عيوب و مميزات الفيرنا ال 1600cc

[lost2008]

المشاركة الأصلية كتبت بواسطة sonata اولا : شكرا للأستاذ lost2008 على مشاركته التى أفادتنى وصححت لى معلومة خاطئة وانا ححاول انى مااسافرش بالعربية غير لما يكون ورقها كامل انشاء الله -- ثانيا : شكرا على مجهود المتعهد الرسمى للاجابة على اسالتى وممكن اعرف ايه لازمة التاكد من ان الولاعه موجوده ؟؟؟ هل ممكن بعد الغيبة الطويلة للعربية ان يظهر فيها عيوب ؟؟؟؟ ممكن دة يحصل؟؟؟ و شكرا على المجهود

العفو انا كنت فى حيرتك ديه قبل مشتريهه برضه و احمدكار و باقى الاعضاء ساعدونى كتير و وضحولى حاجات كتير

[sonata]

شكرا جدا يا استاذ احمد على الاستفاضة فى الاجابة وأحب أقولك انى موووش ناوية اجيب مستعمل رغم ان ياما اتعرض عليا ماركات كتيرة مستعملة ولكن زهقت وناويت على الجديد ---

وليه فرنتك العزيزة عايز تبعها دى أخرتها بقى انا لسة عايزة اشترى جديدة وانت عايز تبيع نفس الماركة اللى كانت كل اسئلتى عليها هل هناك مشاكل تستدعى إعادة التفكير فى العربية دى واللا ايييييه؟؟؟؟؟

اما بالنسبة للاستاذ lost2008 تعليقا على رده فهو العضو الذى فعلا اعترف بالحيرة اللى انا كنت فيها واللى فى الحقيقة رجعت شوية بعد عرض احمد عربيته للبيع وياريت ردك يا lost2008 دة يكون رد على التعليق السخييييف اللى وصلنى من احد الاعضاء
----- شكرا جزيلا على التعاون----

[AHMEDCAR]

انا مش ببيع علشن عيب فيها لا سمح الله لكن لظروف خاصه بيا و ان شاء الله تتعدل و اغير فكره البيع دى نهاى دى عزيزه عليا اوى

[mimo alex]

الاستاذ أحمد /الحقيقه ردودك بتبقي كاقيه ووافيه ولي سؤال لحضرتك ما الفرق بين الفيرنا واللانوس الشيفروليه؟ يعني ميزات كل واحده لوسمحت

[AHMEDCAR]

شيفورليه لانوس ما اقدرش احكم عليها من غير ما اجربها مع ان كل الناس بتقول انها هيه هيه الانوس و انا متفق معاهم عى كده بس لسه ماسوقتهاش علشان افيد حضرتك تقريقرى ده هايكون بخصوص شقيقتها الدايو لانوس و على فكره اخويا معاه و احد و دى انا اللى مشتريها ليه اصلا

العربيتيين متفقين مع بعض فى نفس الفئه السعريه
لكن الفيرنا بموتور 1600 ذو كامه مزدوجه بيولد قدره حصانه 106 حصان على 5800 ار بى ام (الفا2 ) 16 صباب
الانوس موتور 1500 كامه علويه فرديه بيولد طاقه 85 حصان عند 4900 ار بى ام غالبا 8 صباب


ثبات الفيرنا سيى من بعد ال120 لازم تركب جنوط 14 لو انت من هواه الجرى لكن مشاويرك كلها داخل البلد برعه 90 الى 120 ما فيش مشكله

الانوس افضل من الفيرنا فى الثبات لكن بنسبه بسيطه الى0 15 كيلو متر و برضو لازم جنوط


التقفيل فى الاتنين واحد لكن فى الانوس افضل بنسبه بسيطه لكن فى اقاويل انه فى 2008 بقى سيى جدا

ميزه الفيرنا ان موتورها قوى جدا جدا و معدل استهلاكه للوقود مثل معدل استهلاك الانوس و ايضا التكنولوجيا اللى بتستخدمها الفيرنا احدث من الانوس بحيث ان الفيرنا موتورها انتج عام 2005 و الانوس لسه معتمده على موتور بتكنولوجيا من سنه 1998

لكن بصراحه مواتير الانوس معمره بالنسبه للفيرنا لسه ماوضعتش فى اختبارات علشان نقدر نقول الموتور ده معمر ولا لا

لكن اللى ظاهر حاليا ان الموتو جيد جدا جدا حتى استخدام 150 الف كيلو

علشان كده انا فضلت الفيرنا و خصوصا انى هاتغلب على مشكله الثبات بالجنوط

فرامل الانوس عقيمه جدا جدا ماتساعدكش خالص بعكس الفيرنا افضل من الانوس فى النحيه دى

معلش التقرير ده انا عملته كده فى السريع و انا فى الشغل لكن ان شاء الله فى تقرير اوفى و افضل من كده بكتر لو حد عنده استفسار انا فى الخدمه