سؤال مهم:رخصة السيارة128تنتهي في11/2013 واريد نقلها من مرورعبود الي مرور شبين القناطر ماذا افعل؟

[osamaothman85]

سؤال مهم:رخصة السيارة128موديل 79تنتهي في11/2013 واريد تجديدها3سنوات ونقلها من مرورعبود الي مرور شبين القناطر ماذا افعل؟وكم ادفع؟
ارجو الرد

[mr_astra]

الاول بس حضرتك شارى بتوكيل ولا بعقد بيع مسجل فى الشهر العقارى
هانفترض الاسوا انك شارى بتوكيل
يبقى تروح اى شهر عقارى وتعمل عقد بيع مسجل فى الشهر العقارى بموجب التوكيل اللى معاك ودة تكلفتة حوالى 60 جنية

تبدا من مرور شبين القناطر
تشترى نموذج فحص وتجديد ونقل ملكية واملا البيانات
تتجه الى اى كشك من الموجودين فى المرور التابعين لشركات التامين
تامن على العربية تامين اجبارى لمدة 3 سنوات بحوالى 260 جنية
تتجه الى الكشك بتاع شهادة صلاحية الطفاية
تختم الورقة الصغيرة اللى فى نموذج الفحص والتجديد (دة فى حالة ان الطفاية اللى معاك سليمة ومعداش عليها 3 سنوات )
تشوف العامل بتاع الفحص الفنى يرفعلك بصمة شاسية وموتور
تروح لمهندس الفحص عشان يكتبلك مطابقة بصمة من مرور عبود
تروح مرور عبود وتدخل من المدخل الرئيسى اللى اول النفق
فى الوش على طول نيابة المرور
تديلة الرخصة يجبلك بييان لوحات (يعنى العربية كانت ارقامها اية زمان)
وبعدين تقدم الرخصة فى الشباك وتستنى لما تدفع وتاخد شهادة المخالفات على الساعة 12 تقريبا
تطلع الدور التانى وتجيب شهادة استعلام امنى ودى هاتخدها وانت واقف
تروح مرور شبين القناطر بس تانى يوم
تقف على الشباك ومعاك
رخصة السيارة
عقد البيع المسجل فى الشهر العقارى
نموذج الفحص والتجديد
شهادة المخالفت
التامين الاجبارى
الاستعلام الامنى
البطاقة الشخصية

وصور من كل المستندات السابقة
هاتدفع الضريبة لمدة ثلاث سنوات حوالى 500 جنية
وتستلم الرخصة بامر الله

[mr_astra]

تروح مرور شبين القناطر بس تانى يوم تقف على الشباك ومعاك

نسيت اقول خطوة هنا وهى انك تروح الاول لمهندس الفحص يختم على اورنيك الفحص وبعدها تتجه الى شباك التجديد ونقل الملكية