تاريخ فيات فى المنطقة الحرة

[حازم شاهين]

قيل الكثير عن غياب موديلات فيات و انحسارها عن السوق المصرية منذ ما يقرب من ثلاثون عام

لكن الوضع فى بورسعيد يختلف كثيرا بحكم السماح دوما باستيراد السيارات المستعملة من أوربا
فقد كانت موديلات فيات دوما تلقى قبول و ترحاب فى سوق سيارات المنطقة الحرة
و لم تبدأ موديلات فيات فى الانحسار إلا بعد اكتساح السيارات الكورية للسوق بما توفره من كماليات كانت قلما تواجد فى السيارات الأوربية فى فترة الثمانينات و التسعينات
و أنا اليوم أعرض عليكم أهم و أنجح موديلات العملاق الإيطالى و التى صالت و جالت فى شوارع بورسعيد

فيات 128

لا شك انها كانت النجم الساطع لشركة فيات فى بداية و أواسط السبعينات و قد كانت سيارة الشباب و الطبقة المتوسطة فى مصر فى تلك الفترة و على الرغم من تجميعها فى مصر إلا أن الموجود منها فى بورسعيد كان وارد إيطاليا







فيات 131 Mirafiori

أتحفتنا فيت بالسيارة 131 فى أواسط السبعينات أيضا بمحرك 1.3 و 1.6 ليتر كانت تعتبر نقلة فى تاريخ فيات و أنتجت منها حوالى مليون و نصف المليون سيارة حتى توقف إنتاجها فى 84 و حققت نجاحات ممتازة فى الرالى و كسبت بطولةالعالم 3 مرات





فيات 132 و فيما بعد Argenta

وحش فيات و أخر سيارة بالدفع اخلفى تميزت بالفخامة بمعايير وقتها و القوة و الكفاءة و كانت سيارة المقتدرين نوعا ما و كان محركاتها قوية و كبيرة يعنى 1.8 أو 2 أو حتى 2.4 ليتر و كان فيه منها بفتيس أتوماتيك



ريتمو Retmo

عربية من أواخر السبعينات أيضا من أوائل السيارات إلى لفتت الأنظار للهاتشباك فى مصر كانت عملية و قوية و شبابية و سهل ترويشها و نجحت كمان مع السيدات و الفتايات و هى أم أو يمكن جدة الفيات برافو إللى كلنا معجبين بيها



ريجاتا Regata

النسخة السيدان من ريتمو فيس ليفت بدأ إنتاجها فى منتصف الثمانينات على شاسية 131 بدفع خلفى و كانت بتعتبر سيارة فخمة فى وقتها و مالكها كان يبقى فخور بيها



أونو Uno

عربية صغيرة سوبر مينى خليفة 127 سجلت حضور معقول فى منتصف الثمانينات و كانت عاجبة السيدات و البنات



تيبو Tipo

خليفة السيارة الناجحة ريتمو لكن بتصميم أكثر عصرية و مساحة داخلية كبيرة و محركات أكثر قوة بالإضافة لبعض الكماليات الجذابةظهرت فى أواخر الثمانينات و نجحت نجاح كبير



تيمبرا Tempra

هى النسخة السيدان من التيبو و تعتبر خليفة السيارة ريجاتا تميزت النسخ إللى جات لنا من إيطاليا بوجود نظام للغاز فيها السيارة دى كانت أخر ظهور لسيارات فيات فى المنطقة الحرة قبل إكتسار سيارات كوريا للمنطقة الحرة.



ده كان موكب فيات فى بورسعيد يا ترى هيبقى له كمالة

[safy2017]

الموضوع جميل فعلا و شيق كمان
أشكرك كثيرا على التقرير الجميل

[geuvara_2010]

131 132 و التمبرا و الريجاتا كانوا من احلي ولازالوا من احلي عربيات الفيات و الفيات عربيه جميله جدااااا و شركه محترمه جدا بس مش واخده حقها في مصر خالص من بعد مالوحش الكوري دخل مصر

[كومندا]

وللاسف يا اخ حازم كنت انزل المنطقه الحره ((الاستثمار) اشوفى 5000 عربيه اشكال والوان

والفسبا الايطالى معشوقة المحلاويه

لكن دلوقتى كله مصانع ملابس

والاسعار هناك كانت ممتازه

بورسعيد كان فيها خير كتيرررررررررررررررررررر

[hazem_khidr]

الله عليك يا حازم باشا
رجعتني للزمن الجميل اللي بحبه
زمن الفيات و العربيات النضيفه
فكرتني بال 132 و لما كنا ننزل بورسعيد في الاسكان نجيب قطع غيار من هناك
و تلاقي قطع الغيار زيرو
شبكه بالفوانيس و ابواب كامه و تابلوه كامل و كانت العربيه ترجع زيرو تاني
و كنت هاوي امشي اتفرج علي الريجات و اعشق اني اشوف العلامه الخلفيه و عليها كلمات
زي ال 70 اس و ال 100 و ال110 اس
و مكنتش بشوفها غير في بورسعيد فقط
و الاريجانتا و ال131 السوبر ميرافيوري
بجد كانت احلي ايام
و شكرا ليك مره اخري علي موضوعك المميز