اية فائدة قربة مياة الرادياتير

[samirsaid1]

اية فائدة قربة مياة الرادياتير

مع ان الرادياتير اتخبط والمية نزلت منه ومع ذلك ما أخدش ميه من القربة والمية اللى فيها زى ماهى ماقلتش
واللى انا فاهمة ان القربة لما الرادياتير ميته بتنقص بتاخد من القربة معرفش دة صح ولا غلط ؟؟

والراجل بتاع الرادياتير زود مياة خضرة وملى القربه على الأخر والعربية بقت بتسخن هل ملء القربة على الاخر ليه تأثير وبيزود السخونه

[tatoo]

المفروض ان لما الرياتير الميه فيه تنقص يسحب من القربة ومع الغليان لما الميه تزيد يفضي الزيادة في القربة عشان كده لازم القربة متكونش مليانه للاخر ، في عندك علامات min & max لازم مستوى الميه يكون بينهم لا يزيد ولا يقل
ولو بعد ما صلحت الريدياتير ومليت ميه خضرا ظبطت مستوى الميه في القربه العربيه بتسخن روح للميكانيكي يشوفلك دوره التبريد او طلمبه الميه أو مروحة التبريد او الترموستات بتاعة الفصل والتشغيل للمروحة

[aymangalal]

بالاضافة الى: لو نزلت الميه من الرادياتير وما اخدش ميه تانى من القربة يبقى خرطوم الميه اللى رايح من القربة للرادياتير مسدود وبالتالى الميه مابتوصلش منه للرادياتير يعنى الميه بتاعته-الرادياتير- ناقصة او فاضى وبالتالى العربية بتسخن

[طارق عبد السلام]

لو العربيه لسه بتسخن اظن عاوزه يتاخد منها هوا
تفك الخرطوم الواصل من القربه مع الحرص وخليه يخرج الهوا وتزود ميه لحد ما الخرطوم يجيب ميه من غير هواء وبعدين ركب الخرطوم وزود القربه عادى بين الميكس مم والمينى مم

[samirsaid1]

شكرا ليكو وعلى مجهودكم

هى المراوح شغالة كويس وبتفصل حتى عندى حاجة غريبة ان المروحتين بيشتغلو مع بعض ( الرادياتير والتكييف ) مع ان التكييف مش بيبقى شغال ومش عارف السبب لان المفروض واحدة بس تشتغل ومع الحمل والسخونة تشتغل التانية

حاجة تانية المية مش بتقل خالص

الخرطومين الداخل والخارج فى الاول بيقى واحد سخن وواحد بارد وبعدبيبقى الاثنين سخنين فياترى دة معناة ان المية بتتقلب والطلمبة سليمة صح ولا ايه؟؟؟؟؟

وشكرا ليكو