تجربتى مع نيسان صنى

[mohamedfadel]

: 14FEAD~151:

المشاركة الأصلية كتبت بواسطة ahmadkamal2 انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم. ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM. العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل. سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية. العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية. بصوا للسوق وشوفوا العربيات بالامكانت دى بكام اما البكانتو 2011 1300 cc 96000 جندى. نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام. غيروالزيت واستخدموا valvoline او lquimoly انا فرق معايا جدا لما غيرت موبيل1* وجبت فالفولين واستهلاك البنزين فرق معايا جدا. واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة واى استفسار انا فى الخدمة.

[ShekeeS]

ربنا يباركلك فيها يا د/تامر
واى رايك اشتريها منك علشان عجبتنى اصلى بدور على عربيه بس المهم تكون نظيفه

[waelsalah]

السلام عليكم
وكل عام وانتم بخير
معلش
سؤال بالنسبه لقطع الغيار هل غاليه جدا بالمقارنه بالفيرنا واللانوس
ولا معدلها معقول (( انا بتكلم ع السعر والانتشار خارج التوكيلات )) فى المنصورة
وشكرا جزيلا

[amdd]

اسعار قطع الغيار دلوقت اصبحت متوفره وسعرها معقول ولو هتلاقى فرق فى السعر عن قطع غيار الانواع الاخرى هيكون زياده بسيطة متخوفكش

[jojojojojo]

فعلا قطع الغيار اصبحت متوفره وباسعار مناسبه بس هي طبعا اغلي من الانوس والفيرنا شويه بس اسعارها في مستوي الانسر والتويوتا بس ميزتها انها بتعيش معاك