لية نيسان صنى مش محبوبة..!!!

[m_elmasoudy]

سيارة ممتازة جدا عن تجربة.. ولكن المشكلة فى الأفكار المصرية الناتج معظمها عن العادات والتقاليد....

[dr_eslam_66]

المشاركة الأصلية كتبت بواسطة bassamcoltd الساده القراء الاعزاء أولا انا بحكم شغلي مهندس مدني تنفيذ فانا ركبت معظم العربيات الموجوده بالسوق حاليا من كل العربيات الجديده كيا و هيونداي و دايو و اسبيرانزا و تويوتا و كده المهم الواحد اولا بيشوف قدرته الماليه كام و بيحدد عليها هوا عايز يجيب ايه طبقا لفلوسه و طبقا للفوايد اللي هايترزعها من البنك دي اول حاجه طيب ايه المتاح في فئه الـ 90000 جنيه و حاجه المفترض تكون كويسه هتلاقي 3 عربيات تقريبا الاولي هيونداي نيو اكسنت الثانيه كيا ريو و الاخيره نيسان صني انا طبعا باتكلم عن الاوتوماتيك و الله العظيم انا شايف ان اول اختيارين ما يستحقوا 60000 جنيه عربيات فقيره جدا داخليا تحس انك راكب توكتوك مافيش حاجه تلفت النظر حاجه غريبه جدا انا مش فاهم ليه سعر الاتنين 88000 جنيه تقريبا ليه ؟ المهم انا اعرف كذا حد عنده الصني بس ماكنش في بالي انها بالسعر دا 89000 كامله اوتوماتيك من غير abs معظمهم قالولي موديلات 2010 بتاكل بنزين طيب السعر دا مع عربيه ياباني تقفيل مصري انا قولت العربيه ملعوب في اساسها اكيد التقفيل زفت طيب ما اروح اشوفها في المعرض هاخسر ايه المهم روحت اوتو ايجيبت المهندسين و شوفت العربيه و ركبتها و الله العظيم انا شايف انها ماتفرقش عن المستورد في اي حاجه بل بالعكس انا ركبت النيو اكسنت في المصريه و الله و لا ليها اي لازمه نرجع لموضوعنا العربيه ماشاء الله تقفيلها كويس جدا بالنسبه للقيمه الماليه تحتها ميت خط طيب ايه المشكله المشكله في البنزين طيب يا سيدي العربيه فاضيه وزنها حوالي 1300 كجم و اوتوماتيك يعني اللتر لو جاب معاك في البلد 10 او 11 كم يبقي تمام قوي زي الكوري لاني عامل جداول استهلاك بنزين بالنسبه للكوري من خلال شغلي و بياخدوا نفس المعدل تقريبا و و الله انا اشتريت العربيه موديل 2011 و ربنا طبعا يبارك فيها انا شايف انها اختيار مثالي بالنسبه للسعر و اللي مش عاجبه يدفع بقي في اللي اعلي

طيب إنتوا كدة سيبتولنا نقول إيه بقى؟؟؟؟
كل الناس ردت وقالت وعادت وزادت أحلى كلام وردود الكل تحترم وآراأهم لها وزن.
بس أحب أقول حاجة الي يعرف يجيب عربية بسعر الصني أحسن منها يقولي عليها وأنا أبيع وأشتري بكرة الصبح وتحدييييي!!!!! زي روابي كدة ههههههههههه.
على فكرة يا هندسة ردك تقريبا زي ردود كتير شدتني بس أنا حبيت فيه عملية الحياه والتأثر بالواقع. على فكرة أنا مهندس مدني بردو ومعايا صني.
يا محاسن الصدف.

[Limoway]

يا جماعه صاحب الموضوع بدء موضوع بيقول في عنوانه

ليه نيسان صني مش محبوبه

وماشاء الله سبع صفحات ردود

ممكن أنا أسأل صاحب الموضوع سؤال؟
مين الي قالك إن الصني مش محبوبه؟
هو لازم الناس تحط عليها ورد في الشارع علشان تبقي محبوبه؟
علي أي أساس بدأت هذا الموضوع؟؟؟!!!!

أنا شخصيا كل الي أعرفهم بيحبو الصني وبيفضلوها عن الانسر البومة خصوصا بعد وصول سعر البومة ل 130 الف

[citroeen]

ياباشا انا مش بجيب حاجة من عندى وكاتب فى الموضوع و العيوب ممكن تكون من اية واية واية وفى ناس بتشكر فيها وفى ناس مش بتشكر عشان التقفيل المصرى و اكل البنزين الكتير والعفشة وموضوع الشكل فى كذا موضوع يعنى و لا حد قال بقى يحت ورد و لا حت يحت ياسمين عادى وكمان سالت عليها كتير ومحدش قالى عليها اشترى فاقولت اسال الناس الى سائقت العربيية والى عندهم وفى فعلا ناس شكرت فيها وفى ناس عيبت السيارة واولا واخيرا يااستاذ الناس انا و لا بكرة العربية و لا بحبها انتا نزل مصر وسال وشوف وحاور الناس وكمان انتا فى السعودية مش فى مصر فا هتعرف انتا منين بقى وشكرا

[Limoway]

المشاركة الأصلية كتبت بواسطة citroeen ياباشا انا مش بجيب حاجة من عندى وكاتب فى الموضوع و العيوب ممكن تكون من اية واية واية وفى ناس بتشكر فيها وفى ناس مش بتشكر عشان التقفيل المصرى و اكل البنزين الكتير والعفشة وموضوع الشكل فى كذا موضوع يعنى و لا حد قال بقى يحت ورد و لا حت يحت ياسمين عادى وكمان سالت عليها كتير ومحدش قالى عليها اشترى فاقولت اسال الناس الى سائقت العربيية والى عندهم وفى فعلا ناس شكرت فيها وفى ناس عيبت السيارة واولا واخيرا يااستاذ الناس انا و لا بكرة العربية و لا بحبها انتا نزل مصر وسال وشوف وحاور الناس وكمان انتا فى السعودية مش فى مصر فا هتعرف انتا منين بقى وشكرا

يا باشا أنا العربيات هوايتي. حتي لو في السعوديه بس علطول متابع السوق المصري. لإني راجع مصر بإذن الله.

بالنسبه للبنزين. أبويا معاه لانوس 2008 وبتاكل بنزين كتير ومتورها بطه.
بالنسبه للشكل. أكيد الصني أحلي من اللانوس ومعذلك ناس كتير بتجيب اللانوس.

عموما أنا إبن خالي جاب حته صني 2009 سوبر صالون.

وإبن خالتي معاه بومه 2006 كان جايبها زيرو ولما ساق عربية إبن خالي بيفكر يبيع البومه ويجيب صني هو كمان.

بالإضافة إن أحد أصدقائي إشترى صني عن إقتناع بالرغم من محاولتي إقناعه بشراء سيارات أخري

من الاخر كل الناس الي أعرفها بتشكر في الصني مش لإنها سوبر كار
لإن الي بتاخده بالنسبه للسعر أكتر من ممتاز