حصريا لمصر موتورز فقط : كل ما تريد ان تعرفه عن باندا كروس 2012 & صور من المعرض & مميزات وعيوب- ارجو التثبيت

[drasd]

السلام عليكم
أعضاء المنتدى الكرام
هذا الموضوع هو جزء من رد للجميل لكل عضو في هذا المنتدى استفدت منه بكلمة او معلومة او حتى ابتسامة
الحمد لله اليوم ذهبت لتوكيل جيلي وجبتلكم بعض الصور والمعلومات اتمنى انها تعجبكم واكون ساهمت بحاجة بسيطة في هذا الصرح العملاق مصر موتورز





نبدأ بالصور واعزروني كاميرا الموبايل مش قد كدا والمعرض كان عايز يقفل مالحقتش اخد راحتي



الكشافات الامامية :



التابلوة :





الشنطة والاستبن :



صور تانية من على النت اكثر وضوحا :



الفرق بينها وبين الحقيقة الكاسيت هو راديو اف ام مع وصلة AUX












طبعا الفرق التاني ان الجنوط اللي نازلة مصر عادية مش اسبور

المهم مواصفات العربية :

محرك 1400 -86 حصان - مانيول -
تكييف هواء - زجاج كهربائى امامى و خلفى - سنتر لوك - فتح التنك من الداخل - فتح الشنطة الخلفية من الداخل - المرايا الخارجية بتحكم كهربائى - مقابض الابواب بلون السيارة - باور ستيرنج - احزمة امان امامية و خلفية - ضوء ستوب خلفى علوى - انذار عند تجاوز السرعات - انذار لعدم غلق الابواب - انذار لعدم ارتداء احزمة امان - اقفال امان خلفية بالابواب لحماية الاطفال - فوانيس ضباب امامية و خلفية - الاكصدامات بلون السيارة - حامل سقف للسيارة - حوامل اكواب وعدد هم ثلاثة - راديو - 4 سماعات

انطباعي الشخصي :

المميزات :

1- المنظر الخاجي : السيارة تحفة بكل مافي الكلمة من معاني وتذكرني كثيرا بالجيب والتيجو
المنظر الداخلي : فخم جدا التابلوة والفرش لون واحد اسود بيفكرني بتابلوة الرينو لوجان بلاك لاين والدركسيون في جزئين فضي بيفكرني بدريكسون النيو النترا ( دا رايي الشخصي ياجماعة)
2-الخامات في التابلوه فخمة وممتازة وتصميمها رائع وافضل بكثير من الباندا العادية
3-السيارة اوسع من العادية بل واوسع من مثيلاتها ال A113 و ال اي تن والبيكانتو
4-الشنطة ايضا اوسع من العادية ومن مثيلاتها
5-الفرش افضل بكثير من الباندا العادية والكنبة الخلفية ايضا اوسع ولكن ليس كثيرا تاخد تلاتة مرتاحين بس ما يكونش فيهم حد مليان
6- جنط العربية اكبر من الباندا العادية واكبر من مثيلاتها
7- العربية عالية عن الارض هما عدلو الموضوع دا لان دا كان عيب الباندا الاساسي
8- الاعتمادية للجيلي باندا ممتازة ( من وجهة نظري احسن من ال A113 على الاقل مش بنغير مساعدين كل 6 شهور) واعتقد ان الكروس هاتبقى نفس الاعتمادية ويمكن اكتر
9-السعر تنافسي للغاية : 57 الف وتعتبر السياراة تقريبا بها جميع الكماليات

العيوب من وجهة نظري :

1- قطع الغيار اكيد مش هاتبقى متوفرة خصوصا العربية اول سنة ليها في مصر ومش هاتلاقليها فوانيس او اكصدامات غير في التوكيل ويا عالم السعر هايبقى ازاي

2- ما فيهاش كاسيت سي دي ( لكن فيها وصلة AUX )

3-جنوط عادي وطاسات مش جنوط اسبور

4- مافيش منها اوتو ماتيك

طبعا بافكر فيها بجدية من ساعة ما شوفتها وذلك لتصميها الفريد ولكن موضوع قطع الغيار قالقني جدا ويعتبر نقطة الضعف الوحيدة ولو الواحد فكر يستنى السنة الجاية غالبا هايبقى سعرها 67 مش 57

انا عندي البروشور بتاعها هاحاول اعمله سكان وارفعه ان شاء الله

و اي معلومات او صور جديدة هاضيفها في الموضوع دا علشان يبقى مكرجع لينا كلنا

في انتظار اراءكم وتعليقاتكم

[A7MED NASSER]

تسلم كتير يا باشا عالموضوع الجميل ده . تقرير مميز جدا و فعلا تستاهل عليه كل فخر و احترام و كلمه شكر (شكرا ً ليك يا باشا) . و متابع و مستنيين المزيد

[mms]

شكرا جزيلا على ابداع حضرتك فى عرض الموضوع وابداع شركه جيلى فى تقديم هذه التحفه .

[drasd]

المشاركة الأصلية كتبت بواسطة A7MED NASSER تسلم كتير يا باشا عالموضوع الجميل ده . تقرير مميز جدا و فعلا تستاهل عليه كل فخر و احترام و كلمه شكر (شكرا ً ليك يا باشا) . و متابع و مستنيين المزيد

السلام عليكم
شكرا جزيلا لك ولمرورك الجميل

[drasd]

المشاركة الأصلية كتبت بواسطة mms شكرا جزيلا على ابداع حضرتك فى عرض الموضوع وابداع شركه جيلى فى تقديم هذه التحفه .

السلام عليكم
نورت الموضوع وشكرا لك على ردك الرقيق