رابطة ملاك ومحبى السفينه فيات 132

[Hisham.Elgazzar]

صباح الخير ، كنت عاوز أقولكوا على حاجة
النهردة إكتشفت إنى ماظبتش التاكيهات صح
وبكرة بإذن الله هكون عند الخراط من بدرى علشان أراجع عليها تانى وهظبط شوية حجات تانية كده فى الموتور
الخراط فى الحى العاشر مدينة نصر 3 دقايق من الطريق الدائرى زهراء م نصر
اللى يحب نتقابل بكرة يعمل لايك

[أيمن الروبي]

انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

[Hisham.Elgazzar]

المشاركة الأصلية كتبت بواسطة aimooo انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

تروح وترجع بالسلامة وأجازة سعيدة بإذن الله

[محمدصلاح القاضى]

المشاركة الأصلية كتبت بواسطة Hisham.Elgazzar صباح الفل تقصد السكاكة بتاعت الباب الاول تمسك الباب من تحت وترفعه شوية ، بس مش جامد يعنى واحدة واحدة وتفتح الاوكرة وتقفل السكاكة وبالمزيتة تدى السكاكة وتجيب مفك صليبة كبير وتقرط على المسامير الى فى القايم مكان ما السكاكة بتبات فيه وجرب كده وقولنا اه النظام

صباح الفل عليك وعلى الجميع
المشكله ان السكاكه بتاعت الباب ع طول باصه لتحت ترفعها بأيديك وتقوم نازله تحت كأنها مكسوره من جوه او حاجه زى كدا لكن حكايه ظبطت الباب على السكاكه اللى فى القايم فأنا عارف الموضوع دا وهو سهل جدا لكن محتاج شغل على الهادى عشان تظبط لكن المشكله عندى فى السكاكه ذات نفسها

[محمدصلاح القاضى]

المشاركة الأصلية كتبت بواسطة aimooo انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

خلى بالك من نفسك
وتروح وترجع بالسلامه
وابقى وانت معدى على طنطا متنساش ان ليك اخ هناك اسمه القاضى