقتنع انا جربت الفيرنا بنفسي و ثباتها بيضعف بعد ال 100 جدااا و ناس كتير معاهم فيرنا قالو كده اولهم احمد كار مثلا و هو معاه فيرنا و قال كده في تقييمه ليها و مثلا عندك واحد صاحبي كان ماشي 80 و المفروض كان فيه ملف هياخده و كان ناسي و خده فجأه علي ال 80 دي العربية رفعت من الجنب :D !! و اسباب ضعف ثباتها حاجات كتير اولها الوزن !! موتور 1600 106 حصان 2 كامة اللي بينزل في السيراتو القديمة و الكوبيه القديمة و الانترا و كلها عربيات وزنها معقول و واطيه علي الارض انما الفيرنا وزنها 1110 كيلو و مش واطيه و جنط 13 و كاوتش تعبان و عفشه عاديه مش مساعدين غاز زي الانترا مثلا !! كل العوامل دي لازم تأثر فيها و لو عايز تخليها ثابته بجد هات طقم جنوط 15 و كاوتش 195/50 بريدجستون botenza او هات زي بتاعي kumho ecsta حلو جدا عن تجربه و ركب مساعدين كوني بالسوست و ساعتها هتقدر تجري 190 و تغرز بأمان الي حد معقول جدا لان العربية هتوطي كمان

حمادة حبيبي نورت الموضوع يا باشا انا مش مقتنع بالكلام اللي انتا قولته ده هقولك ليه انا وانا رايح كنت ماشي 130 140 وكان كل شوية الاقي حفرة في الارض فاجاءة العربية بسم الله ما شاء الله خدت بيها وانا رايح غرز بعدد شعر راسي علي السرعة ديه وكنت فعلا حاسس انها ثابتة جدا والحمد لله قدرت افادي كل الحفر اللي في الارض وبعدين انا بعاني اساسا من الوطي بتاعها وعايز اعليها مش اوطيها العملية خربانه يا عم محمد والعربية بتبوس ايدي في المطبات اني اعليها

المشاركة الأصلية كتبت بواسطة خالدخليفة ههههههههههههههه ياباشا متزعلش اوى كده انا قلت رايى وتجربتى الشخصية ورزقى على الله لكن ده اللى شفته وجربته اما انقلاب سيارة صاحبك ده لسبب تانى خالص لايعلمه الا الله واعتقد ان النقل لطشت اكصدامه طيرته لانه هياخد غرزة ازاى وهيا جايه عكس يعنى هيا مقابلاه مش جنبه او وراه اوادامه دى جاية عليه ثم انا عارف الطريق ده وده شبه مفيهوش منحنيات اصلا مش منحنيات خطيرة واما حكاية الزاوية 90 فدى مش من عندى او من تاليفى لكن ده من وصف للسيارة ومميزاتها اعتقد قريته على موقع الشركة وانصحك تقرا كتالوج عربيتك هتلاقيه بيقول السرعة القصوى كذا دى بقى تلتزم بيها ومتزيدش عنها وبعدين نقل ماشى على طريق الهايكستب عكس اتجاه ؟؟؟؟؟؟؟؟؟؟؟؟ ده قلبه ميت اوى ده اكيد كان فى الفجر واما ان كان على المبيعات ففى مصر سوق لايقاس عليه اى شىء لان الاسبرانزا وهيا سيارة في عليها اكتر من 10 الاف شكوى فى جهاز حماية المستهلك مبيعاتها اكتر من الفيرنا والصنى مع بعض مجتمعين لاننا بنبص للسعر قبل الجودة فى مصر فقط واسال عن الفيرنا فى الخارج هتعرف انها لاتنتج الا فى مصر فقط بينما الصنى تنتج فى 10 دول حتى الان ثم العربية اللى تتحملنى تبقى عربية لانى بلف بيها اكتر من 6000 كيلو شهريا يعنى ولا الميكروباس ومشغلها زى النص نقل ماشاء الله بتشيل فوق الطن الا ربع بضاعة ومع ذلك رغم كل البضاعة دى سحبها بيوصل 140 فى الساعة ههههههههه وياعم حقك عليا انا غلطان ليك وللفيرنا و ده اعتذار رسمى للفيرنا اهو احنا بنقول لك كده حبا فيك وخوفا عليك بس ومع ذلك انت لم ترد على مسالة ان العربية جديدة و ده يدل على انها جديدة ربنا يباركلك فيها ويكفيك شرها اللهم آمين

متزعلش يا دكتور خالد اصل انا اتصدمت وانتا بتقول انها عربية صغيرة حسستني اني راكب هاتش باك فعلا ولا تزعل يا سيدي وجاري اللي حصلتله الحادثه ده هوه فوجئ بالنقل ده جاي في وشه بس النقل مخبطهوش وهو بيفاديه يمين في شمال العربية اتقلبت وهوه ده كل اللي حصل بالظبط وهبقي اجبلك من صور العربية واورهالك علشان تصدق وبعدين الاسبرانزا ديه اساسا متنفعش حتي تكون عربية خضار انا كنت حاجزها قبل الفيرنا وجت الموافقة من البنك وخلاص في اليوم اللي جات فيه الموافقة كنت رايح شقتي في اكتوبر وشوفتها في اخر مطلع علي المحور واحد خبطها خبطة خفيفة جدا لاقيت الاكصدام بتاعها الخلفي اتكسر نصفين ولما شوفت المنظر ده لاغيت الحجز وحجزت الفيرنا اهو نص العمي ولا العمي كله وانا اعرف ناس معاهم فيرنا مطالعين عين اللي جابوها وبيعملوا في اليوم مش اقل من 300 كيلو بيها ولا اشتكت