الى محبى إبيزا

[mohamed ibiza]

جديد هتجيب ايه جديد ؟؟ سبيرانزا فيرنا

سبيرانزا مش مضمونة في ناس اشتكت منها و هي لسه بتلين و طقطة في المطبات و حاجات غريبة كده

فيرنا مش عايز اقولك واحد صاحي امبارح علي الدائري بياخد غرزه علي سرعة 100 عشان يعدي اوتوبيس سياحي العربية لفت بيه و لبس في الاوتوبي الصدر اتعجن و العربية اتبهدلت عربية ضعيفة جدا انا غرزت بالابيزا علي 160 و العربية راكب فيها من ورا علايات بتخليها عالية شوية عن الارض عشان المطبات و العربية محستش فيها بأي تعويم الحمد لله دي لفت علي 100 عربية ضايعة يعني

انا لو مكانك مش هفكر في الجديد الا لو معايا ما لا يقل عن 100 الف عشان اجيب حاجة محترمة و المستعمل عموما طالما كشفت قبل ما تاخدها و عرفت العربية كويس و كل حاجة فيها يبقي مفهوش مغامرة المغامرة هي انك تشتري علي عماك من غير ما تكشف و من غير ما دح بيفهم يشوف العربية

و بجد انا كل يوم بحمد ربنا علي الابيزا رغم انها 94 و ممكن تكون في عربيات احدث منها و فيها اوبشنز اعلي بس علي الاقل انا شفت العربية دي بعينييييييييييييي في روكسي و هي بتلبس في عمود نور و الاتنين اللي كانوا فيها ادام طلعوا سولام مفهمش الهوا غير شوية دوخه من الخضه و كانت بتجري مش حادثة عادية اقلها واحد صاحبي من كام يوم راكب معايا و انا كنت ماشي 90 و كلت مطب شديد جدا هو صاحبي بتاع الفيرنا اللي ادمرت ده قالي انا لو اخدت مطب زي ده بالفيرنا مش بعيد انزل الاقي المقصات مقطومه

عربية ممتازة و عمري ما شفت منها حاجة وحشه و رغم المعاملة الزفت اللي انا بعاملها ليها برضه شايلاني و عمرها ما قالت لا و علي فكرة الايام اثبتت ان القديم النضيف احسن مليون مرة من الجديد اللي زي الفيرنا و الصيني و الكلام ده كله

[ironheart]

انت فيرس يامحمد بجد بجد ابتديت اقتنع
انا زهقت جدا من الجديد كلة
الكورى والصينى يقرف (مع احترامى لمالكى الاتنين)
بس انا بفكر فى قرطبة احسن عشان الشنطة والبرستيج ياترى هى منتشرة زاى الابيزا ولا قليلة شوية وسعرها هيزيد على الابيزا بكام

[Mohamed Dahab]

المشاركة الأصلية كتبت بواسطة ironheart انت فيرس يامحمد بجد بجد ابتديت اقتنع انا زهقت جدا من الجديد كلة الكورى والصينى يقرف (مع احترامى لمالكى الاتنين) بس انا بفكر فى قرطبة احسن عشان الشنطة والبرستيج ياترى هى منتشرة زاى الابيزا ولا قليلة شوية وسعرها هيزيد على الابيزا بكام

ممكن حضرتك تتدخل على مقع كونتاكت كارز وتاخد معلوه عن السعر
كان فى من قيمه فتره اتنين عارضين قرطبه مو 98 مش عارف اباعو ولا لا
وربنا يوفقك فى عربيه حلوه ان شاء الله

[mohamed ibiza]

المشاركة الأصلية كتبت بواسطة ironheart انت فيرس يامحمد بجد بجد ابتديت اقتنع انا زهقت جدا من الجديد كلة الكورى والصينى يقرف (مع احترامى لمالكى الاتنين) بس انا بفكر فى قرطبة احسن عشان الشنطة والبرستيج ياترى هى منتشرة زاى الابيزا ولا قليلة شوية وسعرها هيزيد على الابيزا بكام

ههههههههههه والله يا باشا الوصف ده جامد ربنا يخليك ptmnlo123per122

القرطبه الفرق بينها و بين الابيزا ان القرطبه 1400 و مختلفة عن شكل الابيزا من ورا و طبعا شنطتها اوسع من الابيزا بكتير لان الكوردوبا هي سيدان الابيزا منتشرة يا باشا و حاجتها موجودة و زي الفل و نفس نظام صيانة الابيزا و تصليحها انا قدامي كوردوبا 96 بس معدلة علي 37 الف جنيه و عايز اوضح حاجة كلمة تعديل مش معناها انك بتعدل في العربية لا انت مجرد بتشيل و تحط يعني هي الستوك بتاعها 1400 هي حاليا فيها مكنة اسمها 2e دي 2000 سي سي 120 حصان عزمها 166 نيوتن مكنة بتاعت ترزيع و بتتحمل جدا جدا جدا يعني و حاجتها مرميه في الحرفيين